كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

شۇجىقتار تەكسەرىستەن ءوتتى (فوتو) | muslim.kz


ءتۇرى: Muslim.kz ماقالالارى

ۋاقىتى: 10:45 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.


قازاقستان مۇسىلماندارى ءدىني باسقارماسى جانىنان «حالال دامۋ» مەكەمەسى اشىلىپ، حالال ستاندارتى بويىنشا جۇمىس جاساپ كەلەدى. حالال ونىمدەرىن تۇتىنۋ يسلام ءدىنىنىڭ تالابى. سوڭعى ۋاقىتتا الەم بويىنشا حالال ونىمدەرىنە دەگەن سۇرانىس ارتىپ كەلەدى. بۇل سۇرانىس تەك مۇسىلماندار تاراپىنان عانا ەمەس، وزگە ءدىن وكىلدەرى تاراپىنان دا جۇزەگە اسۋدا.

يسلام ءدىنى بويىنشا ىشىپ-جەيتىن ازىق تۇلىگىمىز تازا ءارى ادالىنان بولۋى ءتيىس. اللاعا شۇكىر قازىرگى تاڭدا تۇتىناتىن ءونىمنىڭ ءتۇرى كوپ. سول ونىمدەردىڭ ءبىرى شۇجىق دەسەك تە بولادى. قازاقستان مۇسىلماندارى ءدىني باسقارماسىنىڭ تالابىن قابىلداپ، شاريعات پەن حالال ستاندارت شارتتارى بويىنشا شۇجىق شىعارىپ جاتقان 43 كاسىپورىن بار. حالال ستاندارت بويىنشا ادال شۇجىق دەگەن كەزدە تەك شوشقانىڭ ەتى مەن مايىن عانا قولدانباۋ دەگەن ۇعىمدى بىلدىرمەيدى. ستاندارتقا سايكەس شۇجىق ءونىمىنىڭ حالال بولۋى ءۇشىن تومەندەگىدەي شارتتار قويىلادى:

بىرىنشىدەن،شۇجىققا قولداناتىن مال مەن قۇس ەتى شاريعات تالاپتارىنا سايكەس سويىلۋى ءتيىس.

ەكىنشىدەن،مال نەمەسە تاۋىقتىڭ جەگەن جەمى ۇنتاقتالعان ەت ۇنى (مياسو كوسنىي مۋكا) سەكىلدى جەم بولماۋى ءتيىس.

ۇشىنشىدەن،ونىمگە شاريعات تىيىم سالعان شوشقا ەتى مەن مايى قوسىلماۋى ءتيىس.

تورتىنشىدەن،شۇجىققا ءدام بەرەتىن ينگريديەنتتەر مەن قوسپالاردا شوشقا مايى، اقۋىزى سەكىلدى تىيىم سالىنعان ونىمدەر قوسىلماۋى كەرەك. قوسپالار مەن دامدەۋىشتەر حالال سەرتيفيكاتىن العان، رۇقسات ەتىلگەن ونىمدەر ساناتىنان بولۋى قاجەت.

بەسىنشىدەن،تسەح تەك قانا ادال ونىمدەرىن شىعاراتىن تسەح بولۋى ءتيىس. ارالاس شۇجىق شىعاراتىن تسەح ستاندارتقا ساي ەمەس.

التىنشىدان،ازىرلەنگەن ءونىم ارنايى قويمادا ساقتالۋى قاجەت.

جەتىنشىدەن،وندىرىلگەن شۇجىق ارنايى قۇتىدا، ارنايى كولىكپەن تاسىلمالدانۋى ءتيىس. ول ءونىم سالىنعان كولىكتە شوشقا ءونىمى قوسىلعان تاۋارلار بولماۋى ءتيىس.

سەگىزىنشىدەن،شۇجىقتار دۇكەندە بولەك سورەدە تۇرۋى قاجەت. ەگەر سورەدە وزگە دە شۇجىقتارمەن بىرگە تۇرسا، شوشقا دنك-سى جۇعۋى ىقتيمال. بۇل دا عىلىمي تۇرعىدان دالەلدەنگەن.

توعىزىنشىدان،دۇكەن سورەسىندە تۇرعان كەزدە تالاپقا ساي ىلعالدىق پەن سالقىندىق تەمپەراتۋراسى دا ساقتالۋى قاجەت. قايشى جاعدايدا دۇكەندەگى ىلعالدىلىق ارتىپ، سالقىندىق تەمپەراتۋراسى ساقتالماسا شۇجىقتان ءسول، ماي ءبولىنۋ پروتسەسسى بولادى. ءبىر سورەدە وزگە شۇجىقتارمەن بىرگە تۇرعان جاعدايدا بولىنگەن ءسول مەن ماي بىر-بىرىنە ءوتۋ ءقاۋپى بار. ياكي ءسول بولىنگەن ورىنعا حالال ماركالى شۇجىق قويىلسا، وعان حالال ەمەس شۇجىقتىڭ ءسولى ءوتۋى ىقتيمال. «قازانعا جولاما قاراسى جۇعادى» دەگەن ماقالعا سايكەس وسى تالاپ ساقتالماسا، حالال ستاندارتىنا سايكەس وندىرىلگەن شۇجىق وزگە شۇجىقتارمەن بىرگە تۇرعان جاعدايدا ساراپتاما جۇرگىزىلسە، شوشقا دنك-سى شىعۋى مۇمكىن.

ونىنشىدان،كەيبىر دۇكەندەردە تۇتىنۋشىنىڭ سۇرانىسىنا ساي شۇجىقتى كەسىپ، ولشەپ ساتادى. ونداي جاعدايدا حالال ەمەس شۇشىقتى كەسكەن پىشاقپەن حالال شۇجىقتى كەسسە، شوشقا دنك-سى وتەتىنى انىق. سوندىقتان پىشاق تا، كەسەتىن ورىن دا بولەك بولۋى قاجەت.

22 قازان كۇنى قمدب-عا قاراستى «حالال دامۋ» مەكەمەسىنەن سەرتيفيكات العان كەيبىر شۇجىق ونىمدەرىنەن شوشقا دنك-سى انىقتالعانى جايىندا اقپارات شىققان بولاتىن. ارينە اتالمىش شۇجىق ونىمدەرىنە شوشقا مايى مەن ەتى قوسىلماعانى انىق. دەگەنمەن ىلە شالا 25 قازان كۇنى «يپ يشتاەۆ»، «يپ شاماحسۋتوۆ ش.ش.» جانە وزگە دە شۇجىق ونىمدەرىن الماتى قالاسىندا «TreeGene» مولەكۋليارلىق-گەنەتيكالىق زەرتحانادان وتكىزدىك. ناتيجەدە «قمدب حالال» سەرتيفيكاتىن العان شۇجىق ونىمىنەن شوشقا دنك-سى تابىلعان جوق. دەمەك، جوعارىدا ايتىپ وتكەنىمىزدەي حالال ستاندارتىنا سايكەس تاسىلمالدانباسا، دۇكەننىڭ قويماسىندا نەمەسە سورەسىندە بولەك تۇرماسا، ءتيىستى تەمپەراتۋرا ساقتالماسا، كەي دۇكەندەگىدەي ءبىر پىشاقپەن كەسىپ بەرەتىن بولسا، شوشقا دنك-سى جۇعۋ ىقتيمالى جوعارى.

قمدب تاراپىنان سەرتيفيكات الىپ وندىرىلگەن حالال ونىمدەرىن تۇتىنۋشىلاردىڭ نازارىنا «يپ يشتاەۆ»، «يپ شاماحسۋتوۆ ش.ش.» شۇجىق ونىمدەرىندە شوشقا ەتى مەن مايى جوق ەكەنىن حابارلاي وتىرىپ، زەرتحانا قورىتىندىسىن ۇسىنامىز.

دەرەككوز: س.سەيتبەكوۆ، قمدب-نىڭ حالال ونىمدەرىن ستاندارتتاۋ ءبولىمىنىڭ مەڭگەرۋشىسى



كەلۋ قاينارى: http://www.elarna.net/koru.php?tur=43&id=1069394

پىكىرلەر:

juz dep sifirmen jazingiz.