كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-12711272041 %59 %
2019-10-13946291737 %63 %
2019-10-14349119138 %62 %

شەتكە مال ساتۋدى شەكتەۋ كەرەك


ءتۇرى: Ult.kz ۇلىت تورابى

ۋاقىتى: 18:20 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

مالسىز قازاقتىڭ كۇنى قاراڭ. اسىرەسە قازاقتىڭ باسىم بولىگى تۇراتىن اۋىلدار ءۇشىن تىپتەن مالدىڭ ورنى تىپتەن بولەك. ەشكىمگە قول جايماي ءوز كۇنىن ءوزى كورىپ، ءتىپتى ءبىرقاتارى مال باسىن ءوسىرىپ، ءبىرشاما ادامعا جۇمىس بەرىپ وتىرعانىن دا بىلەمىز. دەسەك تە كەز كەلگەن تاۋارعا شىعارىلىپ ساتىلاتىن نارىق كەرەك. ارينە، ەت جەگىشتىگىمىز جاعىنان سالىستىرمالى تۇردە كەي ەلدەردەن الدا تۇرعانىمىزبەن مال شارۋاشىلىعى ءۇشىن ىشكى رىنوك تىم تار. سوندىقتان دا الىس-جاقىن شەتەلگە مال ونىمدەرىن شىعارۋعا تالپىنىپ، كەلىسىر شارتتار جاسالىپ تا ءجۇر. اڭگىمە وسى مال ونىمدەرى دەگەننەن شىعادى. ءبىز راسىندا سول شەتەلگە مال ونىمدەرىنەن گورى مالدىڭ ءوزىن ساتۋ جاعىنا قاراي ويىسىپ بارا جاتىر ەكەنبىز. داريعا نازارباەۆانىڭ توراعالىعىمەن وتكەن بۇگىنگى سەنات وتىرىسىندا سەناتور ءالي بەكتاەۆ دەپۋتاتتىق ساۋالىندا وسى ماسەلەگە قاتىستى ۇلكەن قايشىلىقتاردىڭ بەتىن اشىپ، ۇكىمەتتى سىنعا الدى.

سەناتوردىڭ ايتۋىنشا، قازاقستاندا مالدىڭ باسىن شەتەلگە ساتۋ بويىنشا كۇردەلى جاعداي قالىپتاسىپ وتىر. كورشى مەملەكەتتەر، اسىرەسە وزبەكستان رەسپۋبليكاسى مەملەكەتارالىق ساۋدا-ساتتىق قارىم-قاتىناستىڭ وڭتايلىعىن پايدالانا وتىرىپ قازاقستاندىقتاردان ءىرى قارا مال مەن ۋاق مالداردى جاپپاي ساتىپ الۋ ساياساتىن جۇرگىزۋدە. مىسالى، 2018 جىلدىڭ قورىتىندىسى بويىنشا قازاقستاننان تىس جەرگە 88 مىڭعا جۋىق مال ساتىلسا، تەك بيىلعى توعىز ايدىڭ وزىندە 333 مىڭنان استام مال شىعارىلعان. بۇل بىلتىرعى جىلمەن سالىستىرعاندا 3،8 ەسە كوپ. ساتىلعان ءىرى قارانىڭ سانى 2 ەسە، ال ۋاق مالدىڭ سانى 7 ەسەگە وسكەن. سىرتقا ساتىلعان مال باسىنىڭ 80 %-ىن وزبەكستان رەسپۋبليكاسىنىڭ ازاماتتارى ساتىپ العان. ولار قازاقستاننىڭ شەكارا اۋماعىندا ورنالاسقان تۇركىستان، قىزىلوردا وبلىستارىنان عانا ەمەس، شىعىس قازاقستان، اقمولا، قاراعاندى، الماتى، جامبىل وبلىستارىنان دا مالدىڭ ساپالى بولىگىن ىرىكتەپ الۋدا. ەڭ سوراقىسى شەتكە ساتىلعان مالداردىڭ 50%-عا جۋىعى رەپرودۋكتيۆتى انالىق باستار، ياعني كورشىلەس مەملەكەتتەر قازاقستاننىڭ مالدارىن ەتكە عانا ەمەس، ءوز مالدارىنىڭ ساپاسىن جاقسارتۋعا جانە مال باسىن كوبەيتۋ ءۇشىن دە ساتىپ الۋدا.

بۇل، ءوز كەزەگىندە، ءالى دە 1991 جىلدىڭ دەڭگەيىنە جەتە قويماعان قازاقستانداعى مال باسىنىڭ وسۋىنە كەرى اسەرىن تيگىزەدى دەگەن ءسوز.

ارينە، نارىق زامانىندا ءاربىر فەرمەر، بولماسا اۋىل تۇرعىنى وزدەرى وسىرگەن مالدارىن قايدا جانە قاي باعامەن ساتامىن دەسە دە ءوز ەركى. مەملەكەت تاراپىنان ول ءۇشىن وڭتايلى جاعدايلار دا جاسالىنۋى ءتيىس. اۋىل تۇرعىندارىنىڭ باي، قۋاتتى بولعانى وزدەرىنە دە، مەملەكەتكە دە ماڭىزدى ەكەندىگىن ءبارىمىز دە جاقسى تۇسىنەمىز. ءبىراق، شەتەلگە مال شىعارىپ، ساتۋمەن اينالىسىپ جۇرگەندەردىڭ كوپشىلىگى شارۋالار ەمەس، ورتادا جۇرگەن دەلدالدار. شەكارا اۋماعىنداعى بازارلاردان ارزىمايتىن باعاعا مال ساتىپ الىپ، ارعى بەتتە قىمبات باعاعا ساتىپ جاتقاندار دا، قازاقستاننىڭ تۇكپىر-تۇكپىرىنەن مال ساۋدالاپ جۇرگەندەر دە ەكى جاقتىڭ ساۋداگەرلەرى. سەبەبى ناعىز شارۋا، ادال ەڭبەك ادامى، ماڭداي تەرىن توگىپ جۇرگەن فەرمەر ەشقاشاندا مالدىڭ انالىق باسىن شەتكە ساتپايدى. مالدىڭ كوبەيۋى ءۇشىن انالىق باستىڭ قانشالىقتى كەرەك ەكەندىگىن شارۋا جاقسى تۇسىنەدى. ناعىز فەرمەر مالدىڭ قايسىسىن ساقتاۋ كەرەك، قايسىسىن ەتكە جىبەرۋگە، قاي بولىگىن ساتۋعا بولاتىنىن جاقسى بىلەدى.

«قازاقستاندا سوڭعى جىلدارى اگرارلىق سەكتوردى مەملەكەتتىك قولداۋدىڭ ارقاسىندا مال شارۋاشىلىعىنىڭ ساپالىق كورسەتكىشتەرى جاقسارا ءتۇستى. مالدىڭ باسى كوبەيدى، ساپاسى مەن ونىمدىلىگى ارتتى. بولىنگەن اۋقىمدى قارجىعا شەتەلدەن قانشاما ەليتالىق مال تۇقىمدارى الىندى، سەلەكتسيالىق جۇمىستار جاقساردى. قازاقستاننان جاپپاي مال ساتىپ الۋشى شەتەل ازاماتتارىنىڭ دا وسىنىڭ ءبارىن كورىپ-بىلىپ وتىرعاندىعى ايدان انىق. وسىنى ەسكەرە وتىرىپ، قازاقستان رەسپۋبليكاسى وكىمەتىنىڭ تاراپىنان مال ەكسپورتىنا قاتىستى اۋقىمدى جانە ۇتىمدى شارالار قابىلدانۋى قاجەت دەپ ەسەپتەيمىز. اۋىل شارۋاشىلىعى مينيسترلىگىنىڭ شەتكە شىعاراتىن مالداردىڭ انالىق باستارىن شەكتەۋ تۋرالى قابىلداعان شەشىمى جەتكىلىكسىز دەپ ويلايمىز»، - دەدى سەناتور.

سەنات دەپۋتاتىنىڭ پىكىرىنشە، شەكاراداعى بەكەتتەردەن بولەك مالدى زاڭسىز وتكىزۋگە بولاتىن وتكەلدەر دە از ەمەس. سوندىقتان ۆەتەرينارلىق قىزمەتتەن بولەك، كەدەن جانە كىرىس، تاعى دا باسقا قۇقىق قورعاۋ ورگاندارىنىڭ بۇل باعىتتاعى جۇمىستارىن ۇيلەستىرەتىن ۇكىمەتتىڭ ارنايى نورماتيۆتىك قۇجاتى قابىلدانۋى كەرەك. بۇل جەردە نارىق تالابىنا ساي وزگە دە مەحانيزمدەردى پايدالانعان ءتيىمدى بولماق.

اسىرەسە جەرگىلىكتى جەرلەردە مالداردى سويىپ، ەتىن قايتا وڭدەيتىن ءوندىرىستى جاپپاي دامىتۋ ماڭىزدى. شەتەلگە ءتىرى مال ەمەس، ەت جانە ەت ونىمدەرىن ساتۋ الدەقايدا ءتيىمدى بولار ەدى.

سەناتور ءالي بەكتاەۆ ۇكىمەت باسشىسى ا.مامينگە ارنالعان دەپۋتاتتىق ساۋالىن تۇيىندەي كەلە «بۇل باعىتتا مال بورداقىلاۋ مەن ەت ءوندىرىسىن سۋبسيديالاۋ ساياساتىن دا ناقتى قاراپ، پىسىقتاۋ قاجەت»، - دەگەن تالابىن جەتكىزدى. سونىمەن بىرگە سەنات دەپۋتاتى بيىلعى جىلدىڭ سەگىز ايىندا شەت مەملەكەتتەرگە 4800 توننا قارا مال مەن قويدىڭ ەتى ساتىلسا، ونىڭ 300 مىڭى ءتىرى مال كۇيىندە ساتىلعانىنا ەرەكشە نازار اۋدارتتى. ويتكەنى ونى ەتكە اينالدىرعاندا 26 مىڭ توننادان اسادى ەكەن، بۇل مولشەردەن 5،4 ەسە كوپ ەكەن. ء«بىزدىڭ مەملەكەتتە، استىق ءوندىرىسى سياقتى، ەكسپورتقا ەت ونىمدەرى ەمەس، مالدىڭ ءوزىن ساتۋ ادەتكە اينالىپ بارادى. بۇدان ءبىز جۇمىس ورىندارى مەن قوسىمشا تابىس پەن سالىق كوزدەرىن جوعالتاتىنىمىز داۋسىز»، - دەدى ا.بەكتاەۆ.

شىنىندا دا ەگەر مالدى جان-جاققا وسىلاي تىرىدەي تاراتا بەرەتىن بولساق كۇندەردىڭ كۇنىندە تىگەرگە تۇياق قالماسىنا كىم كەپىل؟

ادىلبەك قابا


كەلۋ قاينارى: http://www.elarna.net/koru.php?tur=53&id=1058344

پىكىرلەر:

juz dep sifirmen jazingiz.