كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-21684265952 %48 %

اقتوبەدە مەملەكەتتىك قىزمەتشىلەردىڭ جۇمىستان شىعۋ سەبەپتەرى تالدانادى


ءتۇرى: قازاقپارات جاڭالىقتارى

ۋاقىتى: 04:15 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
اقتوبەدە مەملەكەتتىك قىزمەتشىلەردىڭ جۇمىستان شىعۋ سەبەپتەرى تالدانادى

اقتوبە. قازاقپارات – ەندى مەملەكەتتىك قىزمەتشىلەردىڭ جۇمىستان كەتۋ سەبەپتەرى انىقتالاتىن بولادى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساپ قازاقپارات ءتىلشىسى حابارلايدى.

ۇقساس جاڭالىقتار
مەملەكەتتىك ورگان عيماراتتارىندا سمارتفوندى پايدالانۋعا رۇقسات بەرىلمەك اقتوبەدە كاسىپكەردى ۇرعان مەملەكەتتىك قىزمەتشىلەردىڭ باستىعى جازالاندى ماقتاارالدا مەملەكەتتىك قىزمەت ساپاسىن كوتەرۋگە ارنالعان جيىن ءوتتى

جيىندا مەملەكەتتىك قىزمەتكەرلەردىڭ ەتيكاسى، اقپاراتتىق قاۋىپسىزدىك، قىزمەتكەرلەردىڭ اۋىسۋ ماسەلەسى قارالدى. وعان مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگى اقتوبە وبلىسى بويىنشا دەپارتامەنتى باسشىسىنىڭ مىندەتىن اتقارۋشى باۋىرجان ورازوۆ، اۋداندىق اكىمدىكتەردىڭ اپپارات باسشىلارى بەينەبايلانىس ارقىلى قاتىستى.

اقتوبە وبلىسى اكىمى اپپاراتىنىڭ اقپاراتتىق قاۋىپسىزدىك بويىنشا باس ينسپەكتورى شىڭعىس نۇرجىگىت اقپاراتتىق قاۋىپسىزدىك ماسەلەسىنە توقتالدى. ال پەرسونالدى باسقارۋ ءبىرىڭعاي قىزمەتىنىڭ باسشىسى ميرحان ەرماعانبەتوۆتىڭ ايتۋىنشا، بيىل وبلىستا 112 مەملەكەتتىك قىزمەتشى جۇمىس ورىندارىن اۋىستىرعان. بۇل كورسەتكىش 2018 جىلمەن سالىستىرعاندا 0،1% كوبەيدى. كەيبىر قالا، اۋدانداردا تازا اۋىسىم كورسەتكىشى جىل باسىندا بەكىتىلگەن شەكتى ماننەن ارتقان. وبلىس اكىمىنىڭ اپپارات باسشىسى نۇرجاۋعان قالاۋوۆ مەملەكەتتىك قىزمەتشىلەردىڭ جۇمىستان نە سەبەپتى كەتكەنىنە تالداۋ جاساۋعا، ءوز ەركىمەن جۇمىستان شىققاندار اراسىندا ساۋالناما جۇرگىزۋگە تاپسىرما بەردى.

«سەبەپسىزدەن سەبەپسىز قىزمەتتەن كەتۋ ماسەلەسىنە توقتاۋ سالۋ قاجەت. بوس ورىندار سانى 132 بولىپ تۇر. ءبىز وسى ورىنداردىڭ ورنىن تولتىرا الماي جاتقاندا، ەكىنشى جاقتان سەبەپسىز جۇمىستان بوساپ جاتادى»، - دەدى اپپارات باسشىسى ن. قالاۋوۆ.

وڭىردە «ە-قىزمەت» اقپاراتتىق جۇيەسى قولدانىسىنىڭ دەڭگەيى دە كوڭىل كونشىتپەيدى. تالداۋ قورىتىندىسى مەملەكەتتىك ورگانداردىڭ جۇيەدەگى بەلسەندىلىگىنىڭ وتە تومەن ەكەندىگى انىقتالعان. ماسەلەن، ەلەكتروندى-تسيفرلىق قولتاڭبا قويۋ ارقىلى 26 443 قۇجاتتىڭ نەبارى 1293 نەمەسە 4،9% ازىرلەنگەن. جىل باسىنان بەرى «ە-قىزمەت» اقپاراتتىق جۇيەسىنە 18 776 قۇجات ەنگىزىلگەن.

سونىمەن قاتار، وبلىس اكىمدىگىنىڭ سايتتارى مەن الەۋمەتتىك جەلى پاراقشالارىنا تۇرعىندار تاراپىنان كەلەتىن ارىزدار مەن حاتتارعا بەرىلگەن مەملەكەتتىك ورگان جاۋاپتارىنىڭ ساپاسىن قاتاڭ سىنعا الدى. سەبەبى سۇراققا ناقتى جاۋاپ بەرۋدىڭ ورنىنا ۇزاق تارماقشالاردان تۇراتىن زاڭداردى كورسەتىپ، قاراپايىم ازاماتتارعا تۇسىنىكسىز جاۋاپ قايتارىلادى.

«بۇدان بىلاي ازاماتتاردىڭ حاتىنا بەرىلەتىن جاۋاپ تىكەلەي اكىمدىك اپپاراتىنىڭ تەكسەرۋىنەن سوڭ عانا جاريالاناتىن بولادى. حات جاۋابى قاراپايىم، تۇسىنىكتى تۇردە جازىلۋى قاجەت»، - دەدى نۇرجاۋعان قالاۋوۆ.




كەلۋ قاينارى: http://www.elarna.net/koru.php?tur=3&id=1069316

پىكىرلەر:

juz dep sifirmen jazingiz.