كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

جاڭاوزەن جۇمىسشىلارى: "كاسىپوداق قۇرعانىمىز ءۇشىن قۋدالاندىق"


ءتۇرى: Abai.kz ماقالالارى

ۋاقىتى: 13:20 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

9 قازاندا "وزەنمۇنايگاز" اكتسيونەرلىك قوعامىنا قارايتىن "كەزبي" مەردىگەر كومپانياسىنىڭ ۆاحتا اۋىسىمىنا شىققان جۇزدەن استام جۇمىسشىسى جاڭاوزەن قالاسى اكىمدىگىنىڭ الدىنا جينالدى. ولار كومپانيادا "جۇمىسشىلار قۇقىعىن قورعايتىن كاسىپوداق قۇرعانى ءۇشىن قۋدالانىپ جاتقانىنا" شاعىمداندى.

نارازى جۇمىسشىلار جاڭاوزەن قالاسىنىڭ اكىمى ماقسات يباعاروۆتىڭ بۇل ىسكە ارالاسۋىن تالاپ ەتتى. ءبىراق جۇمىسشىلار الدىنا اكىم ەمەس، ونىڭ ورىنباسارى عالىم بايجانوۆ شىقتى. وزدەرىنىڭ اكىمگە ءۇشىنشى رەت كەلىپ وتىرعانىن ايتقان جۇمىسشىلار اكىم وتىنىشىمىزگە قۇلاق اسپادى دەپ اشۋلاندى.

- حالىق ءۇشىن تاعايىندالدى ەمەس پە؟ حالىق ەكى رەت كەلدى، نەگە تىڭدامايدى؟ اكىمدى كورەيىك، مۇڭ-مۇقتاجىمىزدى تىڭداسىن. مەنىڭ ومىرىمە دە ءقاۋىپ ءتونىپ تۇر. جۇمىس بەرۋشى جۇمىسشىلارعا قىسىم كورسەتىپ جاتىر. كاسىپوداق جۇمىسىنا زاڭسىز ارالاسىپ وتىر. ولاردى قورقىتىپ، ارىز جازدىرىپ، بريگاداعا بارىپ، قورقىتىپ ءجۇر. جەكە مەنشىك مەكەمەمىز دەيدى. سوندا حالىق جەكە مەنشىك پە؟ ادام قۇرلى كورىپ وتىرعان جوق، - دەدى كاسىپوداق ءتوراعاسى ازامات جاپاروۆ.

عالىم بايجانوۆ جۇمىسشىلاردىڭ شاعىمىن ەڭبەك ينسپەكتسياسىنا جىبەرگەنىن، ونى قاراۋ ءۇشىن 1-2 اي ۋاقىت قاجەت ەكەنىن ايتتى. ال جۇمىسشىلار ء"وتىنىشىمىز قارالعانشا جۇمىسسىز قالامىز" دەپ ارىز-شاعىمداردىڭ باياۋ قارالاتىنىن سىنادى.

كومپانيا جۇمىسشىسى ازامات جاپاروۆتىڭ ايتۋىنشا، كەيىنىرەك جۇمىس بەرۋشىلەر اكىمدىككە كەلىپ، ءۇش تاراپ بولىپ ماسەلەنى تالقىلاعان. ءبىراق ورتاق مامىلەگە كەلە الماعان.

جيىننان سوڭ كاسىپوداقتارىن قورعاۋعا تىرىسقان جۇمىسشىلار اكىمدىك الدىندا تۇرىپ، قازاقستان پرەزيدەنتى قاسىم-جومارت توقاەۆقا ۇندەۋ جولداپ، كومەك سۇرادى.

ء

"بىز، "كەزبي" جۇمىسشىلارى، ارىپتەستىك الەۋمەتتىكتى نىعايتۋ ماقساتىندا العاشقى كاسىپوداق ۇيىمىن اشقان بولاتىنبىز. الايدا بىزگە جۇمىس بەرۋشى تاراپىنان ءتۇرلى قىسىم كورسەتىلىپ جاتىر. اتاپ ايتساق، كاسىپوداق مۇشەلەرىن كاسىپوداقتان قوقان-لوقى كورسەتىپ، شىعارادى. كاسىپوداق ءتوراعاسىنىڭ ومىرىنە ءقاۋىپ توندىرەتىن ارەكەتتەرگە بارىپ جاتىر. مەكەمەنىڭ جوعارى لاۋىزىمدى باسشىلارى قاراپايىم حالىقتى كاسىپوداقتان شىعۋعا ۇگىتتەپ جاتىر" دەدى ۇندەۋدى وقىعان "كەزبي" جۇمىسشىلارىنىڭ ءبىرى ايبەرگەن اققوزيەۆ.

"كەزبي" كومپانياسى جۇمىسشىلارىنىڭ كاسىپوداعى رەسمي تۇردە 2019 جىلى 25 شىلدەدە تىركەلگەن. ول جاڭاوزەن قالاسىنداعى "ىنتىماق" سالالىق كاسىپوداعىنىڭ قۇرامىنا ەنگەن. كاسىپوداققا 600-دەن استام جۇمىسشى مۇشە.

"كەزبي" جاۋاپكەرشىلىگى شەكتەۋلى سەرىكتەستىگى 1992 جىلى قۇرىلعان. ول ماڭعىستاۋ وبلىسىنداعى مۇناي كومپانيالارىنا ۇڭعىمالاردى جوندەۋ بويىنشا قىزمەت كورسەتەدى.

Abai.kz


كەلۋ قاينارى: http://www.elarna.net/koru.php?tur=51&id=1058134

پىكىرلەر:

juz dep sifirmen jazingiz.