كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...

ءمينيستردىڭ ورىنباسارى قاجك باسشىسىنىڭ قىزمەتىنەن كەتۋىنە تۇسىنىك بەردى


ءتۇرى: قازاقپارات جاڭالىقتارى

ۋاقىتى: 13:42 - 2019/10/10


Нақты Көзі: https://www.inform.kz/kz/ministrdin-orynbasary-kazhk-basshysynyn-kyzmetinen-ketuine-tusinik-berdi_a3573959

elarna.net Printed Version.

نۇر-سۇلتان. قازاقپارات – قر ىشكى ىستەر ءمينيسترىنىڭ ورىنباسارى الەكسەي كالايچيدي قىلمىستىق-اتقارۋ جۇيەسى كوميتەتىنىڭ ءتوراعاسى دارقان قاناتبەكوۆتىڭ قىزمەتىنەن بوساتىلۋىنا قاتىستى تۇسىنىك بەردى، دەپ حابارلايدى قازاقپارات ءتىلىشىسى.

«بۇل شەشىم ونىڭ ءوز ەركىمەن جاسالدى. ول ءوزى راپورتپەن ءوتىنىم بەردى. وعان قاتىستى قانداي دا تەرىس سيپاتتاعى مىنەزدەمە بەرىلگەن جوق، سونداي-اق وسىنىڭ الدىندا ەشقانداي قىزمەتتىك تەكسەرۋ دە جۇرگىزىلگەن ەمەس. اتاپ ايتقاندا، وعان قاتىستى تەكسەرۋ شارالارى بولمادى»، - دەدى ا. كالايچيدي پارلامەنت سەناتىندا تىلشىلەر ساۋالىنا جاۋاپ بەرە وتىرىپ.

ونىڭ سوزىنە قاراعاندا، ءاربىر باسشى ءوزىنىڭ مۇمكىندىگىنە باعا بەرۋگە قۇقىلى.

وسى ورايدا، ءمينيستردىڭ ورىنباسارى ءاربىر ادام قالىپتاسقان جاعدايعا قالاي ارەكەت ەتەتىن ءوزى ايقىندايتىنى ايتا كەلە: «قىزمەتتەن كەتۋ تۋرالى راپورت جاساۋ ءۇشىن ول ايتارلىقتاي جاۋاپتى قادامعا بارىپ وتىر»، - دەدى ول.

ەستەڭىزگە سالا كەتەيىك، قر ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن قىلمىستىق-اتقارۋ جۇيەسى كوميتەتىنىڭ ءتوراعاسى دارقان قاناتبەكوۆ قىزمەتىنەن بوساتىلدى.


كەلۋ قاينارى: http://www.elarna.net/koru.php?tur=3&id=1058163

پىكىرلەر:

juz dep sifirmen jazingiz.