كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1233077245 %55 %

داۋرەن اباەۆ رەسەي مەن قازاقستان جاستارى كوشباسشىلارى فورۋمىنىڭ جابىلۋ سالتاناتىنا قاتىستى


ءتۇرى: قازاقپارات جاڭالىقتارى

ۋاقىتى: 09:00 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
داۋرەن اباەۆ رەسەي مەن قازاقستان جاستارى كوشباسشىلارى فورۋمىنىڭ جابىلۋ سالتاناتىنا قاتىستى

ومبى. قازاقپارات - رەسەي فەدەراتسياسىنىڭ ومبى قالاسىندا رەسەي مەن قازاقستاننىڭ جاس كوشباسشىلارى فورۋمىنىڭ قورىتىندى پلەنارلىق وتىرىسى ءوتتى. وعان قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى داۋرەن اباەۆ قاتىستى، دەپ حابارلايدى قازاقپارات مينيسترلىكتىڭ باسپاسوز قىزمەتىنە سىلتەمە جاساپ.

ۇقساس جاڭالىقتار
داۋرەن اباەۆ نەسيە تۋرالى: بانكتەر حالىقتىڭ تولەم قابىلەتىن مۇقيات تەكسەرۋى ءتيىس ەلباسى پرەزيدەنت جۇمىسىنا ارالاسپايدى - داۋرەن اباەۆ ەلدەگى «قوس بيلىك» قاۋەسەتى تۋرالى تۇركىستان وبلىسىندا 4 مىڭ وتباسى ااك-تىڭ كومەگىمەن جەكە كاسىبىن اشقان

«مەن رەسەي تاراپىنا فورۋمدى جاقسى ۇيىمداستىرعانى ءۇشىن العىس ايتقىم كەلەدى. بيىلعى جىلى قازىرگى جانە بولاشاق جاستار ساياساتىنا جاقسى نەگىز قالاندى. وزدەرىڭىز بىلەتىندەي، قازاقستاندا 2019 جىل جاستار جىلى بولىپ جاريالاندى. وسى باعىتتا رەسەي تاراپى ءبىزدى قوستانايداعى فورۋم كەزىندە جاقسى قولدادى. كەلەسى جىل «ۆولوتەر جىلى» دەپ جاريالاندى، سوندىقتان ءبىز بۇل ىنتىماقتاستىقتى جالعاستىراتىنىمىزعا سەنىمدىمىن. سونىمەن قاتار، ءبىزدىڭ حالىقتارىمىز ماڭىزدى مەرەيتويلىق كۇندى - جەڭىستىڭ 75 جىلدىعىن اتاپ وتەدى»، - دەدى مينيستر جينالعاندارعا.

داۋرەن اباەۆتىڭ ايتۋىنشا، مۇنداي ءىس-شارالار ەكى ەلدىڭ جاس كوشباسشىلارى ءۇشىن جاس ۇرپاقتىڭ ەڭ وزەكتى ماسەلەلەرى مەن پروبلەمالارىن تالقىلاۋعا، باتىل باستامالار مەن ۇسىنىستاردى داۋىستاپ ايتۋعا، ءوز جوبالارىن جۇزەگە اسىرۋدا تاجىريبە الماسۋعا تاماشا مۇمكىندىك بولىپ تابىلادى.

ايتا كەتۋ كەرەك، قورىتىندى پلەنارلىق وتىرىستىڭ اياسىندا ەكى ەل جاستارىنىڭ ۇكىمەتتىك ەمەس ۇيىمدارى اراسىندا 7 ەكىجاقتى كەلىسىمگە قول قويىلدى.

بۇدان بولەك، ەكى تاراپ ءبىرقاتار بىرلەسكەن جوبالاردى، سونىڭ ىشىندە ۆولوتەرلىق ءىس-شارالار تىزبەسىن، قازاقستان مەن رەسەيدەگى ەرىكتىلەر ۇيىمدارى جەتەكشىلەرىنىڭ قاتىسۋىمەن ۆولونتەرلار كەڭەسىنىڭ ءبىرىنشى سەزىن، اۋىلداعى كاسىپكەرلىكتى دامىتۋدىڭ بىرلەسكەن باعدارلاماسىن جانە تاعى باسقا ورتاق جوبالاردى جۇزەگە اسىرۋعا نيەت ءبىلدىردى.

ەسكە سالا كەتسەك، رەسەي مەن قازاقستان جاستارى كوشباسشىلارى فورۋمى العاش رەت وتكىزىلىپ وتىر. وندا مەملەكەتتىك ورگاندار مەن ۇكىمەتتىك ەمەس سەكتوردىڭ وكىلدەرى، ەرىكتىلەر، ستۋدەنتتەر، جۋرناليستەر جانە بلوگەرلەر قاۋىمى باس قوستى. بۇل شارا ەكى ەلدىڭ XVI ايماقارالىق ىنتىماقتاستىق فورۋمى اياسىندا ءوتىپ جاتىر. جاستار جيىنى ەكى كۇنگە سوزىلدى.


كەلۋ قاينارى: http://www.elarna.net/koru.php?tur=3&id=1069346

پىكىرلەر:

juz dep sifirmen jazingiz.