كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23731402038 %62 %

«نەۆادا-سەمەي» قوزعالىسىنا 30 جىل — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 14:21 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

جۋىردا نۇر-سۇلتان قالا­سىندا «نەۆادا-­سەمەي» حالىقارالىق انتيادرولىق قوزعالىسىنىڭ 30 جىلدىعىنا ارنالعان حالىقارا­لىق عىلىمي-پراكتيكالىق كونفەرەنتسيا ءوتتى. جيىننىڭ كىرىسپە ءسوزىن «نەۆادا-سەمەي» حالىقارالىق انتيادرو­لىق قوزعالىسىنىڭ جەتەكشىسى، قر مادەنيەت جانە سپورت مينيسترلىگىنىڭ يۋنەسكو قامقورلىعىنداعى حالىقارالىق مادەنيەت­تەردى جاقىنداستىرۋ ورتالىعىنىڭ ديرەكتورى­ ولجاس سۇلەي­مەنوۆ اشتى. قازاقستان رەسپۋبليكاسى مادەنيەت جانە سپورت ءمينيسترى اقتوتى رايىمقۇلوۆا ءسوز سويلەپ، ەلباسى ن.نازارباەۆتىڭ قۇتتىقتاۋىن تابىستادى.

القالى باسقوسۋعا كوپتەگەن ­تانىمال مەيماندار كەلىپ، بايانداما­ جاسادى. اتاپ ايتقاندا، الماتى قالاسىنداعى يۋنەسكو­ كلاستەرلىك بيۋروسىنىڭ ديرەكتورى كريستا پيككات، نوبەل سىيلىعىنىڭ لاۋرەاتى ارۋن ­ميترا، ­نەۆادا-سەمەي حاق بەلسەندىسى رەناتو­ يوسكا، مادەنيەتتانۋشى مۇرات اۋەزوۆ جانە ت.ب. ازاماتتار ءسوز سويلەدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ «نەۆادا-سەمەي» ­جاستار ۇيىمىنىڭ جەتەكشىسى گۇلجانات باقىتقىزى «نەۆادا-سەمەي» جاستار ۇيىمىنىڭ قىزمەتى جونىندە ايتتى. ۋنيۆەرسيتەتتە يادرولىق قارۋدى سىناۋدىڭ سالدارى بويىنشا جۇرگىزىلىپ جاتقان جۇمىستارعا توقتالدى. قوزعالىس بۇكىل ادامزات ءۇشىن رادياتسيالىق جانە ەكولوگيالىق قاۋىپسىزدىكتىڭ ءوسىپ كەلە جاتقانىنا، ونىڭ قاتەرىنە الاڭداۋلى جانە دە الەم مەن الەمدىك ءتارتىپتى قۇرۋعا ءوز ۇلەستەرىن قوسۋعا دايىن ەكەنىن جەتكىزدى. سونداي-اق ولار قازاقستان جاستارىن عانا ەمەس، بۇكىل دۇنيەجۇزىنىڭ دە جاستارىن زورلىق-زومبىلىق پەن قاۋىپ-قاتەردەن ازات الەم ءۇشىن كۇرەسكە تارتۋدىڭ باستى مىندەتى دەپ سانايدى.
ايتا كەتەيىك، ءبىزدىڭ ەل ءۇشىن جانە بۇكىل الەم ءۇشىن بۇل ءىس-شارانىڭ ماڭىزى زور. كونفەرەنتسيانىڭ ماقساتى – مادەنيەتتەردى جاقىن­داستىرۋ، يادرولىق قارۋعا قارسى الەمدىك سانانى قالىپتاستىرۋ، بەيبىت الەم يدەيا­لارىن تاجىريبە جۇزىندە ىسكە اسىرۋ بولدى. «نەۆادا-سەمەي» حالىقارالىق انتيادرولىق قوزعالىسى قازاقستاننىڭ العاشقى قوعامدىق ۇيىمى، جەر شارىنداعى ەڭ بەدەلدى جانە ءتيىمدى بىتىمگەرشىلىك ۇيىمى. قوزعالىس مۇنداي جەتىستىككە الەمدە العاش رەت حالىقتىق جانە پارلامەنتتىك ديپلوماتيانىڭ ءوزارا ارەكەتتەسۋى – جالپى قارۋسىز­دانۋ جولىنداعى العاشقى ناقتى قادامدى، ەڭ ۇلكەن پوليگونداردا يادرولىق سىناقتاردى توقتاتۋ ارقىلى قول جەتكىزدى.

ارۋجان تانابەك


كەلۋ قاينارى: http://www.elarna.net/koru.php?tur=9&id=1058195

پىكىرلەر:

juz dep sifirmen jazingiz.