كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-2122949249 %51 %

تۇركياعا قانداي ءقاۋىپ ءتونىپ تۇر - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 02:10 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.



ابۋ-باكر ءال-باعداديدىڭ ايەلى مەن تۋىستارى ۇستالدى، دەپ حابارلايدى «حابار 24».

«يراك جانە لەۆانت» لاڭكەستىك ۇيىمى كوشباسشىسىنىڭ جاقىندارىن تۇركيانىڭ قورعانىس كۇشتەرى سيريادا قولعا تۇسىرگەن. بۇل تۋرالى رەجەپ تايىپ ەردوعاننىڭ ءوزى مالىمدەدى.

دەسە دە، تۇرعىندار تاراپىنان الاڭداۋشىلىق كوپ. سەبەبى كوزى جويىلعان ال-باعدادي مەن ونىڭ تۋىستارى الىستا ەمەس، ءدال تۇركيانىڭ ىرگەسىندە ەمىن-ەركىن ءومىر ءسۇرىپ كەلگەن.  

ۆاشينگتوننىڭ «يراك جانە لەۆانت» لاڭكەستىك ۇيىمى كوشباسشىسى ءال-باعداديدىڭ كوزىن جويدىق دەگەن مالىمدەمەسىنەن سوڭ، تۇركيالىقتاردىڭ ۇستىنەن ءبىر جۇك تۇسكەندەي بولعان ەدى. ءبىراق جەرگىلىكتى تۇرعىندار ەندى ءوز قاۋىپسىزدىگىنە الاڭداي باستادى. سەبەبى قانپەزەر-لاڭكەس ءومىرىنىڭ سوڭعى كۇندەرىنە دەيىن يەك استىندا، ياعني يدليب ەلدى مەكەنىندە جاسىرىنىپ كەلگەن. بۇل ءوڭىر – سيريانىڭ تۇركياعا ەڭ جاقىن شەكاراسى. ال تاقاۋدا ءال-باعداديدىڭ 65 جاستاعى اپكەسى مەن جەزدەسى جانە ايەلى دە ءدال وسى وڭىردەن ۇستالدى. 

رەجەپ تايىپ ەردوعان، تۇركيا پرەزيدەنتى:

– ءبىز سيريادا ءال-باعداديدىڭ ايەلىن قولعا تۇسىردىك. ءبىراق ونى الەمگە جار سالىپ، شۋ شىعارعان جوقپىز. ءقازىر بۇل جيىندا العاش رەت مالىمدەپ وتىرمىن. بۇعان دەيىن ونىڭ اپكەسى مەن كۇيەۋى، ياعني جەزدەسىن تۇتقىنعا العان بولاتىنبىز.

لاڭكەستىك ۇيىمنىڭ باستى فيگۋرانتتارى تۇتقىندالعانىنا قۋانىپ وتىرعان حالىق جوق. سەبەبى بيلىك كۇرد جاساقتارىمەن الىسىپ جاتقاندا، تۇركياعا شەكارادان ءقاۋىپ كەلە مە دەپ الاڭداۋلى.

ەرك ادجارەر، ساراپشى:

– الەم بويىنشا ىزدەۋ سالىنعان ەڭ تانىمال لاڭكەستىڭ تۇركياعا جاقىن جەردەن تابىلعانى الاڭداۋشىلىق تۋدىرادى. سەبەبى بۇل مەملەكەتتىڭ قازىرگى باستى ماقساتى – لاڭكەستەردىڭ كوزىن جويۋ. كۇردتەرمەن كۇرەسەمىز دەپ شەكارادان كىمنىڭ ءوتىپ جاتقانىن بايقاماي وتىر. ماسەلەن، يدليبتەگى وپەراتسيا كەزىندە 3000 سيريالىق ازامات تۇركيا شەكاراسىنان ەمىن-ەركىن ەلگە وتكەن.

كۇرد جاساقتارىمەن كۇرەس تە وڭىپ تۇرعان جوق. وق اتپاۋ كەلىسىمنەن كەيىن «بەيبىتشىلىك قاينارى» وپەراتسياسى اۋماعىن رەسەيلىك جانە تۇركيالىق اسكەرلەر بىرگە باقىلاۋعا العان ەدى. تۇركيالىق تاراپ وڭردەن كۇرد جاساعى ءالى تولىعىمەن كەتپەگەنىن ايتادى. ءتىپتى جەرگىلىكتى كۇرد تۇرعىندارى ەكى ەلدىڭ اسكەريلەرىنەن قۇرالعان باقىلاۋ توبىنا تاس لاقتىرىپ، تىنىشتىق بەرمەي جاتىر.

اۆتورى: جانسۇلۋ دۇيسەنالى


كەلۋ قاينارى: http://www.elarna.net/koru.php?tur=38&id=1069305

پىكىرلەر:

juz dep sifirmen jazingiz.