كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

ادەبيەت سالاسى بويىنشا نوبەل يەگەرلەرى بۇگىن انىقتالادى ءبىز ءسىزدى جارقىن الەمگە جەتەلەيمىز! بىزگە قوسىل! ءبى


ءتۇرى: ماسساگەت ماقالالارى

ۋاقىتى: 15:15 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version. ادەبيەت سالاسى بويىنشا نوبەل يەگەرلەرى بۇگىن انىقتالادى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


ادەبيەت سالاسى بويىنشا نوبەل يەگەرلەرى بۇگىن انىقتالادى

بۇگىن ادەبيەت سالاسى بويىنشا نوبەل يەگەرلەرىنىڭ ەسىمدەرى جاريالانادى. وسى ءساتتى اسىعا كۇتكەن ءار ادەبيەت جاناشىرىنىڭ بۇل جىلعى ءۇمىتى تىم ەرەك. سەبەبى، بۇگىن ەكى بىردەي جازۋشى لاۋرەات اتانادى.

نەگە ەكەۋ؟

نوبەل پرەمياسى كوميتەتى 2018 جىلعى ماراپاتتاۋ ءراسىمىن وتكىزۋدەن باس تارتقان بولاتىن. ماسەلە پرەميانىڭ باسى-قاسىندا جۇرگەن بەدەلدى تۇلعانىڭ نازىك جاندىلارعا زورلىق-زومبىلىق كورسەتتى دەپ ايىپتالۋىندا ەدى.

بىر قىزىعى، وسى جاڭالىقتان كەيىن وعان بالاما ادەبي پرەميا تاعايىنداۋشى ۇجىم قۇرىلدى. ەرىكتىلەر بۇل قىلىقتارىن: "ادامي قۇندىلىقتاردىڭ ماڭىزى قالماعان زاماندا ادەبيەتكە باسا نازار اۋدارعان ءجون. ۇنسىزدىككە قارسى ەڭ كۇشتى قارۋ وسى ادەبيەت بولماق "،- دەپ ءتۇسىندىردى.
الدىمەن التەرناتيۆتى اكادەميا 4 اۆتوردان قۇرالعان شورت-ليست ۇسىندى. وندا جاپونيالىق حارۋكي مۋراكامي (مۋراكامي "نوبەلدەن" ەمەس، وسى ماراپاتتان باس تارتتى. بالكىم، كەيىن "وريگينالدى" بەرمەي قويا ما دەگەن ۇرەي بولعان شىعار، كىم بىلگەن؟!)، بريتانيالىق نيل گەيمان، فرانتسيالىق ماريز كوندە جانە كانادالىق كيم تحۋي ەسىمدەرى جازىلعان بولاتىن.
كەيىن "جاڭا اكادەميانىڭ" باستى ماراپاتىنا فرانتسۋز جازۋشىسى ماريز كوندە لايىق دەپ تانىلدى. ول گۆادەلۋپانىڭ تۋماسى. جيۋري اۆتوردىڭ ءوز شىعارماشىلىعى ارقىلى كولونياليزمنىڭ الەمدى قالاي وزگەرتكەنىن شەبەر جەتكىزگەنىن اتاپ ءوتتى.
ماريز كوندەنىڭ ەڭ تانىمال تاريحي روماندارىنىڭ ءبىرى "مەن، تيتۋبا: سالەمدىك قارا مىستان" دەپ اتالادى. ول XVIII عاسىردا باتىس افريكادا ورىن العان مىستانداردى جويۋ وقيعاسىن نەگىزگە العان.

بيىلعى بولجام قانداي؟

جالپى، نەگىزدى-نەگىزسىز فەمينيزم ءورشىپ تۇرعان زاماندا وسى ماسەلەنى تىم اسقىندىرىپ جەتكىزگەندى جاقسى كورەتىندەر 114 رەت ۇسىنىلعان ماراپاتتىڭ ء100-ىن ەر ادامدار العان دەپ، مۇنى ايەلدەرگە قاتىستى ادىلەتسىزدىككە بالاپ وتىر. وسىنى جانە بىلتىر ماراپاتتىڭ تابىستالماۋ سەبەبىن ەسكەرەتىن بولساق، بۇگىنگى لاۋرەاتتار تىزىمىندە كەم دەگەندە ءبىر نازىك جاندى قالامگەر ەسىمى اتالارى انىق.
اسىرەسە، كوپشىلىك مارگارەت ەتۆۋد كانديداتۋراسىن العا تارتادى. سەبەبى، ول فەمينيست بولۋىمەن قوسا، ءقازىر مەينستريمگە اينالعان ەكولوگيالىق ماسەلەلەرگە نازار اۋدارۋ قوزعالىسىن بەلسەندى قولداۋشى. ياعني، بار ماسەلەنىڭ شەشىمى ءبىر ادامدا توعىسىپ تۇرعانعا ۇقسايدى. قالاي بولعاندا دا، ناتيجەنىڭ شىعۋىن اسىعا كۇتەمىز.

ەستەرىڭىزگە سالا كەتەيىك، 2016 مەن 2017-دە ماراپاتتى بوب ديلان مەن كادزۋو يسيگۋرو العان بولاتىن. بۇلاردىڭ جەڭىمپاز اتانۋى دا داۋ-دامايسىز وتپەدى.
بۇل تۇستا بوب ديلاننىڭ مۋزىكانت ەكەنى كەي ادامداردىڭ، اسىرەسە، قالامگەرلەردىڭ ىزاسىن كەلتىردى. شۆەد اكادەمياسى سىيلىقتى وعان "ۇلى امەريكالىق ءان داستۇرىندە جاڭا پوەتيكالىق ءسوز ورنەكتەرىن سالعانى" ءۇشىن تابىستاعان بولاتىن. ال يسيگۋرونى كەي قالامگەرلەر ءوز تەگىنەن الشاقتاپ كەتكەن قاڭباققا بالاپ، ماراپاتقا لايىق كورمەدى.



كەلۋ قاينارى: http://www.elarna.net/koru.php?tur=41&id=1058228

پىكىرلەر:

juz dep sifirmen jazingiz.