كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-21586232453 %47 %

پاۆلودار وبلىسىندا ەلىك اتقان براكونەر ۇستالدى


ءتۇرى: قازاقپارات جاڭالىقتارى

ۋاقىتى: 08:24 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
پاۆلودار وبلىسىندا ەلىك اتقان براكونەر ۇستالدى

پاۆلودار. قازاقپارات - رەيد كەزىندە اقتوعاي اۋدانىنىڭ پوليتسەيلەرى «اقتوعاي-شولاقسور» اۆتوجولىندا اقسۋلىق تۇرعىننىڭ «Honda CR-V» اۆتوكولىگىن توقتاتتى، دەپ حابارلايدى قازاقپارات pavlodarnews.kz سىلتەمە جاساپ.

ۇقساس جاڭالىقتار
سوڭعى ەكى جىلدا 10 ينسپەكتور براكونەرلىكپەن ۇستالدى - ۆيتسە-مينيستر قازاقستاندا براكونەرلەر 12 جىلعا دەيىن سوتتالۋى مۇمكىن تابيعاتتى قورعاۋشى ينسپەكتورلاردىڭ قۇزىرەتى كەڭەيدى

پاۆلودار وبلىستىق پوليتسيا دەپارتامەنتى ءباسپاسوز قىزمەتىنىڭ مالىمدەۋىنشە، كولىكتىڭ سالونىندا ەلىكتىڭ تۇتاس ەتى، 10 كەلى بالىق، ءتورت ۇيرەك پەن اڭشىلىق قارۋى بولعان.

«تەكسەرۋ بارىسىندا ەلىكتى اتۋعا رۇقسات قۇجاتى جوق ەكەنى انىقتالدى. سونىمەن قاتار ەرەجە بويىنشا ەلىكتى قورىقشىنى ەرتىپ ءجۇرىپ قانا اۋلاۋعا رۇقسات ەتىلەدى. ەر ادام زاڭسىز بالىق اۋلاعان، سەبەبى ءبىر ادامعا تەك 5 كەلى عانا بالىق اۋلاۋعا بولادى. زاڭسىز بالىق اۋلاۋ فاكتىسىنە قاتىستى قر اقبك 383-بابى بويىنشا اكىمشىلىك جاۋاپكەرشىلىككە تارتىلىپ، 10 اەك كولەمىندە ايىپپۇل سالىندى»، - دەيدى دەپارتامەنتتە.

ال ەلىكتى زاڭسىز اتۋ بويىنشا 52 جاسار ەر ادامعا قاتىستى قر قك 337-بابىمەن سوتقا دەيىنگى تەرگەۋ جۇرگىزىلۋدە.

ايتا كەتەرلىگى، جىل باسىنان بەرى تابيعات قورعاۋ پوليتسەيلەرى وڭىردە 437 زاڭسىز اڭ اۋلاۋ فاكتىسىن تىركەگەن. ءتارتىپ ساقشىلارى اڭ اۋلاۋ ءۇشىن قارۋدىڭ قۇجاتتارىن، اڭشىلىق بيلەتىن، اڭنىڭ قاي ءتۇرىن، قاي اۋداندا اۋلاۋعا رۇقسات بەرىلگەنى كورسەتىلگەن جول پاراعىن الىپ ءجۇرۋ كەرەكتىگىن ەسكەرتەدى.

سۋ قۇسى مەن ەلىكتى اۋلاۋ ماۋسىمى 2019 جىلدىڭ 31 جەلتوقسانىنا دەيىن، تەرىسى باعالى اڭدى اۋلاۋ 2020 جىلدىڭ 15 اقپانىنا دەيىن جالعاسادى.


كەلۋ قاينارى: http://www.elarna.net/koru.php?tur=3&id=1069341

پىكىرلەر:

juz dep sifirmen jazingiz.