كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-1311917246 %54 %

ساپارباەۆ جەڭىستىڭ 75 جىلدىعىنا وراي ارداگەرلەرگە ءبىرىڭعاي تولەم بەلگىلەۋدى تاپسىردى


ءتۇرى: قازاقپارات جاڭالىقتارى

ۋاقىتى: 10:33 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - ۇكىمەت ۇيىندە پرەمەر-مينيستردىڭ ورىنباسارى بەردىبەك ساپارباەۆتىڭ توراعالىعىمەن ەكىنشى دۇنيەجۇزىلىك سوعىسىنداعى جەڭىستىڭ 75 جىلدىعىن قازاقستان رەسپۋبليكاسىندا اتاپ ءوتۋ جانە وعان دايىندىقتى ۇيىمداستىرۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى قازاقپارات ۇكىمەت باسشىسىنىڭ رەسمي سايتىنا سىلتەمە جاساپ.

ۇقساس جاڭالىقتار
7 جىلدا  اۋىلدا تۇراتىن 7 ملن تۇرعىننىڭ ءومىر ءسۇرۋ ساپاسى جاقسارادى – رومان سكليار قازاقستان اۋىلدارىنىڭ جارتىسىنان استامىندا كوشەلەردى جوندەۋ قاجەت اليحان سمايىلوۆ شانحايدا وتكەن حالىقارالىق يمپورت كورمەسىنىڭ اشىلۋىنا قاتىستى

قورعانىس ءمينيسترىنىڭ ءبىرىنشى ورىنباسارى - قارۋلى كۇشتەردىڭ باس شتابىنىڭ باستىعى مۇرات بەكتانوۆ ءتيىستى شارالار جوسپارىنىڭ جوباسى تۋرالى اقپاراتتى ۇسىندى. اتاپ ايتقاندا، جەڭىستىڭ مەرەيتولىق جىلىندا مىناداي ءىس-شارالار جوسپارلانعان:

اسكەري شەرۋ وتكىزۋ;

ەدس جىلدارى قازا تاپقان قازاقستاندىق جاۋىنگەرلەردىڭ ەسكەرىلمەي قالعان مولالارىن جانە كومىلمەي قالعان قالدىقتارىن انىقتاۋ بويىنشا ىزدەۋ جۇمىستارىن جۇرگىزۋ;

ارداگەرلەردىڭ تمد ەلدەرىنىڭ اۋماعىندا وتكىزىلەتىن شارالارعا قاتىسۋى;

ارداگەرلەرگە الەۋمەتتىك كومەك كورسەتۋ;

مەرەيتويلىق مەدالدار تاپسىرۋ، مادەني-بۇقارالىق شارالار ۇيىمداستىرۋ.

جوسپار جوباسىندا بارلىعى 67 ءىس-شارا قاراستىرىلعان.

بەردىبەك ساپارباەۆ ءاربىر وبلىستا جەڭىستىڭ مەرەيتويلىق جىلىن اتاپ وتۋگە دايىندىق جونىندەگى وڭىرلىك كوميسسيالاردىڭ جۇمىسىن ۇيىمداستىرۋ قاجەتتىگىن ايتتى.

سونىمەن قاتار، ۆيتسە-پرەمەر ەڭبەك جانە حالىقتى الەۋمەتتىك قورعاۋ مينيسترلىگىنە اكىمدىكتەرمەن جانە «قر ارداگەرلەر ۇيىمى» رقب ورتالىق كەڭەسىمەن بىرگە جەڭىستىڭ 75 جىلدىعىنا وراي سوعىس ارداگەرلەرى مەن مۇگەدەكتەرىنە بىردەي ءبىر رەتتىك تولەم سوماسىن بەلگىلەۋ ماسەلەسىن پىسىقتاۋدى تاپسىردى.

«ۇوس ارداگەرلەرىن، تىل ەڭبەككەرلەرىن، تاريحي ميسسيانى ورىنداپ، ءفاشيزمدى جەڭۋگە ۇلەس قوسقان قازاقستاندىقتاردى ارداقتاۋ جالپى مەملەكەتتىك اۋقىمداعى شارا. ءبىز كۇش-جىگەرىمىزدى ولاردى جان-جاقتى قودلداۋعا باعىتتاۋىمىز قاجەت. ەشبىر ارداگەر نازاردان تىس، قامقورلىقسىز قالماۋى ءتيىس»، - دەدى ب. ساپارباەۆ.

كەڭەستى قورىتىندىلاعان ۆيتسە-پرەمەر جەڭىستىڭ مەرەيتويلىق جىلىن اتاپ ءوتۋ بويىنشا بارلىق شارالار ەلىمىزدەگى قوعامدىق-ساياسي تۇراقتىلىقتى قامتاماسىز ەتۋگە، قوعامنىڭ قر تۇڭعىش پرەزيدەنتى - ەلباسى مەن مەملەكەت باسشىسىنىڭ ساياساتىنا باعىتتالۋىنا، جاس ۇرپاقتىڭ بويىندا ۇلتجاندىلىق سەزىمدى نىعايتۋعا باعىتتالۋى ءتيىس ەكەنىن جەتكىزدى.

ۆاك وتىرىسىنا سونىمەن قاتار قورعانىس، ىشكى ىستەر، قارجى، ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ، «قر ارداگەرلەر ۇيىمى» رقب ورتالىق كەڭەسىنىڭ جانە باسقا دا مۇددەلى مەملەكەتتىك ورگانداردىڭ وكىلدەرى، سونداي-اق وبلىس اكىمدەرىنىڭ، نۇر-سۇلتان، الماتى، شىمكەنت قالالارى اكىمدەرىنىڭ ورىنباسارلارى قاتىستى.


كەلۋ قاينارى: http://www.elarna.net/koru.php?tur=3&id=1069387

پىكىرلەر:

juz dep sifirmen jazingiz.