كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217284223 %77 %

قىزمپۋ. «قازاق تىلىندەگى 100 جاڭا وقۋلىقتى» تالقىلاۋ ەستافەتاسى


ءتۇرى: تۇركىستان گازەتى

ۋاقىتى: 14:10 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
قىزمپۋ. «قازاق تىلىندەگى 100 جاڭا وقۋلىقتى» تالقىلاۋ ەستافەتاسى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ باستاماسىمەن قۇرىلعان قازاقستاننىڭ جاس پەداگوگ-عالىمدارى قاۋىمداستىعى «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا جارىق كورگەن كىتاپتاردى كەڭىنەن ناسيحاتتاۋ ماقساتىنداعى باستامانى قولعا الدى.

اتالعان وقۋ ورنىنىڭ جاس عالىمدارى بۇگىنگە دەيىن اۋدارىلعان 30-عا جۋىق ەڭبەكتى وقىپ، تالقىلاۋ ءۇشىن جوعارى وقۋ ورنىنىڭ 1 كۋرس ستۋدەنتتەرىنە ەستافەتا جولداماق.

قىزمپۋ-دىڭ رەسمي وكىلى جاندار اساننىڭ ايتۋىنشا، ەستافەتاعا قاتىسۋ ءۇشىن ستۋدەنتتەر قازاق تىلىنە اۋدارىلعان كىتاپتاردىڭ ءبىرىن وقىپ، مازمۇنىنا وراي بەينەبايان ءتۇسىرۋى كەرەك. سونداي-اق بەينە ماتەريالدى Facebooك الەۋمەتتىك جەلىسىنە قىزدار ۋنيۆەرسيتەتىنىڭ Qyzdar Ýnıversıteti رەسمي پاراقشاسىن بەلگىلەي وتىرىپ جۇكتەۋ قاجەت.

– قازاق ۇلتتىق قىزدار پەداگوگيكالىق ۋنيۆەرسيتەتىنىڭ تابالدىرىعىن بيىل اتتاعان ستۋدەنتتەر «كوپكە ۇمتىلعان جالعىز» اتتى كىتاپتى وقىپ، اتالعان ەڭبەكتىڭ مازمۇنىمەن تولىق تانىسىپ شىقتى. ونى تالقىلاۋ ماقساتىندا جيىندار مەن پىكىر الماسۋلار دا وتكىزىلدى. سونىمەن قاتار «Qyzdar Ýnıversıteti» گازەتىنە ماقالالار جازىپ، ادامزات دامۋىنىڭ كوكجيەگىنە جول اشاتىن وقۋلىقتاردىڭ ەرەكشەلىگىنە شولۋ جاسادى. ءبىزدىڭ كوزدەگەنىمىز – بۇل يگىلىكتى ىسكە وزگە دە جوعارى وقۋ ورىندارىن تارتۋ. وسى ارقىلى جاستارعا دۇنيەجۇزىندەگى تاڭداۋلى ۇلگىلەردىڭ نەگىزىندە ءبىلىم الۋىنا مۇمكىندىك جاساۋ، – دەيدى جاندار اسان.

ەستافەتا سوڭىندا بارلىق بەينە ماتەريال جيناقتالىپ، سونىڭ نەگىزىندە شاعىن فيلم جارىق كورمەك. ول قازاقستاننىڭ جاس پەداگوگ-عالىمدارىنىڭ ءۇشىنشى سلەتى قارساڭىندا كوپشىلىك نازارىنا ۇسىنىلماقشى.

قازىرگى تاڭدا قازاق تىلىنە اۋدارىلعان كىتاپتار مەن جوعارى وقۋ ورىندارىنىڭ ءتىزىمى ءتۇزىلىپ، بەينەباياندى تۇسىرەتىن ناقتى مەرزىمى بەكىتىلگەن.

بىلتىر قازاقستان جاس پەداگوگ-عالىمداردىڭ ءبىرىنشى رەسپۋبليكالىق سلەتى قارساڭىندا وتاندىق جاس پەداگوگ-عالىمداردىڭ قاۋىمداستىعى قۇرىلدى. قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى گاۋحار الدامبەرگەنوۆانىڭ يدەياسىمەن قۇرىلعان ۇيىم مەملەكەت پەن قوعام دامۋىنا بەلسەندى قىزمەت ەتەتىن، جاڭاشا تۇرعىدا ويلاي الاتىن جاڭاشىل جاستاردى بىرىكتىرىپ، ولاردىڭ ديالوگ الاڭىن قۇرۋدى ماقسات تۇتادى. بۇگىندە دەيىن اتالعان قاۋىمداستىقتىڭ ۇيىتقى بولۋىمەن بىرنەشە جوبالار ءساتتى جۇزەگە اسىرىلدى.


كەلۋ قاينارى: http://www.elarna.net/koru.php?tur=14&id=1058186

پىكىرلەر:

juz dep sifirmen jazingiz.