كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23911458239 %61 %

ءتىل مارتەبەسى ءسوز بولدى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 14:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

ۇلتتىق كىتاپحانادا الماتى قالاسى اكىمدىگىنىڭ قولداۋىمەن، رەسپۋبليكالىق «جەلتوقسان كوتەرىلىسى» قوعامدىق ۇيىمى مەن حالىقارالىق «Qazaqstan dauiri» قوعامدىق-ساياسي گازەتىنىڭ بىرلەسىپ ۇيىمداستىرۋىمەن «ۇلتتىق مۇددەنى قورعاۋ مەملەكەتتىك تىلدەن باستالادى» اتتى دوڭگەلەك ۇستەل ءوتتى. 

مەملەكەتتىك ءتىل – قازاق ءتىلىنىڭ مارتە­بەسى مەن قولدانىلۋ اياسىن ارتتىرۋ، قر ء«تىل تۋرالى» زاڭ تارماقتارىنا وزگەرىس مەن تولىقتىرۋلار ەنگىزۋ ماق­ساتىن كوزدەگەن جيىندى جازۋشى، «Qazaqstan dauiri» قوعامدىق-ساياسي گازەتىنىڭ باس رەداكتورى ەرتاي ايعاليۇلى اشىپ، باسقوسۋدىڭ ءمان-ماڭىزىنا توقتالدى. ول ەلىمىزدە زاڭ دا، مەملەكەتتىك باعدار­لامالار دا قابىلدانىپ جاتقانى­مەن، مەملەكەتتىك ءتىلدىڭ قولدانۋ اياسىنىڭ كوڭىل كونشىتپەيتىنىن، قازاق ءتىلى ءالى ەڭسەسىن تىكتەي الماي، رەسمي ءتىلدىڭ كولەڭ­كەسىندە قالىپ وتىرعانىن ايتىپ، قازاق ءتىلىنىڭ مۇشكىل جايىن تىلگە تيەك ەتتى. احمەت بايتۇرسىنۇلىنىڭ ء«سوزى جوعالعان جۇرتتىڭ ءوزى دە جوعالادى» دەگەن قاناتتى سوزىنە توقتالىپ، ەلىمىزدەگى وزگە ەتنوس وكىلدەرىنىڭ مەملەكەتتىك ءتىلدى ءالى دە بولسا ەركىن مەڭگەرە الماي وتىرعانىنا قىنجىلىس ءبىلدىردى.
«جەلتوقسان كوتەرىلىسى» قوعامدىق ۇيىمىنىڭ ءتوراعاسى مىرزاعۇل ءابدىقۇلوۆ ءوز ەلىمىزدە تۇرىپ، انا ءتىلىن، ۇلتتىق قۇندىلىقتارىن بىلمەيتىن ۇرپاق ءوسىپ كەلە جاتقانى جانىنا باتاتىنىن، بۇل جيىننىڭ كوپتىڭ مۇددەسى ءۇشىن ۇيىم­داستىرىلىپ جاتقانىنا توقتالىپ، قالالىق ءتىل باس­قارماسى وكىلدەرى، ءتىل جاناشىرلارى جينالعاندىقتان تالقىلاناتىن ماسەلەنىڭ وزەكتىلىگى اۋقىمىن كەڭەيتەتىنىنە سەنىمدى ەكەنىن جەتكىزدى.
«ۇلتتىق مۇددەنى قورعاۋ مەملەكەتتىك تىلدەن باستالادى» اتتى دوڭگەلەك ۇستەلدىڭ نەگىزگى بايانداماسىن قوعام قايراتكەرى ­حاسەن قوجاحمەت جاسادى. ونىڭ ايتۋىنشا، كەزىندە قازاقستاندا مەملەكەتتىك ءتىل دە، ۇلتارالىق ءتىل دە – قازاق ءتىلى بولۋى ءتيىس ەكەنى ايتىلعانىمەن، ول ىسكە اسپاعان. ءقازىر دە قوعامداعى مەملەكەتتىك ءتىلدىڭ ءىس جۇزىندە تولىق جۇزەگە اسپاي وتىرعانىن، ورىس مەكتەبىندە ون جىل وقىپ، ءبىراۋىز قازاقشا سويلەي المايتىن بالالار شىعاتىنىن، وسىدان بەس جىل بۇرىن قازاقشا حابارلاناتىن ايالدامانىڭ ءقازىر ورىس تىلىنە قاراي باعىت الىپ بارا جاتقانىن جانە ت.ب. وزەكتى ماسەلەلەردى كوتەرىپ، ءتىل جاناشىرلارىنا ءوزىنىڭ بىرنەشە ۇسىنىسىن جەتكىزدى. ونىڭ ىشىندە تىلگە بايلانىستى جابىلىپ قالعان قوعامدىق ۇيىمدار قايتا اشىلۋى ءتيىس; رەسەيدەن كەلەتىن گازەت-جۋرنال، كىتاپ جانە ت.ب. باسپا ونىمدەرىنە شەكتەۋ قويۋ جانە ت.ب. ۇسىنىستار بار.
جيىن بارىسىندا فيلولوگيا عىلى­مىنىڭ دوكتورى دانداي ىسقاق، اقىندار داۋلەتبەك بايتۇرسىنۇلى، امانعازى كارىپجاناۋلەتى، بولات شاراحىمباي جانە ت.ب. ءتىل جاناشىرلارى ءسوز سويلەپ، وي-پىكىرلەرىن ءبىلدىردى.
جيىن سوڭىندا قاتىسۋشىلار ۇندەۋ قابىلدادى. وندا مىنالار ايتىلادى: مەملەكەتتىك ءتىلدى ۇلتارالىق ءتىل دارە­جەسىنە كوتەرەتىن «مەملەكەتتىك ءتىل ­تۋرالى» زاڭ قاجەت; اتا زاڭىمىزدا قازاق ءتىلى – مەملەكەتتىك ءتىل ەكەندىگى جەكە-دارا جازىلىپ، «ورىس ءتىلى رەسمي ءتىل» دەگەن ءسوزدى الىپ تاستاۋ قاجەت; مەملەكەتتىك ءتىلدى بىلمەگەندەردى ازاماتتىققا قابىلداماۋ جونىندە زاڭدا ناقتى جازىلۋى ءتيىس; مەكتەپتەردە شەت ءتىلى 5-سىنىپتان باستاپ وقىتىلۋى كەرەك; جەر، كوشە اتاۋلارى تەك مەملەكەتتىك تىلدە جازىلسىن; لاتىن ءالىپبيى تەك قازاق مەكتەپتەرىندە، جوعارى وقۋ ورىندارىندا عانا ەمەس، مەملەكەتىمىزدىڭ بارلىق سالالارىندا ەنگىزىلەتىن بولسىن; ءتىل پوليتسياسى قۇرىلىپ، ەلىمىزدە مەملەكەتتىك ءتىلدىڭ ورنىعۋىن قاداعالاۋى ءتيىس دەگەن سەكىلدى، ت.ب. بىرنەشە تالاپ قويىلعان.

باعداگۇل بالاۋباەۆا


كەلۋ قاينارى: http://www.elarna.net/koru.php?tur=9&id=1058181

پىكىرلەر:

juz dep sifirmen jazingiz.