كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

ەرىڭىزدىڭ سىزدەگى حاقىلارىن بىلەسىز بە؟ | muslim.kz


ءتۇرى: Muslim.kz ماقالالارى

ۋاقىتى: 11:15 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.


قازىرگى زاماندا جۇمىس ىستەۋ شارتتارى مەن اقشا تابۋ جولدارى اۋىرلاپ كەتكەنىن بايقايمىز. كەيدە جۇمىس ۇجىمىنداعى قىزمەتكەرلەر مەن ارىپتەستەردىڭ اراسىنداعى تۇسىنىسپەۋشىلىكتەر شىعىپ، ارا-قاتىناس شيەلەنىسىپ جاتادى، وعان قوسا، جۇمىستاعى قىزمەتىنە بايلانىستى كوپتەگەن قيىندىقتار تۋىنداپ جاتادى. ەركەك سىرتقا اسا سەزدىرە قويماعانىمەن، كوبىنەسە وسىنداي اۋىر جاعدايلاردان جۇيكەسى جۇقارىپ، شارشاپ-شالدىعىپ، ىشكى دۇنيەسى كۇيزەلىسكە ۇشىراپ، ۇيگە شارشاعان كۇيدە كەلەدى ەكەن. وسىنداي جاعدايدا ۇيگە كەلگەن كۇيەۋى ايەلىنەن جىلى شىرايمەن جاعىمدى ءسوز كۇتەدى، وزىنە كوڭىل ءبولۋىن قالايدى. بۇنى دا كورە الماسا جاعدايى ودان تومەن ءتۇسىپ كەتەدى. سوزدەرى، ارەكەتتەرى دە وزگەرەدى.

يسلام عالىمدارى «ۇيىندە تىنىشتىعى بولماعان ەركەك دۇنيە جاھاننامىندا جۇرگەنمەن تەڭ» دەگەن ەكەن.ەندىگى بۇل جاعدايدا، ايەل ونسىز دا تولىپ كەلگەن جۇيكە ىدىسىن تاسىتاتىن سوڭعى تامشى بولماۋى كەرەك. كەرىسىنشە دەرەۋ جىلى شىراي تانىتىپ، كوڭىلىن اۋلاۋعا كىرىسۋى كەرەك. ونى تۇسىنۋگە تىرىسۋى، سابىر ەتۋى قاجەت. ول ۇيدە بولعان كەزدە ءۇي تىرلىگىنە دە قاراماۋ كەرەك، ونىڭ كوڭىلىن كوتەرىپ، ونى قۋانتۋ كەرەك. ءۇي تىرلىگى، تاعى دا باسقا جۇمىستاردى ول بولماعان كەزدەردە جاساعانى ابزال. ەرلەردىڭ ايەلدەگى حاقىلارىنىڭ ءبىرى – ايەلىنىڭ وعان بويسىنۋى. ول – ەرىنىنىڭ امىرىنە قۇلاق اسىپ، شاماسى جەتكەنشە ءسوزىن جەرگە تاستاماۋى، ونىڭ دەگەنىن ورىنداۋى جانە وعان قارسى شىعىپ، شەكتەن اسپاۋى كەرەك.

ەگەر ەر ادام ءوز ايەلىنەن شاريعات ۇكىمدەرىنە قايشى كەلەتىن، ءدىني جانە ادامگەرشىلىك كوزقاراسقا، ۇعىمعا سىيمايتىن ىستەردى ورىنداۋدى تالاپ ەتسە، كۇنالى ىستەردى قولمەن ىستەۋگە نەمەسە ونداي ىستەرگە سەبەپ بولاتىن جاعدايلارعا باعىتتاسا، ونداي جاعدايدا، تالاپتارى مەن بۇيرىقتارىن ورىنداۋدان باس تاراتا الاسىز. مىسالى، نامازدى ۋاقىتشا تارك ەتە تۇرۋ، نامازدى كەشىكتىرىپ وقۋ، پارىز بولعان رامازان ورازاسىن سەبەپسىز (مىسالى، بالا ەمىزۋ، ەتەككىر كەلۋ، ناۋقاستانۋ ت.ب) تۇتپاۋىن بۇيىرۋى جانە ونى ۇرلىققا جۇمساۋ، عايبات ءسوز ايتىپ، وسەك تاسۋ سەكىلدى ىس-ارەكەتتەرگە يتەرمەلەۋى.

ال، ەرىنىڭ تالاپ ەتكەن نارسەلەرى ايەلدى كۇنالى ىستەرگە جەتەلەمەسە، تىيىم سالىنعاننان شەكتەن اسىپ كەتپەيتىن بولسا، ونداي جاعدايدا كۇيەۋىنىڭ تالاپتارىن شاماسى جەتكەنشە ورىنداعانى ابزال. كۇيەۋىڭىزگە باعىنىپ، تالاپتارىن ورىنداۋىڭىز، ءسىزدىڭ دارەجەڭىزدىڭ ءتۇسىپ قالعانى ەمەس، كەرىسىنشە، اللانىڭ الدىندا دارەجەڭىزدىڭ ارتىپ، ساۋاپتارىڭىزدىڭ ەسەلەنۋىنە سەبەپ بولارىن ۇمىتپاڭىز.

ارداقتى پايعامبارىمىز (وعان اللانىڭ يگىلىگى مەن سالەمى بولسىن) كۇيەۋىنىڭ رازىلىعىن كۇزەتىپ، امىرىنە بويسۇنعانمۇسىلمان ايەلدىڭ اللا تاراپىنان قانداي سىيلىققا قولى جەتەتىنى تۋرالى: «ەگەر ايەل بەس (پارىز) نامازدى وتەسە، رامازان ايىنىڭ ورازاسىن ۇستاسا، ۇياتتى جەرىن ساقتاسا (زينا ىستەرىنە بارماسا) جانە ەرىنە بويۇسىنسا، ءجانناتقا قالاعان ەسىكتەرى ارقىلى كىرەدى»، - دەگەن (يبن حيببان ريۋايات ەتكەن). سونداي-اق، يمام احماد تە وسى ماعىناداعى: «ەگەر ايەل بەس نامازدى ورىنداسا، رامازان ايىندا ورازا تۇتسا، ۇياتتى جەرىن ساقتاسا جانە كۇيەۋىنە بويسۇنسا، اقىرەت كۇنى وعان ء«جانناتقا قالاعان ەسىگىڭنەن كىر» دەلىنەدى دەگەن ء(ال-مۋسناد ريۋايات ەتكەن).

ايەلدىڭ ەرىنە بويسۇنۋى ونىڭ كەمدىگىنەن نەمەسە، ەردەن تومەن جاراتىلعاندىعىنان ەمەس. ايەل دە قادىر-قاسيەتى جونىنەن ەشتەڭەدەن كەم ەمەس. ەر كىسى سەكىلدى، ايەل دە قۇرمەتتەۋگە، قادىرلەۋگە لايىق. بۇل جونىندە پايعامبارىمىز (وعان اللانىڭ يگىلىگى مەن سالەمى بولسىن): «راسىندا ايەلدەر – ەرلەردىڭ سىڭارلارى»، - دەگەن. يسلام عالىمدارى «شايتان كاپىرلەرمەن ەمەس، مۇسىلماندارمەن الەك» دەگەن. شايتان اسكەرلەرىن تاڭەرتەڭگىسىن جىبەرىپ كەشكە ەسەپ الادى ەكەن. بىرەۋى «نامازىن بۇزدىردىم» دەسە، «جارايدى» دەپتى. بىرەۋى «ورازاسىن بۇزدىردىم» دەسە، وعان دا «جارايدى» دەپتى. بىرەۋى «حارام جەگىزدىم» دەگەنىنە دە «جارايدى» دەپتى. باسقا بىرەۋى «كۇيەۋىمەن ايەلىن ارازداستىردىم» دەگەندە شايتان قۋانىپ، ورنىنان اتىپ تۇرىپ، «جارايسىڭ» دەپتى، ماڭدايىنان ءسۇيىپ، «ەڭ ۇلكەن ءىستى سەن اتقاردىڭ، ارازداساتىن بولسا قالعانىنىڭ ءبارى ۋاقىت وتۋىمەن بۇزىلادى» دەگەن ەكەن.سوندىقتان ءاردايىم ساق ءجۇرىپ، شايتانمەن ءناپسىنىڭ مۇنداي ارەكەتىنە جول بەرمەۋ كەرەك.

كۇيەۋلەرىڭىزگە دەمەۋشى بولىڭىزدار، جاقسى مىنەزدەرىڭىزبەن، جىلى سوزدەرىڭىزبەن، ءدامدى تاعامدارىڭىزبەن، ءۇي تازالىعى، تياناقتىلىعىمەن نەمەسە كۇيەۋلەرىڭىز ۇناتاتىن امالدار ارقىلى ونى ۇيگە بايلاڭىزدار. ول ۇيگە قاراي قادام باسۋ ءۇشىن جانتالاسىپ اسىعاتىن بولسىن. ۇيانى ۇرعاشى قۇس جاسايدى، ءۇيدى دە ءۇي ەتەتىن ايەلدەر ەكەنىن ۇمىتپايىق. عابيت مۇسىرەپوۆ اتامىز ايتپاقشى، «ايەلدىڭ ەستىلىگى جەڭسە، سۇلۋلىعى دا ارتا تۇسەدى».

دەرەككوز: muslim.kz



كەلۋ قاينارى: http://www.elarna.net/koru.php?tur=43&id=1069414

پىكىرلەر:

juz dep sifirmen jazingiz.