كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221249412632 %68 %

دانيار سالاماتتىڭ ء"بىزدىڭ ءۇي" اتتى ءفيلمى ەۋروپاداعى كينوفەستيۆالدەن جۇلدە الدى ءبىز ءسىزدى جارقىن الەمگە جە


ءتۇرى: ماسساگەت ماقالالارى

ۋاقىتى: 16:35 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version. دانيار سالاماتتىڭ ء"بىزدىڭ ءۇي" اتتى ءفيلمى ەۋروپاداعى كينوفەستيۆالدەن جۇلدە الدى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


دانيار سالاماتتىڭ

بەلگىلى رەجيسسەر، “اكەم ەكەۋمىز”، “ساعىنتايدىڭ ءبىرىنشى ايەلى” سىندى فيلمدەردىڭ اۆتورى دانيار سالاماتتىڭ بيىل جارىققا شىققان ء“بىزدىڭ ءۇي” تۋىندىسى ريمدە ءوتىپ جاتقان "ازيا فيلمدەرى كينوفەستيۆالىندە" "قازىلار القاسىنىڭ ارنايى جۇلدەسىن" يەلەندى.

“مەنىڭ بيىل عانا جارىققا شىققان ء"بىزدىڭ ءۇي" اتتى تولىقمەتراجدى كوركەم ءفيلمىم ريمدە وتكەن "ازيا فيلمدەرى كينوفەستيۆالىندە" "قازىلار القاسىنىڭ ارنايى جۇلدەسىن" يەلەنىپتى!

بيۋدجەتسىز، جاي عانا فوتواپپاراتتى سۇيرەتىپ ءجۇرىپ تۇسىرگەن دۇنيەم ءۇمىت بولعانىمەن جۇلدەگە ىلىنەدى دەگەن سەنىمىم بولعان جوق ەدى... قۋانىپ قالدىم!

فيلمدى وسىناۋ ۇلكەن دۇبىرگە باعىتتاعان ورتا ازياعا اتى ءماشھۇر كينوتانۋشى، كينوسىنشى Gulnara Abikeyeva حانىمعا مىڭ العىس! سول ۇلكەن ءدۇبىردىڭ ورتاسىندا ءجۇرىپ، ءفيلمدى تانىستىرعان كينو مامانى Diana Ashimova قىزىمىزعا مىڭ العىس! وسى ءفيلمدى تەسىك تيىنسىز، ەش رەنىشسىز ىقىلاسپەن تۇسىرىسكەن دوس، شاكىرت، باۋىرلارىما مىڭ العىس!بۇل ءفيلمنىڭ العاشقى فەستيۆالى، العاشقى جۇلدەسى…”، - دەپ جازدى رەجيسسەردىڭ ءوزى facebook الەۋمەتتىك پاراقشاسىنا.

“بۋرلەسك كينو كلاسسيكاسى ىسپەتتى تۇسىرىلگەن ء“بىزدىڭ ءۇي” ءتۇپنۇسقا ستيلدەگى كومەديالىق كينونىڭ مىسالى بولا الادى. باتىستىق كوزقاراسقا ساي، تۋىندى كيتوندى، كافكانى، برەحت پەن تاتيدى ەسكە سالادى: ياعني، كومەديانى شەكتەۋ، بيلىكتى سالقىنقاندى ساتيراعا قوسۋ، وزىنشە اۆتونومدى كارتينالار ارقىلى شىن جانە فانتاستيكالىق ەكى الەمنىڭ سۋرەتىن سالۋ. كوپشىلىك ءبىز كورىپ وتىرعان دۇنيە مەن ساياسي جاعدايدىڭ قانداي بايلانىسى بار دەپ تاڭدانۋى مۇمكىن، ونىڭ شىن ءومىردى ويدان قۇرىلعان الەمگە اينالدىرۋدىڭ ناتيجەسى ەكەنىن دە ۇقپاۋى مۇمكىن”، - دەلىنگەن سىيلىقتىڭ انىقتاماسىندا.



"بىزدىڭ ءۇي" فيلمىندەگى كادرلار

"مەنىڭ فيلمدەرىم كوپشىلىككە جەتپەي قالىپ جاتادى. مىسالى، "ساعىنتايدىڭ ءبىرىنشى ايەلىندە" كوپ بالالى انا، الەۋمەتتىك تەڭسىزدىك سىندى ماسەلەلەردى كوتەردىم. مەن مۇنى 3-4 جىل بۇرىن ءتۇسىردىم. ياعني بۇل ماسەلە بۇگىن ەمەس، بۇرىننان قوردالانىپ كەلە جاتقاندىعىن بىلدىرەدى. قازىرگى قانى تامشىلاپ، جارىلعان جارانى بىتەۋ كەزىندە بەينەلەدىم. ءبىراق مەنىكى اۆتورلىق فيلم بولعاننان كەيىن، كوپشىلىككە ارنالماعاسىن بىر-ەكى فەستيۆالگە قاتىستى دا قالىپ قويدى. مەن ونى كوپشىلىكتىڭ تالقىسىنا ۇسىنبادىم. ويتكەنى اۆتورلىق فيلمدەرگە كوپشىلىكتىڭ سۇرانىسى مۇلدە از. ولار كينونى ويىن-ساۋىق، كوڭىل كوتەرۋدىڭ قۇرالى رەتىندە كورەدى. قازىرگى كورەرمەندەرگە ويلاندىراتىن كينو كورسەتسەڭ ءبىر عانا سوزبەن "ناشار كينو" دەي سالادى. سول سەبەپتى ءفيلمىمدى بەلگىلى ءبىر ادامدارعا، ەليتاعا عانا ۇسىندىم. بيىل "بىزدىڭ ءۇي" دەپ اتالاتىن ءفيلمىمدى ءتۇسىردىم. ءقازىر فەستيۆالدەرگە قاتىستىرۋدىڭ تاعدىرىن شەشىپ جاتىرمىز. وندا دا قازىرگى الەۋمەتتىك جاعدايىمىز، قوعامنىڭ بەينەسى، ءبىزدىڭ كۇيىمىز سۋرەتتەلگەن"، - دەگەن ەدى رەجيسسەر ماسساگەت پورتالىنا بەرگەن "كينونىڭ الىپپەسى – سۋرەت پەن ادەبيەت" اتتىسۇقباتىندا.

ايتا كەتەيىك، دانيار سالامات، رەجيسسەر، ستسەناريست، كينودراماتۋرگ. 1970 جىلى تۋعان. 1998 جىلى ت. جۇرگەنوۆ اتىنداعى ونەر اكادەمياسىندا “كينو دراماتۋرگياسى” ماماندىعى بويىنشا (اكىم تارازي شەبەرحاناسى) ءتالىم العان. “اجالىن قۋعان ادام”، ء“جوشا”، “اكەم ەكەۋمىز”، “بايتەرەك”، “كىشكەنتاي”، “ساعىنتايدىڭ ءبىرىنشى ايەلى”، ء“بىزدىڭ ءۇي” ت.ب فيلمدەردىڭ اۆتورى.



كەلۋ قاينارى: http://www.elarna.net/koru.php?tur=41&id=1058274

پىكىرلەر:

juz dep sifirmen jazingiz.