كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-1311917246 %54 %

يران زاۋىتتارى جىل سايىن ءبىر ملن اۆتوموبيل ەكسپورتتاۋدى كوزدەپ وتىر - قازاقستان جانە الەمدەگى سوڭعى جاڭالىقتا


ءتۇرى: 24.kz اقپاراتتارى

ۋاقىتى: 11:10 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
يران زاۋىتتارى جىل سايىن ءبىر ملن اۆتوموبيل ەكسپورتتاۋدى كوزدەپ وتىر


يران جولدارىندا شەتەلدە شىعارىلعان اۆتوكولىكتەردى سيرەك كورەسىڭ.

بۇعان باج سالىعىنىڭ جوعارى بولۋى سەبەپ. ءتىپتى كەيبىر كولىكتەرگە سالىق مولشەرى ونىڭ قۇنىنان اسىپ تۇسەدى، دەپ حابارلايدى «حابار 24».

سوندىقتان جەرگىلىكتى جۇرگىزۋشىلەر وتاندىق ءونىمدى تاڭدايدى. ال ەلدە 25 ءىرى اۆتوزاۋىت جۇمىس ىستەيدى.

اۆتووندىرىس سالاسى يراندا مۇناي مەن گازدان كەيىنگى ورىندا تۇر. ەلدىڭ جالپى ىشكى ونىمىندە جەڭىل اۆتوكولىكتەردىڭ ۇلەسىنە ء12%-ى ءتيىپ تۇر. وتكەن جىلى بۇل سالا 27 ميلليارد دوللار تابىس اكەلگەن. ونىڭ 9 ميللياردى قوسالقى بولشەكتەر ءوندىرىسى. جەرگىلىكتى ينجەنەرلەر الداعى بەس جىلدا بۇل كورسەتكىشىن ەكى ەسە ارتتىرۋدى كوزدەپ وتىر.

موحامماددجاۆاد كاشاني، كولىك يەسى:

شەتەلدىك اۆتوكولىك يەسىنىڭ بەدەلىن كوتەرسە دە، ونىڭ ءمانىسى جوق. ءتىپتى داۋلەتى اسقان ادامدار دا مۇنى ىسىراپ دەپ سانايدى. بىزدە Peugeot اۆتوموبيلدەرى كەڭىنەن تاراعان، ءبىراق ونىڭ تەك قوزعالتقىشى عانا فرانتسيالىق، قالعانىن ەلىمىزدە جاسايدى. «ساماند پەن دەنا» – تازا يراندىق ءونىم، ولار دا جولداردا ءجيى كەزدەسەدى. بۇل كولىكتەر تاياۋ شىعىس ەلدەرى مەن رەسەيگە ەكسپورتتالادى.

دامىعان ءاۆتووندىرىستىڭ باستى كەمشىلىگى – قورشاعان ورتاعا كەلتىرەتىن زيانى. ءىرى قالالاردا تۇتىننەن كوز اشا المايسىڭ. سوڭعى جىلدارى جەرگىلىكتى وندىرۋشىلەر بۇل ماسەلەنى شەشۋگە كىرىسىپ، ەكولوگيالىق تازا قوزعالتقىشتى جاساۋ بويىنشا ءوز يدەيالارىن ۇسىنعان. سونداي-اق ەلەكتروكارلاردى جاپپاي شىعارۋ تۋرالى كەلىسسوزدەر جۇرگىزىلىپ جاتىر. ايتا كەتەر ءبىر جايت، الەمدەگى العاشقى اقىلدى ەلەكتروكاردى يراندىق ينجەنەرلەر ويلاپ تاپقان.

موحامماد-رەزا موحسەني، اۆتوكولىكتەر ساۋداسىمەن اينالىساتىن كاسىپكەر:

- يران الەمدىك اۆتووندىرىستە رەۆوليۋتسيا جاسايتىنىنا ءۇمىتىمىز بار. ءقازىردىڭ وزىندە كوپ جەتىستىكتەرىمىز بار. جەر گراۆيتاتسياسىنان ىستەيتىن جانە قوسىمشا قۋاتتاۋدى قاجەت ەتپەيتىن اككۋمۋلياتورلاردىڭ ءوزى ناعىز رەفورما سانالادى. سونداي-اق جاپپاي وندىرىسكە ەنگەن الەمدەگى العاشقى گاز قوزعالتقىشىن شىعاردىق.

دەگەنمەن، جەرگىلىكتى ءاۆتووندىرىستىڭ سىنشىلارى دا جەتكىلىكتى. ولار ساپاسى شەتەلدىك كولىكتەردەن تومەن ەكەنىن العا تارتادى. الايدا، بيلىك وكىلدەرى مۇنىڭ سەبەبى سانكتسيالاردا جاتىر دەيدى. 2012 جىلدان بەرى يراندىق اۆتووندىرۋشىلەر قيىن كەزەڭدى باستان كەشىرىپ وتىر. الايدا كەلەسى جىلى قارقىنىن كۇشەيتىپ، جىل سايىن ءبىر ميلليون ماشينا ەكسپورتتاۋدى كوزدەپ وتىر.

اۆتورلارى: يۋليا گناتيۋك، ماحمۋد ماحمۋدي


كەلۋ قاينارى: http://www.elarna.net/koru.php?tur=38&id=1069411

پىكىرلەر:

juz dep sifirmen jazingiz.