كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

قاسكەلەڭدە قاراساي باتىرعا ەڭسەلى ەسكەرتكىش قويىلدى | قازاق گازەتتەرى


ءتۇرى: قازاق گازەتتەرى

ۋاقىتى: 17:03 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.


الماتى وبلىسى قاراساي اۋدانىنىڭ 90 جىلدىعىن مەرەكەلەۋ اياسىندا قاسكەلەڭ قالاسىنداعى ورتالىق الاڭعا داڭقتى قاراساي باتىردىڭ 11 مەترلىك ەڭسەلى ەسكەرتكىشى تۇرعىزىلدى. ەسكەرتكىش جەرگىلىكتى مەتسەناتتار مەن كاسىپكەرلەردىڭ قولداۋىمەن جاسالدى. ونىڭ اشىلۋ سالتاناتىنا وبلىس اكىمى اماندىق باتالوۆ قاتىستى، — دەپ حابارلايدى الماتى وبلىسى اكىمىنىڭ ءباسپاسوز قىزمەتى.

اۋدان تۇرعىندارى مەن قوناقتارىن قۇتتىقتاعان وبلىس اكىمى ا. باتالوۆ:

— ەلباسىنىڭ «رۋحاني جاڭعىرۋ: بولاشاققا باعدار» اتتى باعدارلامالىق ماقالاسى شەڭبەرىندە وبلىستا تاريحي قۇندىلىقتارىمىزدى ساقتاۋعا، ۇلى تۇلعالارىمىزدىڭ ەسىمىن قۇرمەتتەۋگە باعىتتالعان اۋقىمدى شارالار اتقارىلۋدا. بۇگىن، مىنە، قاراساي اۋدانىنىڭ 90 جىلدىعىنا وراي اتى اڭىزعا اينالعان قاھارمان قاراساي باتىرعا ارناپ ەسكەرتكىش اشىپ وتىرمىز. بۇل كەيىنگى جاستاردى ەلجاندىلىققا تابيەلەۋگە قوسىلعان ۇلكەن ۇلەس دەپ بىلەمىز، — دەدى ءوز سوزىندە.

مۇنان سوڭ وليمپيادا چەمپيونى، قازاقستاننىڭ ەڭبەك ەرى جاقسىلىق ۇشكەمپىروۆ جانە اۋدان تۇرعىندارى مەن قوناقتارى مەرەيلى مەرەكەمەن كوپشىلىكتى قۇتتىقتاپ، اۋداندا اتقارىلىپ جاتقان يگى ىستەردى، سونىڭ ىشىندە قاراساي اۋدانىنىڭ الەۋمەتتىك-ەكونوميكالىق دامۋىنداعى دەمەۋشى مەتسەنات ازاماتتاردىڭ ەلەۋلى ەڭبەگىن دە اتاپ ءوتتى.

ەسكەرتكىشتىڭ اۆتورى — نۇركەن داۋكەنوۆ. ەسكەرتكىش قولادان جاسالعان، قاسكەلەڭنىڭ ورتالىق الاڭىنا قويىلدى. جالپى بيىكتىگى – 11 مەتر.



كەلۋ قاينارى: http://www.elarna.net/koru.php?tur=6&id=1058291

پىكىرلەر:

juz dep sifirmen jazingiz.