كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

اتىراۋدا حالىقتى اشارشىلىقتان قۇتقارعان قۇمارشىق داقىلىنا ەسكەرتكىش قويىلدى


ءتۇرى: قازاقپارات جاڭالىقتارى

ۋاقىتى: 07:45 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
اتىراۋدا حالىقتى اشارشىلىقتان قۇتقارعان قۇمارشىق داقىلىنا ەسكەرتكىش قويىلدى

اتىراۋ. قازاقپارات - اتىراۋ قالاسىنىڭ ساۋلەتى «قۇمارشىق ءدانى» مۇسىندىك-ساۋلەت كومپوزيتسياسىمەن تولىقتى، دەپ حابارلايدى قازاقپارات ءتىلشىسى.

ەسكەرتكىشتىڭ اشىلۋ سالتاناتىنا وڭىرگە بەلگىلى ونەر جانە قوعام قايراتكەرلەرى قاتىستى.

1929-33 جىلدارى اشارشىلىقتان كوپتەگەن ادام كوز جۇمعانى بەلگىلى. سول زۇلماتتى اتىراۋ ءوڭىرى دە كوردى. سوناۋ ءبىر شاقتا اتىراۋ ءوڭىرى، نارىن قۇمىن جاعالاي قونىستانعان حالىقتى اشتىقتان امان الىپ قالعان ازىقتاردىڭ ءبىرى قاسيەتتى وسىمدىك قۇمارشىق ەدى. ول داقىل جونىندە اعا ۇرپاق بولماسا، كەيىنگى ۇرپاق بىلە بەرمەيدى.

«قۇمارشىق ءدانى» كومپوزيتسياسى – ۇلت تاريحىنا قويىلعان ەسكەرتكىش. بۇگىنگى جانە جاس ۇرپاق تاريحىن ۇمىتپاسىن دەگەن ويمەن قولعا العان ءىسىمىزدىڭ ءبىرى. 2016 جىلى بۇل جوبانى ءبىز وبلىس اكىمىنە ۇسىنىپ، ەسكەرتكىش ورناتۋعا ىقپال ەتۋىن سۇراعانىمىزدا، ءبىراۋىزدان ۇسىنىسىمىزدى ماقۇلداپ، قولداۋ كورسەتتى. بۇل ەسكەرتكىش بۇگىنگى ۇرپاقتىڭ اعا بۋىن الدىنداعى پارىزى، جاس ۇرپاققا اماناتى. بۇل ۇسىنىستى زەردەلەپ، تاريحقا تاعزىم دەپ، حالىقتى اشتىقتان ساقتاپ قالعان، دۇنيەگە ۇلتتىڭ تانىمال تالانتتى تۇلعالارىنا ءومىر سىيلاعان وسىمدىككە ەسكەرتكىش قويۋدى قولداعان جەرگىلىكتى اتقارۋشى بيلىككە العىسىم شەكسىز»- دەدى جوبا اۆتورىنىڭ ءبىرى تۇرسىن كاليموۆا.

ايتا كەتەرلىگى، ءمۇسىن اقىن فاريزا وڭعارسىنقىزىنىڭ ەسكەرتكىشىنىڭ ماڭىندا تۇر. قولا مەن گرانيتتەن جاسالعان كومپوزيتسيا شارتتى ءۇش ەلەمەنتتەن تۇرادى. ول - رەلەفتى قابىرعا، ورتالىق ەلەمەنت جانە تۇعىر. رەلەفتى قابىرعانىڭ الدى مەن ارتقى بولىگىندە سول قۇمارشىق تۋرالى جىر جولدارى مەن سول كەزدەگى زۇلمات بەدەرلەنگەن: كامپەسكەلەنگەن مال، اشىققان جۇرت، تالعاجاۋ بولعان قۇمارشىقتى جيناپ، تاماق ەتكەن ادامدار.


گرانيتتەن جاسالعان تۇعىر قۇمارشىق وسەتىن نارىن قۇمدارىنىڭ ەسپە شاعىلدارىن بىلدىرەدى. ورتالىق ەلەمەنت - رەلەفتى جارىپ شىققان قۇمارشىق جانە قول ۇستاسقان ۇل مەن قىز بالا. ەسكەرتكىشتىڭ جالپى بيىكتىگى 4،2 مەتر.



ايتا كەتەيىك تۋىندى اۆتورلارى - قازاقستان جۋرناليستەر وداعىنىڭ مۇشەسى، قوعام بەلسەندىسى تۇرسىن كاليموۆا، ءمۇسىنشى رينات ابەنوۆ، قولا قۇيۋشى امانجول مۇكەنوۆ، قازاقستان سۋرەتشىلەر وداعىنىڭ مۇشەسى، ساۋلەتشى اسىلبەك مۇحامەدجانوۆ. ورىنداعان قر تاس قالاۋشىسى رومان تيتۋشين.

ەسكەرتكىشكە وبلىس اكىمى نۇرلان نوعاەۆتىڭ اتىنان گۇلشوقتارى قويىلىپ، قالا اكىمىنىڭ مىندەتىن اتقارۋشى ۇلىقبەك تناليەۆ جوبا اۆتورلارىنا قالا اكىمدىگى اتىنان العىس حاتتار تابىستادى.


كەلۋ قاينارى: http://www.elarna.net/koru.php?tur=3&id=1069337

پىكىرلەر:

juz dep sifirmen jazingiz.