كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-2116127442 %58 %

قازاقستاندا 40 مىڭ شارۋا قوجالىعىن ايەل باسقارىپ وتىر - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 01:50 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.



ەلىمىزدە 40 مىڭ شارۋا قوجالىعىن ايەل باسقارىپ وتىر، دەپ حابارلايدى «حابار 24».

ۇيدەگى شارۋامەن تۇزدەگى اۋىر ەڭبەكتى قاتار الىپ، قايىسپاي كوتەرگەن وسىنداي بۇرىمدىلار بۇگىن ەلوردادا باس قوستى.

ەكى كۇنگە جالعاساتىن اۋىل ايەلدەرىنىڭ فورۋمىندا ناتيجەلى جۇمىسپەن قامتۋ جانە اۋىلداعى كاسىپكەرلىكتى دامىتۋ جايى تالقىعا سالىنادى. بۇل عانا ەمەس، جاسىل تەحنولوگيالاردى يگەرۋ جانە يننوۆاتسيالىق جوبالاردى ىسكە اسىرۋ جولدارى دا – وسى جيىننىڭ باستى تاقىرىبى.

«مال شارۋاشىلىعى بەرەكەلى كاسىپ، الايدا بەينەتى دە جەتەرلىك»، دەيدى دينا كەنجينا. جەتپىستىڭ بەسەۋىنە اياق باسقان قاريا توقسانىنشى جىلداردان بەرى مال شارۋاشىلىعىمەن اينالىسادى. باسىندا وتاعاسى بار ەدى، كەيىن ول ومىردەن وتكەننەن كەيىن بار اۋىرتپالىقتى ءوز مويىنا الدى. كۇن-تۇن دەمەي تىنىمسىز ەڭبەك ەتتى. ءقازىر سول كاسىپتىڭ ءناسىبىن كورىپ وتىر. بالالارى ءىسىن جالعاستىرىپ، قورانى مالعا تولتىردى.

دينا كەنجينا، شارۋا قوجالىعىنىڭ جەتەكشىسى:

– 400-گە جۋىق ءىرى قارا، مىڭ باس قوي، جۇزدەگەن جىلقى، سونداي مال بار. وتە قيىن شارۋاشىلىق. جازعى ماۋسىمدا كوپ، قىستا ونشاقتى ادام، جازدا 17-18 ادام جۇمىس ىستەيدى.

اۋىل ايەلدەرىنىڭ 2-فورۋمىنا ەڭبەكقور ايەلدەر جينالعان. ءبىرى شاعىن كاسىبىن اشىپ، حالىققا قىزمەت كورسەتىپ وتىر. ەندى ءبىرى مال باعىپ، اتا كاسىپتى قولعا العان. ايەل اكىم اۋىلدىڭ جاعدايىنا الاڭداسا، دەپۋتات ايەل حالىقتىڭ جوعىن جوقتايدى. فورۋمدا ولاردىڭ بارىنە ورتاق ماسەلەلەر تالقىلاندى. كاسىپكەرلىكتى دامىتۋ، اۋىل-ايماقتىڭ ينكليۋزيۆتىك، يننوۆاتسيالىق جانە «جاسىل» ەكونوميكاسىن جەتىلدىرۋ جولدارى ايتىلدى. سونداي-اق وڭىرلىك ساياسات پەن جەرىگىلىكتى ءوزىن-وزى باسقارۋدى نىعايتۋ جايى كوتەرىلدى.

سالتانات راقىمبەكوۆا، «جاسىل ەكونوميكا جانە g-global» دامىتۋ كواليتسياسى ءتورايىمى:

– بىلتىردان بەرى ءبىزدىڭ ۇسىنىسىمىز بويىنشا مەملەكەتىمىزدە اۋىل ايەلدەرىنىڭ فورۋمىن وتكىزۋ جوسپارلانىپ، مەملەكەتتىك ورگانداردىڭ كەستەسىنە كىرىپ وتىر. ول وتە جاقسى دەپ ويلايمىن. سەبەبى 2008 جىلدان باستاپ بۇۇ ۇسىنىسى بويىنشا، 15 قازان كۇنى حالىقارالىق اۋىل ايەلدەرىنىڭ كۇنى بولىپ اتالىپ وتىر. ءبىزدىڭ ۇسىنىسىمىز بويىنشا بىلتىردان بەرى قازاقستاندا ءوتىپ وتىر.

فورۋمدا تابىستى ايەلدەر ءوز تاجىريبەلەرىمەن ءبولىسىپ جاتىر. شەت مەملەكەتتەردەن كەلگەن ساراپشى-ماماندار دا بيزنەس تاقىرىبىندا ءدارىس وقيدى. شەبەرلىك ساعاتتارى دا ۇيىمداستىرىلادى.


كەلۋ قاينارى: http://www.elarna.net/koru.php?tur=38&id=1069299

پىكىرلەر:

juz dep sifirmen jazingiz.