كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-12711272041 %59 %
2019-10-13946291737 %63 %
2019-10-14349119138 %62 %

#DenisTenMemorialChallenge ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلە


ءتۇرى: ماسساگەت ماقالالارى

ۋاقىتى: 18:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version. #DenisTenMemorialChallenge ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


 #DenisTenMemorialChallenge

الماتى “Denis Ten Memorial Challenge” حالىقارالىق ءتۋرنيرى باستالدى. 3 كۇن قاتارىنان وتەتىن جارىسقا 19 ەلدىڭ مانەرلەپ سىرعاناۋشىلارى قاتىسادى. اراسىندا الەكسەي ميشين، ەتەري تۋتبەريدزە، ەلەنا ۆودورەزوۆا سەكىلدى تانىمال جاتتىقتىرۋشىلاردىڭ شاكىرتتەرى قاتىسادى. التى مانەرلەپ سىرعاناۋشى، دەنيستىڭ ءىزباسارلارى ەل نامىسىن قورعايدى. ءباسپاسوز كونفەرەنتسيادا دەنيستىڭ اناسى وكسانا تەن بۇل ءتۋرنيردى وتكىزۋ بالاسىنىڭ ارمانى بولعانىن ايتقاندا جۇرەگىم سىزداپ قويا بەردى. كوزىم جاسقا تولىپ، بۇكىل ءباسپاسوز كونفەرەنتسيا توقتامادى. دەنيستىڭ قازاسىنا ءالى دە سەنگىم كەلمەيدى.

دەنيستىڭ ەڭبەگىن، جەڭىسىن، ماراپاتىن بارلىعىمىز كوردىك. ماقتانىشىمىز دەدىك. جەڭىس تۇعىرىنان كورگەندە ءبىر جاساپ قالاتىنبىز. ماڭدايىمىزعا قالايشا سىيماي كەتتى؟! تۇسىنىكسىز. ادىلەتسىز. اۋىر.

مەن دەنيسپەن 2014 جىلى تانىستىم. سوچي وليمپياداسىنان قولا مەدال يەلەنىپ، ولجالى قايتقان ونى قۇتتىقتاعىسى كەلگەن، ودان سۇحبات الۋعا اسىققان جاندار كوپ بولدى. اراسىندا مەن دە بارمىن. جولىم بولدى. 2014 جىلدىڭ ماۋسىم ايىندا ول «دەنيس تەن جانە ونىڭ دوستارى» شوۋىن ۇسىندى. العاشقى رەت وتكەن شوۋعا الەمنىڭ تۇكپىر تۇكپىرىنەن تانىمال مانەرلەپ سىرعاناۋشىلار كەلدى. بۇرىن سوڭدى تەلەديداردان كورەتىن جۇلدىزدار كوز الدىمىزدا بولدى. مارقۇم دەنيستىڭ ارقاسىندا. شوۋدان بولەك جاس سپورتشىلارعا ماستەر-كلاسس دارىستەرىن تەگىن وتكىزدى. سول كەزدە دەنيسپەن سۇحباتتاسىپ، ول تۋرالى دەرەكتى فيلم تۇسىردىك. ول تاپسىرىس بويىنشا جاسالعان «تاۋەلسىز ەلدىڭ تۇلعالارى» دەرەكتى فيلمدەر جەلىسىنىڭ ءتورتىنشى كەيىپكەرى بولدى. اناسىمەن، العاشقى جاتتىقتىرۋشىسى قۇرالاي ۋزۋروۆامەن، دوستارىمەن تىلدەستىك. وزىمەن 2 ساعاتتاي اڭگىمەلەستىك. ونى جاقىننان تانىدىم. نەتكەن سالماقتى، قاراپايىم، اقىلدى جان ەدى. كوپ ىزدەنەتىنى، وقيتىنى كورىنىپ تۇردى. ەشكىمنىڭ كوڭىلىن قالدىرماي بارلىعىمەن سۋرەتكە ءتۇسىپ جاتتى. «مەن ءالى جاسپىن، ەلىمە قىزمەت ەتەمىن، اتىن شىعارامىن» دەپ ەدى. بەرەرى كوپ ەدى.

مىنا الەمگە دەنيستى سىيلاعانى ءۇشىن اتا-اناسىنا مىڭ العىس! بۇگىندە جانۇياسى دەنيستىڭ جوسپارلاعان وي-ارماندارىن جۇزەگە اسىرىپ كەلەدى. حالىقارالىق تۋرنيردەن بولەك، دەنيستىڭ اندەرىن جاريالاۋعا، ول تۋرالى دەرەكتى ءفيلمدى ەل نازارىنا ۇسىنۋعا دايىندالىپ جاتىر. كوزى تىرىسىندە قايدا جۇرسە دە قولىنان فوتواپپاراتى تۇسپەگەن ەكەن. سول سۋرەتتەر جيناقتالعان بىرنەشە فوتوكورمەسىن وتكىزدى. كەلەسى ايدا فوتو كورمە سەۋل قالاسىندا وتەدى. ول جازعان ستسەناري نەگىزىندە تيمۋر بەكمامبەتوۆ گولليۆۋدتە فيلم ءتۇسىردى. بۇيىرسا، كەلەسى جىلى ول ءفيلمدى كورەتىن بولامىز. ول مانەرلەپ سىرعاناۋ سپورتىن دامىتقىسى كەلگەن، اكادەميا اشۋدى ارماندايتىن. ول دا جۇزەگە اسار، قۇداي قالاسا.

العاشقى ءتۋرنيردىڭ سىيلى قوناقتارىنىڭ ءبىرى ونىڭ جاقىن دوستارىنىڭ ءبىرى رەسەيلىك مانەرلەپ سىرعاناۋشىلار يۋكو كاۆاگۋتي پەن الەكساندر سميرنوۆ (سۋرەتتە). ولار دا دەنيستىڭ وتە اقجارقىن، كەڭ پەيىلدى جان ەكەنىن ايتىپ قالدى. دەنيستىڭ ءارۋاعىن سىيلاپ كەلگەن قوناقتارعا كوپ راحمەت! وزدەرى دە شاقىرتۋ العاندارىنا قۋانىشتى ەكەندەرىن جاسىرمادى. دەنيستىڭ وتباسىنا العىسىن ايتىپ جاتتى.

دەنيس ماڭگى ەسىمىزدە قالاتىنى ءسوزسىز. ەلى ەش ۇمىتپايدى. ال ونىڭ ءىزباسارلارى ەل نامىسىن قورعاپ، تالاي دودالاردا جەڭىسكە جەتەتىنىنە سەنەمىن. بۇل تۋرنيردە دە توپ جارىپ، جاڭا ەسىمدەردى تانيتىن بولامىز. "Halyk arena" كەشەنىندە بولاتىن تۋرنيرگە كەلىڭىزدەر، جاس جۇلدىزداردى قولداڭىزدار!



كەلۋ قاينارى: http://www.elarna.net/koru.php?tur=41&id=1058333

پىكىرلەر:

juz dep sifirmen jazingiz.