كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23911458239 %61 %

تۇركىستاندا ينۆەستورلاردىڭ قۇقىقتارىن قورعاۋ بويىنشا جۇمىستار جۇرۋدە


ءتۇرى: قازاقپارات جاڭالىقتارى

ۋاقىتى: 15:03 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
تۇركىستاندا ينۆەستورلاردىڭ قۇقىقتارىن قورعاۋ بويىنشا جۇمىستار جۇرۋدە

تۇركىستان. قازاقپارات – تۇركىستان وبلىسىندا ينۆەستورلاردىڭ قۇقىعىن قورعاۋ باعىتىندا جۇيەلى جۇمىستار جۇرگىزىلۋدە، دەپ حابارلايدى قازاقپارات ءتىلشىسى.

ۇقساس جاڭالىقتار
الماتى وبلىسىندا ينۆەستورلاردى قولداۋ وڭىرلىك ءفرونت-وفيسى اشىلدى «احقو ينۆەستورلارى حالىقارالىق اپتالىعى» تۇركىستاندا باستالدى ينۆەستيتسيا تارتۋ جۇمىستارىن قاعازبەن ەمەس، ىسپەن جۇرگىزۋ كەرەك – وڭداسىن ورازالين

قازىرگى تاڭدا بيزنەستى قورعاۋ، قولايلى ينۆەستيتسيالىق جاعداي جاساۋ جانە كاسىپكەرلەر ءۇشىن سىبايلاس جەمقورلىق دەرەكتەرى بويىنشا قىسىمداردى تومەندەتۋدى وبلىستىق Cىبايلاس جەمقورلىققا قارسى ءىس-قيمىل دەپارتامەنتى جۇزەگە اسىرۋدا.

بۇگىندە قر Cىبايلاس جەمقورلىققا قارسى ءىس-قيمىل اگەنتتىگى مەن سىرتقى ىستەر مينيسترلىگى، سونداي-اق ينۆەستيتسيالار جانە دامۋ مينيسترلىكتەرى اراسىنداعى ىنتىماقتاستىق تۋرالى مەموراندۋم اياسىندا ەل ەكونوميكاسىنا ينۆەستيتسيالاردىڭ كەلۋىن جەڭىلدەتۋ، بيۋروكراتيا تارتىپتەرىن جانە سىبايلاس جەمقورلىق دەرەكتەرىن بولدىرماۋ ماقساتىندا «Protecting Business and Investments» جوباسىن جۇزەگە اسىرۋدا.

اتالعان جوباعا قاتىسۋعا نيەت بىلدىرگەن كاسىپورىندار قاتارىندا تۇركىستان وبلىسىندا ورنالاسقان «Golden Camel» جشس دە بار. بىرنەشە اي بۇرىن قۇرعاق تۇيە ءسۇت ونىمدەرىن وڭدەيتىن زاۋىتقا بەلگىسىز تۇلعالار تۇركىستان وبلىسى ەكولوگيا دەپارتامەنتىنەن تەكسەرۋ تاعايىندالعانىن ايتىپ، تەكسەرىس جۇمىستارىن جۇرگىزبەك بولعان. الايدا، ورەسكەل قۇقىق بۇزۋشىلىقتارمەن تاعايىندالعان تەكسەرىسكە كۇدىكتەنگەن سەرىكتەستىك باسشىلىعى كەلىسىمشارتقا وتىرعان «Protecting Business and Investments» جوبالىق كەڭسەسىمەن بايلانىسىپ، جەدەل تەكسەرۋ تاعايىنداعان مەملەكەتتىك ورگانعا حابارلاسقان. ناتيجەسىندە اقپاراتتىق تالداۋ جۇمىستارى جۇرگىزىلىپ، اتالعان تەكسەرۋ دەپارتامەنت تاراپىنان تاعايىندالماعانى جانە تەكسەرۋ جۇمىسىن جۇرگىزۋگە كەلگەن ازاماتتار الاياقتار ەكەنى انىقتالدى.

وسىنداي وقيعا وڭىردەگى «دجون بان مەتالل پروم» جشس-ىندە دە ورىن العان. بۇل مەكەمە جۇمىسىنا كوشى-قون پوليتسيا تاراپىنان تەكسەرىس جۇمىستارى جۇرگىزىلگەندىگى جانە زاڭدى تۇردە رەسپۋبليكا اۋماعىندا جۇرگەن شەتەل ازاماتتارىنىڭ قۇجاتتارىن الىپ كەتكەنى تۋرالى اقپارات كەلگەن. اتالعان اقپاراتتى سەرىكتەستىك قىزمەتكەرلەرى جوبالىق كەڭسەگە جەتكىزىپ، تەز ارادا زاڭسىز الىنعان قۇجاتتار يەلەرىنە قايتارىلدى. بۇگىندە جوبالىق كەڭسە قىزمەتكەرلەرى قۇقىق جانە زاڭ بۇزۋشىلىقتارعا جول بەرمەۋ ماقساتىندا وبلىستاعى بارلىق بيزنەس سۋبەكتىلەرىن بىرىگە جۇمىس ىستەۋگە شاقىرىپ وتىر.

ايتا كەتەيىك، اتالعان جوبا بويىنشا كەلىسىم شارتقا قول قويعان كاسىپكەرلەرگە قازاقستان اۋماعىندا اپتاسىنا 7 كۇن، تاۋلىگىنە 24 ساعات سىبايلاس جەمقورلىق دەرەكتەرىنەن 100 % قورعاۋعا كەپىلدىك بەرەدى. جالپى تۇركىستان وبلىسى قۇرىلعان ساتتەن باستاپ، 405 ملرد تەڭگە بولاتىن 15 ءىرى ينۆەستورمەن كەلىسىم شارتقا قول قويىلعان.


كەلۋ قاينارى: http://www.elarna.net/koru.php?tur=3&id=1058225

پىكىرلەر:

juz dep sifirmen jazingiz.