كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23982481239 %61 %

«ونەر تاريحى» – ءوز تىلىمىزدە — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 13:49 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ كىتاپحاناسىندا «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا «جاڭا ءبىلىم – جاڭا جاڭعىرۋ» اتتى دوڭگەلەك ۇستەل ءوتتى.  القالى جيىندا اكادەميانىڭ پروفەسسورلىق-وقىتۋشىلىق قۇرامى مەن ۇلتتىق اۋدارما بيۋروسى ماماندارىنىڭ بىرلەسۋىمەن ءتارجىمالانعان ەرنست گومبريحتىڭ «ونەر تاريحى» كىتابى تانىستىرىلدى. 

ىس-شاراعا اكادەميانىڭ عىلىمي جۇمىستار جونىندەگى پرورەكتورى ق.حالىقوۆ مودەراتورلىق جاسادى. دوڭگەلەك ۇستەلدى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى اقان ابدۋاليەۆ كىرىسپە سوزبەن اشىپ، اۋدارماشىلار مەن ­رەداكتورلار قۇرامىنا زور العىسىن ايتىپ، بۇل ەڭبەكتىڭ ستۋدەنتتەر ءۇشىن ماڭىزى ايرىقشا ەكەنىن اتاپ ءوتتى. ­«رۋحاني جاڭعىرۋ باعدارلاماسى اياسىندا ءبىرقاتار جۇمىس اتقارىلىپ كەلەدى. 100 جاڭا وقۋلىق – سونداي اۋقىمدى جوبالاردىڭ قاتارىندا. وسى كەزگە دەيىن ۇلتتىق اۋدارما بيۋروسى قازاقشا سويلەتكەن وقۋلىقتار اكادەميا كىتاپحاناسىنا جەتىپ، ستۋدەنتتەردىڭ يگىلىگىنە اينالىپ كەلگەن ەدى. ال «ونەر تاريحى» كىتابى ءبىزدىڭ ستۋدەنتتەر ءۇشىن عانا ەمەس، وقى­تۋشىلار ءۇشىن دە تاپتىرماس ەڭبەك. الداعى ۋاقىتتا ءبىزدىڭ ءبىلىم ورداسى مەن ۇلتتىق اۋدارما بيۋروسىنىڭ اراسىندا ارىپتەستىك قارىم-قاتىناسىمىز نىعايىپ، جاڭا اۋدارما كىتاپتار قاتارىمەن تولىعادى دەپ سەنەمىز» دەدى ا.جىلقىشىبايۇلى.
م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، فيلولوگيا عىلىمىنىڭ دوكتورى كەنجەحان ­ماتىجانوۆ كىتاپتى اۋدارۋ مەن رەداكتسيا­لاۋ بارىسىنداعى ماسەلەلەر، كىتاپتىڭ ماڭىزى تۋرالى كەڭىنەن اڭگىمەلەپ بەردى. ء«الى كۇنگە ونەرتانۋدىڭ تەرمينولوگياسى دۇرىس قالىپتاسپاعانىنا وسى كىتاپتى ءتارجىمالاۋ بارىسىندا كوز جەتكىزدىك. وسى كەزگە دەيىن ز.سەرىكقاليەۆ رەداكتورلىق ەتكەن «ونەردىڭ ىقشام تاريحى» كىتابى، وعان قوسا «باتىس ەۋروپا ونەرى»، «ورىس ونەرى» اتتى كىتاپتار ءتارجىمالانعان ەكەن. الايدا وسى كىتاپتاردى سالىستىرىپ قاراعاندا دا، ونەرتانۋ تەرميندەرى ءبىر ىزگە تۇسپەگەنى انىق بايقالادى. بۇل رەتتە اۋدارماشىلار، ۇلتتىق ­اۋدارما بيۋروسىنىڭ قىزمەتكەرلەرى، م.اۋەزوۆ اتىنداعى ادەبيەت جانە ونەر ينستيتۋتىنىڭ ماماندارى جانە وسى اكادەميانىڭ ۇستازدارى باس قوسىپ ءاربىر تەرميندى، اتاۋدى تاپتىشتەپ قاراپ، ابدەن ەلەپ-ەكشەپ بارىپ، كىتاپقا ەنگىزدىك. «ونەر تاريحى» دۇنيەجۇزىنە سەگىز ميلليون­نان اسا تارالىممەن تارالعان ەڭبەك. الەمنىڭ وركەنيەتتى تىلدەرىنە تۇگەل اۋدارىلعان. ونداي كىتاپتىڭ قازاقشا ءتارجىمالانۋى دا ۇلكەن ەڭبەك ەكەنى ءسوزسىز. ۇشىنشىدەن، لوندون كىتاپتىڭ اۋدارۋ قۇقىعىن بەرگەنىمەن، شىعارۋ قۇقىعىن بەرمەدى. سوندىقتان بۇل ەڭبەك گونكونگتا ­باسىلدى. الەمگە سەگىز ميلليون تارالىممەن تاراسا، سونىڭ بارلىعى دا گونكونگ ­باسپاسى ارقىلى تارالعان. ويتكەنى باسقا باسپاحانالار باسسا، سۋرەتتىڭ ءارى كەتىپ قالادى ەكەن. مىنە، كىتاپتىڭ بوياۋى دا وتە كوركەم ەڭبەك بولىپ وقىرماننىڭ قولىنا جەتىپ وتىرعان كولەمدى تۋىندى. قولعا ۇستاعاندا كوز قۋانادى» دەيدى ك.ماتىجانوۆ.
جيىندا رەسەي ونەر اكادەمياسىنىڭ اكادەميگى، پروفەسسور ب.ومىربەكوۆ، پ.ع.ك.، پروفەسسور، قر سۋرەتشىلەر ­ودا­عىنىڭ مۇشەسى ت.قوجاعۇلوۆ، و.تاڭسىق­باەۆ اتىنداعى كوركەمسۋرەت كوللەدجىنىڭ وقىتۋشىسى م.اۋەزحانۇلى، سۋرەتشى ە.نۇرازحان، ۇلتتىق اۋدارما بيۋروسى­نىڭ قىزمەتكەرلەرى ا.مەڭدەكە مەن س.ۇركىنباەۆ جانە اكادەميانىڭ ساحنا پلاستيكاسى كافەدراسىنىڭ مەڭگەرۋشىسى، پروفەسسور ا.قۇلباەۆ، بەينەلەۋ ونەرى­نىڭ تاريحى مەن تەورياسى كافەدراسى­نىڭ مەڭگەرۋشىسى، پروفەسسور ق.ورازقۇلوۆا قاتىسىپ، كىتاپ تۋرالى پىكىرلەرىن ءبىلدىردى.

ق.سەرىكقىزى


كەلۋ قاينارى: http://www.elarna.net/koru.php?tur=9&id=1058167

پىكىرلەر:

juz dep sifirmen jazingiz.