كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-2116127442 %58 %

شىمكەنتتە مەملەكەت ەسەبىنەن جاستارعا مىڭعا تارتا جالدامالى پاتەر بەرىلەدى - قازاقستان جانە الەمدەگى سوڭعى جاڭا


ءتۇرى: 24.kz اقپاراتتارى

ۋاقىتى: 01:30 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.



شىمكەنتتە جىل سوڭىنا دەيىن 828 پاتەرلى 14 جالدامالى تۇرعىن ءۇي مەملەكەت ەسەبىنەن جاستارعا بەرىلەدى، دەپ حابارلايدى «حابار 24» ءتىلشىسى.

بۇل باسپانالاردىڭ قۇرىلىس جۇمىستارى اياقتالۋعا تاياۋ. ال شاھاردا بيىل تۇرعىن ءۇي كەزەگىندەگىلەردىڭ سانى 3،3 پروتسەنتكە ارتقان.

قازىر قالادا باسپانا كەزەگىندە تۇرعانداردىڭ سانى 40 مىڭنان اسىپ جىعىلادى. سونىڭ 11 مىڭى – جاستار. جالپى مۇنداي جالدامالى باسپانالار كىمدەرگە بەرىلەدى؟

ۇلجالعاس جانىسباەۆانىڭ بۇل جالدامالى پاتەردە تۇرىپ جاتقانىنا ءالى جىل تولعان جوق. جاس وتباسى مامىر ايىندا باسپانا كىلتىن العان. ءقازىر ولار «Shymkent City» قالاشىعىنا قونىستانعان. ۇلجالعاس – 4 بالانىڭ اناسى. جۇبايى ەربول ەكەۋى 2003 جىلدان بەرى پاتەردەن پاتەرگە كوشىپ ءومىر ءسۇرىپ كەلدىك دەيدى. 2012 جىلى ءۇي كەزەگىنە تۇرعان جانۇياعا 7 جىلدان سوڭ مەملەكەتتەن جالدامالى بولسا دا پاتەر بۇيىرعان.

ۇلجالعاس جانىسباەۆا، قالا تۇرعىنى:

– ارينە، ءوز ۇيىمىزدەي سەزىنەمىز. العاننان كەيىن ءۇيدى ۇقىپتاپ بارىنشا ۇستاپ جاتىرمىز.

ۇلجالعاس قىرىقبايقىزى بۇل پاتەرىنە ايىنا نەبارى 8300 تەڭگە تولەيدى. «بۇل – باعا جاس وتباسىعا ۇلكەن كومەك. ءۇيدىڭ كوممۋنالدىق شىعىندارى دا اسا قىمبات ەمەس»، - دەيدى ول. ايتپاقشى جاڭا قونىس بولعان سوڭ با، مۇنداعى كوپ قاباتتى ۇيلەرگە ءالى گاز بەن جىلۋ بەرىلمەپتى. وسىنداعى تۇرعىندار ماسەلەنى قالا بيلىگىنە جەتكىزۋىمىزدى سۇرادى. قىس قىر استىندا ەكەندىگىن ەسكەرسە، دەيدى حالىق.

ۇلجالعاس جانىسباەۆا، قالا تۇرعىنى:

– جىلۋى بولاشاقتا بولادى دەيدى. ءالى كەلگەن جوق. جاڭا ءۇي بولعاننان كەيىن بارلىق نارسە بولىپ تۇرادى عوي. كوگىلدىر وتىنىمىز دا كەشىگىپ جاتىر، ءالى كەلمەدى.

بيىل – ەلىمىزدە جاستار جىلى. وسىعان بايلانىستى قالادا جۇمىس ىستەيتىن جاسى 29-عا دەيىنگى جاستارعا 900-دەن استام پاتەر بەرۋ جوسپارلانۋدا. جالپى جىل سوڭىنا دەيىن شاھاردا 828 پاتەرلى 14 ارەندالىق تۇرعىن ءۇي پايدالانۋعا بەرىلمەك. ءقازىر قۇرىلىس نىساندارى اياقتالۋعا جاقىن.

عالىمجان وتەنباەۆ، قالالىق قۇرىلىس باسقارماسى باسشىسىنىڭ ورىنباسارى:

– شىمكەنت قالاسىندا بارلىعى 24 ارەندالىق تۇرعىن ءۇيدىڭ قۇرىلىس جۇمىستارى جۇرگىزىلىپ جاتىر. اعىمداعى جىلدىڭ سوڭىنا دەيىن 16 تۇرعىن ءۇي ىسكە قوسىلادى. 898 پاتەرى سونىڭ ىشىندە ەكى باعدارلاما بويىنشا جۇمىس ىستەپ جاتقان جاستارعا، كوپ بالالى انالارعا باعىتتالعان. جاستار بويىنشا 304 پاتەر. 6 تۇرعىن ۇيدە پايدالانۋعا بەرىلەدى. سونىمەن قاتار 10 تۇرعىن ءۇيدىڭ 352 پاتەرى كوپ بالالى انالارعا باعىتتالاتىن بولادى.

قالاداعى حاقنازار حان كوشەسىندەگى مىنا 5 قاباتتى 30 پاتەرلى تۇرعىن ۇيدە قاراشانىڭ سوڭىندا جاس وتباسىلارعا ەسىگىن ايقارا اشپاق. مۇندا قۇرىلىس جۇمىستارىنىڭ 85% پايىزى اياقتالعان. ىشكى جۇمىستاردى 20-دان استام مامان پىسىقتاۋدا. بۇل باسپانالاردا جالدامالى تۇرعىن ءۇي رەتىندە بەرىلەدى، دەيدى تۇرعىن ءۇي جانە تۇرعىن ءۇي ينسپەكتسياسى باسقارماسىنداعىلار. قۇرىلىس نىسانىنىڭ باسشىسى، پروراب ەرنار ساريەۆ ء«وزىم سەكىلدى جاس جانۇيالار باسپانالى بولسا قۋانامىن»، - دەيدى.

ەرنار ساريەۆ، قۇرىلىس نىسانىنىڭ باسشىسى:

– بۇل تۇرعىن ءۇي 5 قاباتتى. ونىڭ ىشىندە ءار اۋماقتا 6 پاتەردەن. ونىڭ ىشىندە بەسەۋى – 1 بولمەلى. بىرەۋى 2 بولمەلى. 1 بولمەلى تۇرعىن ءۇيدىڭ شارشى مەترى – 40 كۆادرات تا، ال 2 بولمەلى پاتەر 45 كۆادرات بولىپ سانالادى.

جۇلدىز وردابەكوۆا، قالالىق تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ ءبولىم باسشىسى:

– جۇمىس ىستەپ جۇرگەن جاستارعا ساتىپ الۋ قۇقىعىنسىز تۇرعىن ۇيلەر قاراستىرىلۋدا. بۇل «جاستار» باعدارلاماسى بويىنشا كونكۋرس جۇرگىزىلەتىن بولادى. جىل اياعىنا دەيىن قۇجاتتار قابىلدانادى. جاسى 29-عا جەتپەگەن بولۋى كەرەك. سونىمەن قاتار 2 جىل شىمكەنت قالاسىندا تۇراقتى تىركەلگەن بولۋى قاجەت جانە 2 جىل يەلىگىندە تۇرعىن ءۇي بولماۋى ءتيىس. 5 كۇن ىشىندە قۇجاتتار قارالادى. سوسىن 10 كۇن ىشىندە بالدىق جۇيە بويىنشا ەسەپتەلەتىن بولادى.

«ۇيى جوقتىڭ كۇيى جوق» دەگەن اتام قازاق. شىمكەنتتە 40 024 ازامات تۇرعىن ءۇي الۋ تىزىمىندە تىركەلگەن. بۇل ءتىزىم جىل ساناپ ارتىپ بارادى. ماسەلەن، 2018 جىلدىڭ ءبىرىنشى جارتى جىلدىعىندا تۇرعىن ءۇي كەزەگىندە 34 100 بولسا، قازىرگى كورسەتكىش 3،3 پايىزعا ارتىپ وتىر. باسپاناسى جوقتاردىڭ دەنى – كوپ بالالى وتباسىلار، اتا-اناسىنىڭ قامقورلىعىنسىز قالعان بالالار، حالىقتىڭ الەۋمەتتىك جاعىنان ءالسىز توبى مەن مەملەكەتتىك قىزمەتكەرلەر. ال بيىلدىڭ وزىندە شىمشاھاردا جالپى 27 كوپ قاباتتى ءۇي تاپسىرىلادى. ونىڭ 11 – كرەديتتىك ال 16 – ارەندالىق باسپانالار. بۇل دەگەنىڭىز، جالپى 1554 پاتەردى قۇرايدى. الايدا قۇرىلىس قارقىن العانىمەن ءۇي كەزەگى باياۋ قوزعالىستا.

اۆتورلارى: نۇربەك بايبوسىن، نۇرماحان مۇساتوۆ، نۇرماحان بەكمۇراتوۆ


كەلۋ قاينارى: http://www.elarna.net/koru.php?tur=38&id=1069295

پىكىرلەر:

juz dep sifirmen jazingiz.