كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1233077245 %55 %

ومبىدا بۋراباي مەن زەرەندىگە رەسەيلىك تۋريستەردى تارتۋ جايى تالقىلاندى


ءتۇرى: قازاقپارات جاڭالىقتارى

ۋاقىتى: 10:03 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.

كوكشەتاۋ. قازاقپارات - ايماق باسشىسى ەرمەك مارجىقپاەۆ باستاعان اقمولالىق دەلەگاتسيا رەسەيدىڭ ومبى قالاسىندا «قازاقستان مەن رەسەيدىڭ شەكارالىق ارىپتەستىگىن دامىتۋدىڭ وزەكتى ماسەلەلەرى» اتتى 16-شى ءوڭىرارالىق ارىپتەستىك فورۋمىنا قاتىستى، دەپ حابارلايدى قازاقپارات ءتىلشىسى.

ۇقساس جاڭالىقتار
الماتىلىق جانە استانالىق تۋركومپانيالار تارازدىڭ تاريحي ورىندارىمەن تانىستى ەلىمىزدە العاش رەت 3 تىلدە تۋريستىك اقپارات بەرەتىن ترانسلياتسيا ىسكە قوسىلدى قاراعاندىلىق جاس كاسىپكەر تۋريستىك ورىندار تۋرالى مالىمەت بەرەتىن كارتا ازىرلەپ جاتىر

فورۋمدا «جاسىل ەكونوميكانى» دامىتۋ جانە وڭىرگە ينۆەستيتسيا تارتۋدى دامىتۋ شەڭبەرىندە اقمولا وبلىسىنىڭ اكىمى ەرمەك مارجىقپاەۆ پەن رەسەيدىڭ «حەۆەل» كومپانياسىنىڭ «اۆەلار سولار تەحنولودجي» جقب باس ديرەكتورى يگور شاحراي اراسىندا قۋاتى 100 مۆت بولاتىن كۇن ەلەكتر ستانساسىن سالۋ تۋرالى كەلىسىمشارت جاسالدى. ەلەكتر ستانساسى 2020 جىلى ىسكە قوسىلعان كەزدە ەنەرگيا ءوندىرىسىنىڭ ۇلەسى 40 پايىزعا ارتادى، سونداي-اق، قورشاعان ورتا گازداردىڭ ءبولىنۋى ازاياتىن بولادى.

سونىمەن قاتار، اقمولا وبلىسىنىڭ كاسىپكەرلىك جانە ونەركاسىپ باسقارماسى مەن ومبى وبلىسىنىڭ ونەركاسىپ، بايلانىس، تسيفرلىق جانە عىلىمي دامۋ مينيسترلىگى اراسىندا ەكجاقتى ارىپتەستىك تۋرالى مەموراندۋمعا قول قويىلدى. بۇل ەكى وبلىس اراسىنداعى كەلىسىم ەكىجاقتى كاسىپورىندار اراسىندا ساۋدا جانە ەكونوميكالىق بايلانىستى نىعايتۋ مۇمكىندىك بەرمەكشى. ەكىجاقتى ءتۋريزمدى دامىتۋدىڭ جولدارى كەڭىنەن تالقىلاندى.

جاڭا تۋريستىك ونىمدەر ەنگىزۋ جانە اتالمىش سالانى دامىتۋ بويىنشا شارالاردى بىرلەسىپ جۇزەگە اسىرۋ تۋرالى «Visit Aqmola» تۋريستىك اقپارات ورتالىعى مەن «قازكۋرورت» جاۋاپكەرشىلىگى شەكتەۋلى قاۋىمداستىعى اراسىندا مەموراندۋمعا قول قويىلدى.

بۇدان بولەك رەسەيلىك تۋروپەراتورلارمەن اقمولا وبلىسىنىڭ بۋراباي جانە زەرەندى كۋرورتتارىنا رەسەيلىك تۋريستەردى تارتۋ تۋرالى ماسەلە تالقىلاندى. كەزدەسۋدە ايتىلعانداي، بۋراباي كۋرورتى سوڭعى 10 جىل ىشىندە رەسەيلىكتەر ءۇشىن ۇزدىك بەستىكتىڭ قاتارىندا. روسستات دەرەكتەرىنە سۇيەنسەك، وتكەن جىلى بۋراباي كۋرورتى رەسەي تۋريستەرىنىڭ اراسىندا تمد اۋماعىنداعى ەڭ تانىمال كۋرورتارىنىڭ ءتىزىمىن باستاعان.

اسلان وسپانوۆ.


كەلۋ قاينارى: http://www.elarna.net/koru.php?tur=3&id=1069367

پىكىرلەر:

juz dep sifirmen jazingiz.