كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217284223 %77 %

"مەملەكەتتىك قولداۋ بايلار ءۇشىن..."


ءتۇرى: Ult.kz ۇلىت تورابى

ۋاقىتى: 16:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

اڭگىمە كاسىپكەرلىككە بەرىلەتىن جەڭىلدەتىلگەن نەسيە جايىندا. مىقتى كوكەڭ، قىمبات مۇلىگىڭ نە تابىستى بيزنەسىڭ بار ما؟ ەندەشە، مارحابات. ال، ءبارىن نولدەن باستاپ، وسىنداي دەڭگەيگە جەتكىڭ كەلە مە؟ وندا دەمال، باۋىرىم! جوق، ءبارىبىر دەگەنىمە جەتەم دەيسىڭ با؟ سەنى ابدەن شاپقىلاتادى، شامداندىرادى، شارشاتادى، اقىرى ءوز ەركىڭمەن دەمالۋعا ءماجبۇر بولاسىڭ. مەنىڭ تاجىريبەم سونداي.

رەت-رەتىمەن. بيزنەس اشپاق بولدىق. قاراپايىم وتباسىلىق بيزنەس. ءسويتىپ، ءبىر جىل بۇرىن قامدانا باستادىق. ال، جارتى جىل بۇرىن ناقتى ىسكە كىرىستىك. قولىمىزدا ازدى-كوپتى جيعانىمىز بار. وعان قوسىمشا جەڭىلدەتىلگەن شاعىن نەسيە الىپ، كاسىپكەرلىكتى ءبىر جولعا قويايىق دەگەن وي عوي. ءبىراق، كەيىنگىسى ءبىز سياقتى قاراپايىم ادامدارعا ارنالماعان ەكەن. ونىڭ يگىلىگىن تەك بايلار عانا كورە الادى. سايكەسىنشە، سونىڭ ارقاسىندا بايلار عانا باي بولا بەرەدى. نەگە؟ الگى نەسيەنى الۋ ءۇشىن قىمبات جىلجىمايتىن مۇلىگىنىڭ نە كرۋتوي بيزنەسمەن تۋىسىڭ بولۋ كەرەك. كەپىلدىك عوي بىلاي ايتقاندا. ال، ەگەر مەنىڭ قىمبات جىلجىمايتىن مۇلىگىم نە كرۋتوي بيزنەسمەن تۋىسىم بولسا، ماعان ول نەسيەنىڭ قاجەتى قانشا؟! سول جاقتان-اق كەرەگىمدى المايمىن با؟! ءبىراق، ونى مەملەكەتتىك باعدارلامانىڭ باسى-قاسىندا جۇرگەندەر تۇسىنبەيدى-اۋ. تۇسىنسە، بىردەن ايتپاي ما؟ جارناما دەگەن ۇرىپ تۇر ەندى. ءتىپتى، مەملەكەت ءوزى كەپىلدىك بولادى دەپ قويادى. وسىعان سەنىپ (اڭعال باسىم-اي) ءبىر جىل بۇرىن «دامۋ» قورىنىڭ ارنايى كۋرسىنان ءوتىپ، سەرتيفيكاتىن الدىق. الەۋمەتتىك ماڭىزى بار بيزنەس جوسپار قۇردىق. ونى كاسىپكەرلەر پالاتاسى ماقۇلدادى. جشس اشتىق. قۇجاتتارىن رەتتەدىك. شوتىنا اقشا سالدىق. پومەششەنيەمەن كەلىسىمكە وتىردىق. ۆووبششەم، ءتيىستى تالاپتاردى رەت-رەتىمەن ورىنداپ كەلىپ، بانككە ءوتىنىش بەرمەيمىز بە؟! «كونتسەرت» سول كەزدە باستالدى. كەپىل بولاتىن كاسىپكەر بولماسا، نەسيە جوق دەيدى. كاسىپكەرلەر پالاتاسىنا باردىق. ولار بۇعان قاتىسىمىز جوق دەيدى. «دامۋ» قورىنا باردىق. 85 پروتسەنت كەپىل بولا الامىز دەيدى. ءقايتىپ بانككە بارامىز. ءيا، «دامۋ» سويتە الادى، ءبىراق، ءبارىبىر، كەپىل بولاتىن كاسىپكەر اكەل دەيدى. الگى ەرتەگىدەگى شورتان، شايان جانە اققۋ سياقتى عوي. وسىلاي ءۇش تاراپتىڭ اراسىندا ونداعان كرۋگ جاسادىق. ءبىراق، نەسيەگە قول جەتپەدى. ۇكىمەت بانككە بەردى. كاسىپكەرلىكتى قولدا دەپ. بانك بىزگە بەرمەدى. كاسىپكەر تۋىس اكەل دەپ. ال، مەن تۇسىنبەي دالمىن. سوندايلىق كەپىل بولاتىن باي تۋىسىم نە تانىسىم بولسا، ماعان نەسيەنىڭ نە قاجەتى بار؟ مەملەكەتتىك باعدارلامانىڭ، كاسىپكەرلەر پالاتاسى مەن «دامۋ» قورىنىڭ نە قاجەتى بار؟ ولار ەندى وزدەرىن ەل يگىلىگىنە جۇمىس جاساپ جاتىرمىز دەپ ويلايتىن شىعار. باي تۋىسى بارلارعا نەسيە بەرەدى، ولاردىڭ بيزنەستەرىن كەڭەيتەدى، كەيىن جوعارعى جاققا ەسەپ بەرەدى. ال، «ادام» بولعىسى كەلەتىن قاراپايىم ادامدار شە؟ ولارعا شانس بار ما؟ مەن ءوزىم وسى الەۋمەتتىك توپتىڭ قاتارىندامىن جانە تابىستى ازامات بولۋعا، كاسىپكەرلىكتى دامىتۋعا، جاڭاشىلدىق اكەلۋگە دەگەن جەلانيە ۇرىپ تۇر. جاسپىن. ۋاقىتىم دا، قايراتىم دا جەتەدى. ءبىراق، قولىم قىسقا. ونى ۇزارتاتىن باعدارلاما بار، قولداۋ بار، مۇمكىندىك بار. ءبىراق، جەمە-جەمە كەلگەندە ەشتەڭە جوق. سرازۋ ي چەتكو ايتۋ كەرەك قوي. «بيزنەسى بار تۇلعانى تاپ نە قىمبات جىلجىمايتىن مۇلىك تاپ! ايتپەسە، قولداۋ جوق!» دەپ. سوندا ءبىز جانە ءبىز سياقتى «نولدەن» كاسىبىن باستاعىسى كەلگەندەر ءبىر جەرلەرىن قىسىپ، سول كۇيبەڭ تىرلىكپەن جۇرە بەرەر ەدى. ۇمىتتەنبەي...

ايتپاقشى، اناۋ جولى ۇكىمەتتە ۇلكەن جيىن بولدى جانە وسى كاسىپكەرلىككە بولىنگەن قارجى دۇرىس يگەرىلمەي جاتقانى ايتىلدى. ياعني، ونى جىل سوڭىنا دەيىن نەتىپ ءبىتىرۋ كەرەك. ال، ەندى نەتەيىك دەسەك، اقشا جوق دەيدى. بايلارعا بىلمەيمىن، ايتەۋىر، ءبىز سياقتىلارعا سونداي جاۋاپ. اقىرى قولدى ءبىر سىلتەپ، ىشىمنەن بۇرق-بۇرق ەتىپ بوقتاۋدان باسقا امال قالمادى. بۇيتكەن نەلەرىڭدى...

اسلان قاجەنوۆتىڭ فەيسبۋكتاعى جازباسىنان


كەلۋ قاينارى: http://www.elarna.net/koru.php?tur=53&id=1058250

پىكىرلەر:

juz dep sifirmen jazingiz.