كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

الماتىدا ااك-تى زاڭسىز العاندار 3،4 ملن تەڭگەنى مەملەكەتكە قايتاردى


ءتۇرى: قازاقپارات جاڭالىقتارى

ۋاقىتى: 14:54 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
الماتىدا ااك-تى زاڭسىز العاندار 3،4 ملن تەڭگەنى مەملەكەتكە قايتاردى

الماتى. قازاقپارات – الماتى قالالىق الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەبايۇلى اتاۋلى الەۋمەتتىك كومەكتى زاڭسىز العان وتباسىلار اقشانى مەملەكەتكە قايتىرىپ جاتقانىن جەتكىزدى، دەپ حابارلايدى قازاقپارات ءتىلشىسى.

ۇقساس جاڭالىقتار
وتباسى مۇشەسى جۇمىسقا ورنالاسۋدان باس تارتسا ااك تولەنبەيدى – مينيستر اتاۋلى الەۋمەتتىك كومەكتى تولەۋ شارتتارى قايتا قارالادى ااك تولەۋدىڭ جاڭا زاڭ جوباسىن اي سوڭىندا پارلامەنتكە ەنگىزۋ جۇكتەلدى

«ااك الاتىندارعا تامىز-قىركۇيەك ايلارى تولىق تولەندى. وعان كەپىلدىك بەرە الامىن. بۇگىنگى تاڭدا الەۋمەتتىك كومەكتى زاڭسىز العاندار اقشانى مەملەكەتكە قايتارىپ جاتىر. ناقتىراق ايتسام، 3،4 ميلليون تەڭگە كەرى قايتارىلدى. باستاپقىدا ەسكەرتۋ جاسايمىز، ادامدارعا كىرىستەرىن جاسىرعاندىقتارىن ايتىپ، زاڭسىز العان اقشانى مەملەكەتكە قايتارىپ بەرۋى تيىستىگىن تۇسىندىرەمىز. سودان كەيىن سانايمىز، سوماسىن ايتامىز. ءوز ەركىمەن قايتارعاندارعا تۇبىرتەك بەرىلەدى. ەگەر بۇل ءوز ەركىمەن جاسالماسا، وندا بارلىق ماتەريالدار سوتقا جىبەرىلەدى»، - دەدى ول.

بۇگىن وتكەن بريفينگتە ايتىلعان مالىمەتتەرگە سۇيەنسەك، الماتىدا 11 مىڭنان استام وتباسىعا ااك تاعايىندالعان. الايدا، قايتا تەكسەرۋدىڭ ناتيجەسى بويىنشا 634 جانۇياعا تولەمدەر توقتاتىلدى. سەبەبى، ولاردىڭ تۇرمىستىق جاعدايى كەدەيلىك شەگىنەن اسىپ كەتكەن.

«سونىمەن قاتار، قالادا تۇرمايتىن بالالاردى انىقتادىق. ءبىلىم مينيسترلىگىنىڭ حابارلاۋىنشا، ولار ەلىمىزدىڭ باسقا ايماقتارىندا ءبىلىم الۋدا. سوندىقتان ءبىز قازاقستاننىڭ وزگە وبلىستارىندا ءبىلىم الاتىن 597 بالاعا تولەماقىنى توقتاتتىق. سونداي-اق، ااك الاتىن جەكە كاسىپكەرلەرمەن دە جۇمىس جۇرگىزىلدى. ولاردىڭ ىشىندە 186 جەكە كاسىپكەردىڭ تابىسىن ەسكەرە وتىرىپ، ااك تولەۋدى توقتاتتىق»، - دەپ اتاپ ءوتتى دانيار الكەبايۇلى.

بۇعان دەيىن، ول ااك تولەۋدىڭ جاڭا تەتىكتەرى تۋرالى ايتقان بولاتىن.


كەلۋ قاينارى: http://www.elarna.net/koru.php?tur=3&id=1058216

پىكىرلەر:

juz dep sifirmen jazingiz.