كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23982481239 %61 %

قازاقستاندا اۆتوموبيل ءوندىرىسىنىڭ كولەمى 200 ملرد تەڭگەگە جۋىقتادى


ءتۇرى: قازاقپارات جاڭالىقتارى

ۋاقىتى: 16:21 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستاندا اۆتوموبيل ءوندىرىسىنىڭ كولەمى 200 ملرد تەڭگەگە جۋىقتادى

نۇر-سۇلتان. قازاقپارات – قازاقستاندا اۆتوموبيل ءوندىرىسىنىڭ كولەمى 200 ملرد تەڭگەگە جۋىقتادى، دەپ حابارلايدى قازاقپارات ءتىلشىسى energyprom.kz-كە سىلتەمە جاساپ.

ۇقساس جاڭالىقتار
پەتروپاۆلدا ماس ادام كورشىسىنىڭ كولىگىن ايداپ كەتكەن ەلوردادا كولىك كارتاسىن پايدالانۋشىلار ءۇشىن جەكە كابينەت قىزمەتى ىسكە قوسىلدى ەلىمىزدە جول-كولىك بويىنشا ءبىرىڭعاي تالداۋ جانە جوسپارلاۋ ورتالىعىن اشۋ ۇسىنىلدى

«وسى جىلدىڭ 8 ايىندا وتاندىق اۆتوموبيل قۇراستىرۋ 1،5 ەسە ارتىپ، 32،3 مىڭ بىرلىككە جەتتى. 2019 جىلدىڭ قاڭتار-تامىزىندا قازاقستاندا ترەيلەر مەن جارتىلاي تىركەمەلەردى قوسا العاندا 28،6 مىڭ اۆتوكولىك قۇرالىن قۇراستىردى. بۇل وتكەن جىلدىڭ سايكەس كەزەڭىمەن سالىستىرعاندا 47 پايىزعا كوپ. ونىڭ 25،6 مىڭ جەڭىل، 1،7 مىڭى جۇك جانە ء780-ى اۆتوبۋستار. جەڭىل اۆتوموبيلدەر سانىنىڭ ارتۋىنا قاراماستان ولاردىڭ ءبىر جىلداعى مەنشىكتى سالماعى 93،5 پايىزدان 89،4 پايىزعا قىسقاردى»، - دەلىنگەن تاراتىلعان اقپاراتتا.

2018 جىلى 32،3 مىڭ اۆتوكولىك قۇراستىرىلسا، ونىڭ 30 مىڭىن نەمەسە 92،9 پايىزىن جەڭىل كولىكتەر قۇراعان.

ال بيىل قازاقستاندىق اۆتوزاۋىتتار ورتاشا ەسەپپەن ايىنا 3،6 مىڭعا جۋىق كولىك قۇراستىرىپ جاتىر. بۇل ولارعا 2019 جىلدىڭ قورىتىندىسىندا شامامەن 43 مىڭ اۆتوموبيل شىعارۋعا مۇمكىندىك بەرەدى.

ايتا كەتەرلىگى، بيىل ساۋىردە 4 048، مامىردا 4 051 جانە شىلدەدە 4 064 اۆتوكولىك قۇراستىرىلعان بولاتىن.

«ازيااۆتو» مەن «سارىارقااۆتوونەركاسىپ» كاسىپورىندارى ەلىمىزدە شىعارىلعان ترەيلەر مەن جارتىلاي تىركەمەلەردى قوسا العان بارلىق اۆتوكولىك قۇرالدارىنىڭ 91،6 پايىزىن قۇراستىرعان. «سارىارقااۆتوونەركاسىپ» ءبىر جىلدىڭ ىشىندە ءوندىرىسىن ەكى ەسەگە جۋىق ارتتىرىپ، 13،1 مىڭ اۆتوموبيل قۇراستىردى. ونىڭ 12،3 مىڭى - جەڭىل كولىك. 2019 جىلدىڭ قاڭتار-تامىزىندا اۆتوكولىك قۇرالدارى، ترەيلەر مەن جارتىلاي تىركەمەلەر ءوندىرىسىنىڭ كولەمى ءبىر جىلدىڭ ىشىندە 117،8 ميللياردتان 197،9 ملرد تەڭگە جەتتى.

كولەمنىڭ جارتىسىنان كوبى «سارىارقااۆتوونەركاسىپ» اۆتوزاۋىتى ورنالاسقان قوستاناي وبلىسىنا تيەسىلى: 100،3 ملرد تەڭگە، 1 جىلداعى ءوسىم 2،2 ەسە. جالپى كولەمنىڭ شامامەن 42 پايىزى «ازيااۆتو»، «سەماز» جانە DaewooBus اۆتوزاۋىتتارى بار شىعىس قازاقستان وبلىسىندا: 82،8 ملرد تەڭگە. ونىڭ 69،2 ملرد تەڭگەسى «ازيا اۆتو» زاۋىتىنىڭ ەنشىسىندە. ال اقمولا وبلىسىندا ورنالاسقان «كامازينجينيرينگ» 8،7 ملرد تەڭگەنىڭ ءونىمىن شىعارعان.


كەلۋ قاينارى: http://www.elarna.net/koru.php?tur=3&id=1058265

پىكىرلەر:

juz dep sifirmen jazingiz.