كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23982481239 %61 %

ءبىز قاندايمىز؟ — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 14:28 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

كۇللى الاش جۇرتىنىڭ داڭقتى پەرزەنتى، كۇرەسكەر تۇلعالى كەمەڭگەر اقىنى – ماعجان جۇماباەۆ. «اقىننىڭ اقىنى» اتانعان ويشىل قالام يەسى بولاشاق جايلى ءجيى وي قوزعايتىن. بار بولعانى قىرىق بەس جىل عۇمىر كەشكەن ۇلت پەرزەنتى بارلىق تاقىرىپتا ولەڭ مەن وي-تولعاۋلار جازعان اسا كورنەكتى داۋىلپاز ازامات ەكەنى داۋسىز.

تار زامان، تايعاق كەشۋدە عۇ­مىر كەشكەن ۇلى بابامىز بار­لىق ارمان-تىلەگىن كەلەشەككە ارتىپ، بولاشاق جاستاردان عانا ءۇمىت كۇتكەن سەكىلدى.
«ارىستانداي ايباتتى،
جولبارىستاي قايراتتى،
قىرانداي كۇشتى قاناتتى –
مەن جاستارعا سەنەمىن» دەگەن ولەڭ جولدارىنان ۇلكەن عۇلاما­لىقتى بايقايمىز. ءبىزدىڭ ويىمىزشا، ولمەس ولەڭ جازىپ، ايلار، جىلدار وتسە دە قۇندىلىعىن جويمايتىن جىرلاردى ەسكەرتكىش ەتىپ قالدىرۋ ناعىز اقىننىڭ باقىتى بولسا كەرەك.
«جۇمساق مىنەز جىبەكتەر،
سۇتتەي تازا جۇرەكتەر،
قاسيەتتى تىلەكتەر –
مەن جاستارعا سەنەمىن!». اق نيەتتى، پاك تىلەكتى جالىنداعان جاستار قاۋىمى ۇلتىمىزدىڭ كەمەل كەلەشەگىنىڭ يەسى ەكەندىگىن ءاردايىم ەستە ۇستاۋ قاجەت ەكەنىن ەسكەرتەدى. ماعجان كەلەشەك جاستاردىڭ مەيى­رىم­ مەن قايىرىمعا بولەنگەن تاماشا مىنەزىن، انانىڭ اق سۇتىنەن ءنار العان كىر شالماعان تازا جۇرەگىن، جەكە مۇددە مەن جالقى پەندەلىكتەن اۋلاق قاسيەتتى تىلەگىن ارماندايتىنىن اڭعارتىپ وتەدى.
«الاش – ايبىندى ۇرانى،
قاسيەتتى قۇرانى،
الاشتىڭ ولار قۇربانى،
مەن جاستارعا سەنەمىن!». كورىپ وتىر­عانىمىزداي، م.جۇماباەۆ كە­لەشەك ۇرپاقتى تار ورىستىلىكتەن اۋلاق بولىپ، قازاق حالقىنىڭ، الاش جۇرتىنىڭ ايشىقتى ازاماتى بولۋعا باعدار كورسەتەدى. اللانىڭ حاق ­جولىنان اداسپاي، قاسيەتتى قۇراندى قورعان ەتىپ، يماني جولدان تايماۋعا ۇندەيدى. كەرەك دەسەڭىز، ۇلتتىڭ ۇلى مۇراتى جولىندا باسىن بايگەگە تىگىپ قۇربان بولۋدان دا قايمىقپاۋعا شاقىرادى. نە دەگەن ازاماتتىق ءھام قايراتكەرلىك! بۇل – ەلىن، وتانىن جۇرەكپەن ءسۇيۋدىڭ شىنايى ۇلگىسى.
الدىڭعى بۋىنعا مۇراگەر، كەيىنگى بۋىنعا بۇيداگەر بولۋ ۇلت تۇ­تاستىعىنىڭ ۇزىلمەس ارقاۋى. الاش ارداگەرلەرىنىڭ بالدىرعان جاس كەزدەرىندە-اق الەمدىك ويشىلدارمەن تەڭ تۇرعان بيىك تۇلعاسى ۋاقىت وتكەن سايىن اسقاقتاي تۇسەتىنى ءبىزدى تاڭعالدىرادى.
ءححى عاسىردا ءومىر ءسۇرىپ، دامىعان وركەنيەتتىڭ قايناعان ورتاسىندا جۇرگەن ءبىز سەكىلدى جاستاردى ­«با­بالار­ باعىندىرعان بيىكتىڭ، ولار جەتكەن تەرەڭدىكتىڭ قاي دەڭگەيىندە ءجۇرمىز؟» دەگەن ساۋال مازالايتىنى­ شىندىق. كۇرمەۋى كوپ كۇردەلى قوعامدا الدىمەن ەل قامىن ويلاۋ – بىزگە سىن.
ماعجان جىرلارىن وقىپ وتى­رىپ،­ ء«بىز قاندايمىز؟ الدامشى­ سەزىمنىڭ جەتەگىندە كەتىپ، ۇلتتىق رۋحتان كوز جازىپ قالمادىق پا؟» دەگەن­ اۋىر ويمەن قامىعىپ قالامىز.
«مەن سەنەمىن جاستارعا،
الاش اتىن اسپانعا،
شىعارار ولار ءبىر تاڭدا،
مەن جاستارعا سەنەمىن!» دەگەن بابالاردىڭ اسىل مۇراتىن تۋ ەتىپ كوتەرىپ، زامانا اۋانىن قاپىسىز مەڭگەرىپ، الاش جۇرتىنىڭ ماقتان ەتەرلىك ۇلاعاتتى ۇرپاعى بولا الساق قانا، الاش قايراتكەرلەرىنىڭ بىزدەن كۇتكەن ءۇمىتىنىڭ اقتالعانى دەپ بىلەمىن. جاس دوستارعا ايتارىم، ەلى ءۇشىن ەڭبەك ەتەر، مۇراتقا تالماي جەتەر، بالعىن بالا شاقتان نۇرلى بولاشاققا جارقىن قادام جاسايتىن ەگەمەندى ەل ەرتەڭى بىزدەر ەكەنىمىزدى ءارقاشان جادىمىزدا ساقتايىق، تاۋەلسىز ەلدىڭ ۇلاندارى!

شۋاق قايراتقىزى


كەلۋ قاينارى: http://www.elarna.net/koru.php?tur=9&id=1058199

پىكىرلەر:

juz dep sifirmen jazingiz.