كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-231043496239 %61 %

اقتاۋ ايلاعىنان اي سايىن باتۋميگە 10-15 مىڭ توننا گاز جەتكىزۋ جوسپارلانۋدا - قازاقستان جانە الەمدەگى سوڭعى جاڭ


ءتۇرى: 24.kz اقپاراتتارى

ۋاقىتى: 17:20 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.



باكۋدە ازەربايجان مەن قازاقستان اراسىنداعى ۇكىمەتارالىق كوميسسيانىڭ وتىرىسى ءوتتى.

كەزدەسۋدىڭ باستى تاقىرىبى – قازاقستاندىق گازدىڭ ءترانزيتى. سونداي-اق قوس تاراپ وزگە جۇكتەردىڭ ءترانزيتى، اۋىل شارۋاشىلىق ونىمدەرىن وتكىزۋ، كولىك تاسىمالى مەن تۋريزم ماسەلەلەرىن تالقىعا سالدى. ءماجىلىس قورىتىندىسى بويىنشا ءبىرقاتار كەلىسىم جاسالدى.

قازاقستان ازەربايجان جانە گرۋزيا اۋماعى ارقىلى سۇيىتىلعان گازدى سىرتقى نارىقتارعا تاسىمالداي باستادى. تاراپتار ءونىم كولەمى مەن تاريفتەر بويىنشا كەلىسىمگە كەلدى. اقتاۋ ايلاعىنان اي سايىن باتۋميگە 10-15 مىڭ توننا گاز جەتكىزۋ جوسپاردا بار. 

قانات بوزىمباەۆ، قر ەنەرگەتيكا ءمينيسترى:

– تەڭىز كەنىشىنەن اي سايىن 10-15 مىڭ توننا سۇيىتىلعان گاز جىبەرلىپ تۇرادى دەپ بولجاپ وتىرمىز. سۇرانىسقا قاراي كاسىپورىندارىمىز كەلەشەكتە وسى باعىتتا تاۋار اينالىمىن ارتتىرادى دەگەن ۇمىتتەمىز.

باكۋ-تبيليسي-دجەيحان قۇبىرى ارقىلى قازاقستاندىق مۇنايدى تاسىمالداۋ بويىنشا مينيستر بۇل باعداردى تولتىراتىن شيكىزات ازىرشە جوق ەكەنىن اتاپ كەتتى. الايدا 2022-2023 جىلدارى قاشاعان، تەڭىز جانە قاراشىعاناق كەنىشتەرىندەگى جوبالار ىسكە قوسىلعاننان كەيىن، مۇناي ءوندىرىسى كۇرت وسەتىن ءتۇرى بار. سوندا وسى باعىتپەن اۋقىمدى كولەمدە شيكىزات تاسىمالداۋ مۇمكىندىگى بولادى.

پارۆيز شاحبازوۆ، ازەربايجاننىڭ ەنەرگەتيكا ءمينيسترى:

– ازەربايجان اۋماعى ارقىلى قازاقستاندىق ەنەرگيا قورلارىن تاسىمالداۋ بويىنشا ەكى جۇمىس توبى ەڭبەك ەتىپ كەلەدى. وسى ماسەلە بويىنشا ءبىراز جەتىستىككە قول جەتكىزدىك. سونداي-اق ماشينا جاساۋ ونەركاسىبىمەن قازاقستاننىڭ ەنەرگەتيكالىق جوبالارىنا قاتىسۋ ماسەلەسىن قاراستىرۋعا كەلىستىك.

سونداي-اق ۇكىمەتارالىق كوميسسيا وتىرىسىندا بالامالى ەنەرگەتيكا سالاسىنداعى ءوزارا ىنتىماقتاستىق ماسەلەلەرى تالقىلاندى. ازەربايجان بۇل باعىتتاعى قازاقستان تاجىريبەسىن بەلسەندى پايدالانۋعا نيەتتى.

اۆتورلارى: شافاگ اليەۆا، ايگيۋن گاسان


كەلۋ قاينارى: http://www.elarna.net/koru.php?tur=38&id=1058304

پىكىرلەر:

juz dep sifirmen jazingiz.