كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

«انا تىلىنە» قولداۋ كورسەتەيىك! — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 14:14 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

«انا ءتىلى» باسىلىمىن قولىما السام الىستاپ كەتكەن سول ءبىر ۋاقىت كينو تاسپاسىنداي كوز الدىما كەلەدى.
رەسپۋبليكالىق «قازاق ءتىلى» قوعامى (پرەزيدەنتى ءابدۋالي قايدار) ومىرگە كەلگەن سوڭ، جەر-جەردە وبلىستىق، اۋداندىق، اۋىلدىق ۇيىمدارى قۇرىلا باستادى. ءبىزدىڭ الماتى وبلىسى ۇيعىر اۋدانىندا دا تىكەلەي قۇدايبەرگەن جىلقىبايۇلىنىڭ باستاماسىمەن اۋداندىق «قازاق ءتىلى» قوعامى ەلىم، جەرىم دەگەن ازاماتتاردىڭ قولداۋىمەن قۇرىلدى.

مەن قوعامنىڭ جاۋاپتى حاتشى­لىعىنا سايلاندىم. ۇيىمنىڭ شتاتىندا ەسەپشى ەكەۋمىز عانا. سودان بولار، ات­قارىلاتىن ايلىق، توقساندىق، جىلدىق جوسپاردى جاساۋ، تىلگە، دىنگە قاتىستى مادەني ءىس-شارالار وتكىزۋ، جەرگىلىكتى ۇيىمدارعا باعىت-باعدار بەرۋ، بايىرعى اتا-بابالار ەسىمىن، جەر-سۋ اتتارىن قايتارۋعا ۇسىنىس، قاتىناس جازۋ دەيسىز بە، بارلىعى مەنىڭ موينىمدا بولدى. ءبىر تولاسسىز قاربالاس باستالدى دا كەتتى. ۋاقىتپەن ساناسپاي ءتىلىم، ۇلتىم، جەرىم دەپ، الاشاپقىن بولامىز دا جۇرەمىز. جەتپىس جىل بويى سىرەسىپ قالعان كەڭەستىك قاعيدا ەركىن ەركىندىككە جىبەرگىسى كەلمەيدى. ول از بولعانداي، قاتىپ قالعان جۇيەدەن اجىراعىسى كەلمەگەن جەرگىلىكتى بيلىكتىڭ قۇقايى دا از بولعان جوق. ءايتىس-تارتىس…تىلىم، ءداستۇرىم، جەر اتاۋى دەپ جۇرگەن ءبىر توبىمىزدىڭ «ۇلتشىلدار» اتالىپ جۇرگەن كەزىمىز سول تاۋەلسىزدىكتىڭ العاشقى جىلدارى بولاتىن…
سونىمەن، 1990 جىلى رەسپۋبليكا­لىق قوعام قۇرىلتايىندا گازەت اشۋ ماسەلەسى قوزعالدى. ات قويۋدا اركىم ءار جاققا تارتتى. ارتىنان ءبارى ءبىر مامىلەگە كەلىپ، «انا ءتىلى» اتاۋىنا توقتالدى. رەسپۋبليكالىق «قازاق ءتىلى» قوعامىنىڭ ورگانى «انا ءتىلى» گازەتىن بۇقاراعا ناسيحاتتاۋ، جازدىرۋ ماسەلەسى الدىمىزعا قويىلدى. سوندا مەن اۋدانىمىزداعى بار قازاق وتباسىنىڭ ۇيىنە كىرىپ، «انا ءتىلى» گازەتىن تاراتىپ، ناسيحاتتاعان كۇندەرىم بولعان. ونىڭ سىرتىندا ۇلتشىل ازاماتتار مەن مەملەكەتتىك تىلگە شىنايى قولداۋ بىلدىرگەن وزگە ۇلت وكىلدەرىنىڭ ­جازىلۋىنا سەبەپكەر بولدىم. وسى گازەتتى تاراتۋ مەن ­ناسيحاتتاۋدا جەرگىلىكتى ۇيىم باسشىلارى شىرىندىق سەرىك ورازاليەۆ،­ جاقسىلىق ىسقاقوۆ، تاسقاراسۋلىق كادىربەك وڭايباەۆ، تيىرمەندىك باقىت بۇلعيەۆ، داردامدىلىق قىزىر ساتىمقۇلوۆ، كىشىديحاندىق د­ىبىر اتىباەۆ،­ ۇلكەنديقاندىق ­بوتان شورماقوۆ، قالجاتتىق راقىمعالي جەتپىسوۆتەردىڭ ەڭبەكتەرىن ەرەكشە اتاۋعا بولادى. ءوزىم دە ءتۇرلى كەدەرگى جاساعاندارعا نارازىلىق ءبىلدىرىپ، ء«ۇي ىشىنەن ءۇي تىككەندەر»، «تىلگە قارسىلىق – مەملەكەتكە قارسىلىق!»، «مەملەكەتتىك ءتىلدى مەنسىنبەيتىندەر»­ ­دەگەن سەكىلدى كوپتەگەن سىن ماقالالارمەن قاتار، ءتىل، ءسالت-داستۇر، ۇلت ونەرى، بايىرعى جەر-سۋ، ەلدى مەكەن اتاۋلارى تۋرالى قوعامدىق ءتىلشى رەتىندە تالاي ماقالالار دا جازدىم.­

گازەت تارالىمىنىڭ دا مىڭ-مىڭداپ ەسەلەنە تۇسكەنىن سول كەزدەگى وقىرمان جاقسى بىلەدى.
ءيا، گازەت سودان بەرى دە سان اسۋلاردى ارتقا تاستادى. تالاي وزگەرىستەر بولدى. باسىلىمنىڭ ءجۇز مىڭداعان دانامەن تاراعانىن كوزىمىز كوردى. بۇگىن دە «انا ءتىلى» ۇلتتىق باق كەڭىستىگىندە ەڭ الدىڭعى قاتاردا كەلەدى. ماعان «كەشەگى وتپەلى قيىن كەزەڭدە دە رۋحاني بايلىعىمىزدان قول ۇزبەگەن ەدىك قوي. بۇگىنگى ەل ەڭسەسىن تىكتەپ جاقسارعان زاماندا نەگە ۇلت گازەتىنە جازىلۋعا قاۋقارلى ەمەسپىز؟» دەگەن وي كەلەدى. بۇگىنگى تاڭداعى گازەتتىڭ باعىت-باعدارى كوڭىل قۋانتارلىق. قاي ماقالاسىن وقىساڭ دا، وقىرمان قىزىعۋشىلىعىن ارتتىرىپ كەلەدى. بۇل گازەتتەن كوكەيدە جۇرگەن بارلىق دۇنيەلەردى وقۋعا بولادى. باسقاسىن ايتپاعاندا، ءبىر عانا «اشىلماعان ارال­دار»،­ «اكەسى جاقسى قانداي-دى»، «اشيدى­ جانىڭ…» ايدارلارىنىڭ ءوزى نە تۇرادى! «انا ءتىلىنىڭ» ­سۇح­­باتىن»­ اپتا سايىن اسىعا كۇتە­مىن. وقىرماندارعا ارنالعان «جەلتوقسان – 175» بەتى دە انا ءتىلىمىزدىڭ جوق-جىتىگىن تۇگەندەۋ ءۇشىن اشىلعانى داۋسىز. سوڭعى كەزدەرى ارنايى سپورت بەتى بەرىلە ­باستادى. ال ادەبي شىعارمالاردىڭ ءجونى ءوز الدىنا. ايتپاقشى، مەن وقىعان گازەتتەرىمدى («انا تىلىنەن» باسقاسىن دا) جيناپ قويامىن دا، ءوزىم بىلەتىن گازەت جانكۇيەرلەرىنە جىبەرەم. ول ودان ءارى مال باققان وقىرمانعا جەتكىزىلىپ، سولار وقيدى. جازىلۋعا مۇمكىندىك بولماسا نەگە وسىنداي ءتاسىلدى قولدانباسقا. قازىرگى «انا ءتىلىنىڭ» ءىشى تۇنىپ تۇرعان ۇلتتىق قازىنا! دانالارىمىزدىڭ ء«تىلى جوعالعان ۇلتتىڭ، ءوزى دە جوعالادى» دەگەنىن ۇمىتپايىق. ءتىل – اسىل قازىنامىز. سوندىقتان ءتىل ماسەلەسىن، وزگە دە وزەكتى تاقىرىپتاردى جان-جاقتى قوزعاپ جۇرگەن «انا تىلىنە» قولداۋ كورسەتەيىك. وعان كوپ بولىپ جازىلايىق!

قۋانىشبەك قوجاحمەت،
جۋرناليست

الماتى وبلىسى
ىلە اۋدانى


كەلۋ قاينارى: http://www.elarna.net/koru.php?tur=9&id=1058189

پىكىرلەر:

juz dep sifirmen jazingiz.