كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1230264843 %57 %

ەلوردالىق قۇتقارۋشىلار توتەنشە جاعداي كەزىندەگى بىلىكتىلىگىن پىسىقتادى | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 10:00 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.ەلوردالىق قۇتقارۋشىلار توتەنشە جاعداي كەزىندەگى بىلىكتىلىگىن پىسىقتادى | DalaNews

ەلوردالىق قۇتقارۋشىلار توتەنشە جاعداي كەزىندەگى بىلىكتىلىگىن پىسىقتادى

نۇر-سۇلتان قالاسىندا قىسقى كەزەڭگە دايىندىق بارىسىندا 5-6 قاراشا كۇندەرى توتەنشە جاعدايلاردان قورعاۋدى ۇيىمداستىرۋ بويىنشا «قىس – 2019» رەسپۋبليكالىق كوماندالىق-شتابتىق وقۋ-جاتتىعۋلارى ءوتتى.

دايىندىق شاراسىنا  نۇر-سۇلتان قالاسى اكىمىنىڭ ورىنباسارى ەرمەك قيزاتوۆتىڭ باسشىلىق جاساعانىن ايتا كەتۋىمىز كەرەك. 5 جەردە ۇيىمداستىرىلعان «قىس – 2019» وقۋ-جاتتىعۋ شاراسىندا – ءبىرىنشى وقۋ كەزەڭ: اۆاريالىق-قۇتقارۋ قۇرامالارىنىڭ ساپ تۇزەۋى; ەكىنشى وقۋ كەزەڭى: جىلۋ قۇبىرلارىنداعى اۆاريانى، سونداي-اق ەلەكترەنەرگەتيكالىق جەلىلەردەگى ەلەكتر بەرۋ جەلىلەرىنىڭ ءۇزىلۋىن جويۋ. قاتتى اياز سالدارىنان جىلۋ جەلىلەرىنىڭ اپاتتى ءوشىرىلۋى ورىن الدى. تۋىنداعان جاعدايدى جويۋ ءۇشىن وقيعا ورنىنا «استانا-تەپلوترانزيت» اۆاريالىق بريگادالارى جىبەرىلدى.

ۇشىنشى وقۋ كەزەڭى: زارداپ شەككەندەرگە ارنالعان جىلىتۋ جانە تاماقتانۋ ورىندارى. قابىلداۋ پۋنكتى قۇتقارۋشىلارعا دەمالۋعا، جىلىنۋعا جانە تاماقتانۋعا، سونداي-اق «اپاتتار مەديتسيناسى ورتالىعى» دارىگەرلەرىنىڭ زارداپ شەككەندەرگە شۇعىل مەديتسينالىق جانە پسيحولوگيالىق كومەك كورسەتۋگە مۇمكىندىك بەرەدى. 

ء

تورتىنشى وقۋ كەزەڭى: بيىك عيماراتتان ءورت ءسوندىرۋ جانە قۇتقارۋ جۇمىستارىن جۇرگىزۋ. وقۋ-جاتتىعۋدىڭ ستسەناريى بويىنشا تۇرعىن ءۇي كەشەنىنىڭ 7-قاباتىندا ەلەكتر سىمدارى مەن كابەلدەردىڭ تۇيىقتالۋى ورىن الدى. شۇعىل تۇردە شاقىرتۋ ورنىنا ءورت ءسوندىرۋ بولىمشەلەرى، قۇتقارۋ بولىمشەلەرى كەلىپ جەتەدى، ولار الپينيستىك قۇرال-جابدىقتاردىڭ كومەگىمەن، اۆتوساتىنى كوتەرۋ، سونداي-اق ء«ومىر تەكشەسىنە» سەكىرۋ قۇرىلعىسىن قولدانۋ ارقىلى  ادامداردى ەۆاكۋاتسيالاۋ جانە قۇتقارۋ جۇمىستارىن جۇرگىزدى. اپاتتار مەديتسيناسى ورتالىعى، 103 قىزمەتى زارداپ شەككەندەرگە مەديتسينالىق كومەك كورسەتتى.

بەسىنشى كەزەڭ: نۇر-سۇلتان-قاراعاندى اۆتوجولىندا قار باسقان اۆتوبۋستان جولاۋشىلاردى ەۆاكۋاتسيالاۋ جانە بالىقشىلاردى ىزدەۋ. وقۋ-جاتتىعۋدىڭ ستسەناريى بويىنشا 112 قۇتقارۋ قىزمەتىنە نۇر-سۇلتان-قاراعاندى رەيستىك اۆتوبۋسىنىڭ جولاۋشىلارىنان جاۋىن-شاشىن مەن 25 م/سەك ەكپىندى جەلدىڭ سالدارىنان جولاۋشىلارى بار اۆتوبۋس قار قۇرساۋىنا تۇسكەندىگى تۋرالى  قوڭىراۋ كەلىپ ءتۇستى. توتەنشە جاعدايلار تۋىنداعان جەرگە شۇعىل كومەك كورسەتۋ ءۇشىن دەپارتامەنتتىڭ كۇشتەرى مەن قۇرالدارى، قۇتقارۋ جاساعى، 5573 اسكەري ءبولىمىنىڭ 25 اسكەري قىزمەتشىسى، ترەكول جوعارى ءوتىمدى اۆتوكولىكتەرىمەن مەديتسينالىق بريگاداسى جىبەرىلدى. «بۇگىن ءبىز ەلوردانىڭ جەدەل ارەكەت ەتۋ قىزمەتتەرىنىڭ قانشالىقتى دايىن ەكەنىندىگىنە كۋا بولدىق. سونداي-اق وقۋ-جاتتىعۋدا جولاۋشىلاردى ەۆاكۋاتسيالاۋ، زارداپ شەككەندەردى قۇتقارۋ جانە ولارعا مەديتسينالىق كومەك كورسەتۋ بويىنشا ارنايى-تاكتيكالىق وقۋ-جاتتىعۋلار پىسىقتالدى. بۇگىنگى وقۋ-جاتتىعۋ ويداعىداي ءوتتى دەپ ەسەپتەيمىن. سەبەبى العا قويعان ماقساتتارىمىزعا قول جەتكىزدىك»، – دەپ ءتۇسىندىردى نۇر-سۇلتان قالاسىنىڭ توتەنشە جاعدايلار دەپارتامەنتى باستىعىنىڭ مىندەتىن اتقارۋشى پولكوۆنيك م.امانباەۆ. ايتا كەتەيىك، وقۋ-جاتتىعۋعا بارلىعى 31 بىرلىك تەحنيكا مەن جەكە قۇرامنان 126 ادام جۇمىلدىرىلدى.


كەلۋ قاينارى: http://www.elarna.net/koru.php?tur=25&id=1069365

پىكىرلەر:

juz dep sifirmen jazingiz.