كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221249412632 %68 %

ءقادىر ءتۇنىن كۇتسەك 83 جىلدىق قۇلشىلىقتان بوسايمىز با؟ – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 15:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.ءقادىر ءتۇنىن كۇتسەك 83 جىلدىق قۇلشىلىقتان بوسايمىز با؟ – Sunna.kz

بۇگىندە كەيبىرەۋلەر، «قۇراندا ءقادىر ءتۇنىن قۇلشىلىقپەن وتكىزگەن ادامعا 83 جىلدىڭ نەمەسە 1000 ايدان ارتىق ۋاقىتتىڭ ساۋابى جازىلادى دەلىنىپتى. سول ءبىر ءتۇندى جاقسىلاپ وتكىزسەك بولدى ەمەس پە؟» دەگەن قاتە تۇسىنىككە ۇرىنىپ جاتادى.

بۇل كوزقاراستىڭ استارىندا جىلىنا ءبىر رەت ءقادىر ءتۇنىن قاستەرلەپ وتكىزىپ، جىلدىڭ قالعان ۋاقىتتارىندا پارىز قۇلشىلىقتاردى ورىنداماسا بولادى دەگەن وي جاتقان سەكىلدى. ارينە، بۇل ءدىندى دۇرىس تۇسىنبەۋدەن نەمەسە دىندەگى مىندەتتى (پارىزدى) موينىنا العىسى كەلمەۋدەن تۋىنداپ وتىرعان جاعداي. ويتكەنى، دىندەگى بەس پارىزدىڭ ۇكىمى كوپتەگەن ايات، حاديستەر نەگىزىندە ناقتى بەكىتىلگەن. ال، ءقادىر ءتۇنىن قۇلشىلىقپەن وتكىزۋدىڭ ۇكىمى – ءمۇستاحاب. جاقسى نيەتپەن ءقادىر ءتۇنىن كۇزەتكەن ادام اللانىڭ قالاۋىمەن مول ساۋاپقا بولەنەدى.

قادىر ءتۇنىن كۇزەتپەگەن ادام كۇناكار بولمايدى. ياعني، ءقادىر ءتۇنىن كۇزەتكەن كىسىگە مىڭ ايدىڭ ساۋابى بەرىلەدى دەگەندىك، مىڭ ايلىق پارىز قۇلشىلىعىن ورىنداماي-اق قويسا بولادى دەگەندى بىلدىرمەيدى. قاسيەتتى قۇراندا:

«قادىر ءتۇنى مىڭ ايدان دا ءقادىرلى» («قادىر» سۇرەسى، 3-ايات) دەلىنسە،

اللا ەلشىسى ءﷺ بىر حاديسىندە:

«رامازان ايىندا مىڭ ايدان قايىرلى بولعان ءبىر ءتۇن بار. كىمدە-كىمدە سول ءتۇننىڭ جاقسىلىعىنان ماقۇرىم قالسا، كوپ نارسەدەن ماقۇرىم قالعانى» (يبن ءماججا) دەلىنەدى.

بۇل ايات، حاديستەردى عالىمداردىڭ كوزقاراسى نەگىزىندە قىسقاشا تۇسىندىرە كەتەر بولساق، تانىمال ءتاپسىرشى عالىم م.حامدي يازار:

«ايات، حاديستەردە كەلگەن ءقادىر ءتۇنىنىڭ مىڭ ايدان ارتىقتىعى جايلى ءسۇيىنشى حابارلاردى يبن ءجارير ايتقانداي، ء«قادىر ءتۇنى جاسالعان قۇلشىلىق ءقادىر ءتۇنى بولماعان مىڭ ايدان ارتىق» دەپ ءتۇسىنۋ كەرەك. مۇنىڭ ءوزى سوڭعى پايعامبارعا جانە ونىڭ ۇممەتىنە كورسەتىلگەن مول كەڭشىلىگى»[1]، — دەيدى.

ياعني، ءقادىر ءتۇنى ءناسىپ بولماعان بۇرىنعى ۇممەتتەردىڭ مىڭ ايعى ۋاقىتىنان ءقادىر تۇنگى قۇلشىلىقتىڭ ساۋابى ارتىق دەگەن ماعىناعا كەلەدى. ءاربىر مۇسىلمان رامازان ورازاسىن ۇستاپ، قادىر-حالىنشە ءقادىر ءتۇنىن ساۋاپتى ەتىپ وتكىزۋگە تىرىسادى. ياعني، 83 جىل بويى ءقادىر ءتۇنىنىڭ قادىرىنە جەتپەي، ومىردەن ءوتىپ كەتەتىن مۇسىلمان وتە از.

سول سەبەپتى، بۇل بۇرىنعى ۇممەتتەر مىڭ جىل بويى اللاعا قۇلشىلىق ەتىپ، ساۋاپتى ءىس جاساعان بولسا، عۇمىرى شەكتەۋلى مۇسىلمان ۇممەتىنىڭ ساۋاپتى ىستە ولاردان كەمىپ قالماۋى ءۇشىن ء«قادىر ءتۇنى» مۇسىلمان ۇممەتىنە تارتۋ ەتىلگەن اللانىڭ ءبىر سىيى دەپ ۇققان ءجون. سونىمەن قاتار، ءبىر تۇنگى ساۋاپتى امالدىڭ 1000 ايعى ساۋاپتى امالدان ارتىق دەلىنۋى ناقتى ءبىر ولشەمدى بىلدىرمەيدى.

بالكي، اللانىڭ قالاۋىمەن ءقادىر ءتۇنى ۇزاق ۋاقىت ەڭبەكتەنىپ تابا المايتىن ەسەپسىز ساۋاپتىڭ بەرىلەتىنى ايتىلىپ تۇر. سەبەبى، كوپ جاعدايدا قازاق حالقىنىڭ، «مىڭ العىس»، «مىڭداعان اسكەر» جانە «مىڭعىرعان مال» دەگەن سىندى سوزدەردەگى «مىڭ» ءسوزى كوپتىك ماعىنادا قولدانىلعانى ءتارىزدى اراب تىلىندەگى «مىڭ» ءسوزى دە كوپتىك ماعىنادا كەلگەن. قورىتا ايتار بولساق، يسلام عۇلامالارىنىڭ ەشبىرى، ءقادىر ءتۇنىن قۇلشىلىقپەن وتكىزۋدى – مىڭ ايلىق پارىز قۇلشىلىقتىڭ ورنىن تولتىرادى دەمەگەن.

سوندىقتان، ءقادىر ءتۇنىن كۇزەتۋدىڭ، ونى قۇلشىلىقپەن وتكىزۋدىڭ ۇكىمى – ءمۇستاحاب (ياعني، ەرىكتى امال). ال، دىندەگى بەس پارىزدىڭ ۇكىمى – پارىز. ونىڭ ءاربىرىنىڭ ورىندالاتىن ۋاقىتتارى، شارتتارى بار. اركىم مىندەتتى بولعان پارىز قۇلشىلىقتارىن شارتتارعا ساي اتقارعاندا عانا موينىنان پارىزدىعى تۇسپەك. سول سەبەپتى، مۇسىلماننىڭ ءومىر بويى ورىنداۋعا مىندەتتى بولعان پارىز قۇلشىلىقتارى مەن ەرىكتى ەتىلگەن ءقادىر ءتۇنىن قۇلشىلىقپەن وتكىزۋدى بىر-بىرىمەن شاتاستىرۋعا استە بولمايدى.

سامەت وقانۇلى


كەلۋ قاينارى: http://www.elarna.net/koru.php?tur=18&id=1058222

پىكىرلەر:

juz dep sifirmen jazingiz.