كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23911458239 %61 %

كامەلەت جاسىنا تولماعان 70-تەن استام اقتوبەلىك قىز جۇكتى بولىپ قالدى


ءتۇرى: قازاقپارات جاڭالىقتارى

ۋاقىتى: 16:12 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

اقتوبە. قازاقپارات – اقتوبەدە ستۋدەنتتەر مەن دارىگەرلەر كەزدەسۋىندە ەرتە جۇكتىلىك، جاستار اراسىنداعى قىلمىس تۋرالى ايتىلدى، دەپ حابارلايدى قازاقپارات ءتىلشىسى.

كوللەدج ستۋدەنتتەرى بۇگىن پسيحولوگ، گينەكولوگ، پوليتسيا قىزمەتكەرى مەن دەرماتولوگ مامانعا اشىق سۇراق قويدى. ستۋدەنتتەرمەن كەزدەسۋ وبلىستىق دەنساۋلىق ساقتاۋ باسقارماسى مەن «اراسان اقتوبە» جشس ۇيىمداستىرۋىمەن ءوتتى. ستۋدەنتتەر ەرتە جۇكتىلىك، جاستار اراسىنداعى قىلمىس، شىلىم شەگۋدىڭ زيانى مەن ۇيالى بايلانىستىڭ اسەرى تۋرالى جان-جاقتى سۇراق قويدى.

«جىل وتكەن سايىن كامەلەتكە تولماعاندار اراسىنداعى ەرتە جۇكتىلىك ازايىپ كەلەدى. بۇل - قۋانتارلىق جاعداي. دەگەنمەن پروبلەما سول كۇيى قالىپ وتىر. ماسەلەن، ەستونيادا مۇنداي دەرەك مۇلدە تىركەلمەيدى. جاستار، جاسوسپىرىمدەر دارىگەرگە قارالىپ، كەڭەس الۋدان قورىقپاۋى ءتيىس. ءبىز ءمۇعالىم ەمەسپىز، ەشكىمگە جەكىپ، ۇرىسپايمىز. وبلىستا ساناۋلى عانا مامان بولعان سوڭ بارلىق ءجاسوسپىرىمدى باقىلاپ، قامتي المايمىز. سوندىقتان كەز كەلگەن ۋاقىتتا دارىگەردىڭ ەسىگى اشىق، ءبارى تەگىن. وبلىس بويىنشا كامەلەتكە تولماعان 70-تەن استام قىز جۇكتى بولىپ قالدى»، - دەدى بالالار مەن جاسوسپىرىمدەر گينەكولوگى سالتانات توبىلباەۆا.

كەزدەسۋ كەزىندە تۇرمىستىق زورلىق-زومبىلىق تۋرالى دا ايتىلدى. وبلىستا وتكەن توعىز اي ىشىندە 2993 تۇرمىستىق زورلىق-زومبىلىق تىركەلدى.

«9 ايدىڭ قورىتىندىسى بويىنشا 2993 تۇرمىستىق زورلىق-زومبىلىق دەرەگى تىركەلدى. وتكەن جىلى ءدال وسى كەزدە 2626 وقيعا بولعان. ياعني، ءوسىم بار. ايەلدەردى ۇرىپ-سوعۋ بويىنشا 502، ايەلدەرگە قاتىستى جاسالعان 259 قىلمىس تىركەلدى»، - دەدى اقتوبە وبلىستىق پوليتسيا دەپارتامەنتى ايەلدەردىڭ قۇقىعىن قورعاۋ جونىندەگى ينسپەكتور اقگۇل ەسەنعاليەۆا.


كەلۋ قاينارى: http://www.elarna.net/koru.php?tur=3&id=1058257

پىكىرلەر:

juz dep sifirmen jazingiz.