كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

اۋە قورعانىسى كۇشتەرىنىڭ اسكەري ينستيتۋتىنا جاڭا باسشى تاعايىندالدى


ءتۇرى: Ult.kz ۇلىت تورابى

ۋاقىتى: 13:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

اقتوبە قالاسىنداعى اۋە قورعانىسى كۇشتەرىنىڭ اسكەري ينستيتۋتىنا جاڭا باسشى تاعايىندالدى، دەپ حابارلايدى "ۇلت اقپارات".

قر قورعانىس ءمينيسترىنىڭ بۇيرىعىنا سايكەس اسكەري جوو-عا باسشىلىق ەتۋ اۆياتسيا گەنەرال-مايورى داۋرەن قوسانوۆقا تاپسىرىلدى.

مينيسترلىكتەنمالىم ەتكەندەي، ينستيتۋتتىڭ جەكە قۇرامىنا جاڭا باسشىنى قر اۋە قورعانىسى كۇشتەرىنىڭ باس قولباسشىسى اۆياتسيا گەنەرال-مايورى نۇرلان كاربەنوۆ تانىستىردى. ول داۋرەن قوسانوۆتىڭ تاجىريبەلىگى مەن جەكە قاسيەتتەرىن اتاپ ءوتىپ، جۇمىسىنا ساتتىلىك تىلەدى.

«سىزگە جاي عانا اۋە قورعانىسى كۇشتەرىنىڭ اسكەري ينستيتۋتىن باسقارۋدى سەنىپ تاپسىرعان جوقپىز. بۇگىنگى كۇننەن باستاپ قازاقستاننىڭ اسكەري اۆياتسياسىنىڭ بولاشاعى ءسىزدىڭ قولىڭىزدا. ەلىمىزدىڭ اۋە شەبىنىڭ قاۋىپسىزدىگى، ءسىزدىڭ كۋرسانتتاردى تاربيەلەۋىڭىزگە بايلانىستى»، - دەدى باس قولباسشى.

د.قوسانوۆ – تاجىريبەلى اسكەري ۇشقىش. ول ارماۆيرا جوعارعى اسكەري اۆياتسيا ۋچيليششەسىن، رەسەي فەدەراتسياسى قارۋلى كۇشتەرى باس شتابىنىڭ اسكەري اكادەمياسىن ءتامامداعان. ءۇشارالداعى جويعىش پولكىندە قىزمەت ەتۋدى باستاپ، تالدىقورعانداعى سۋ-27 جويعىش ۇشاعىن باسقاردى. قاراعاندى شتابىنىڭ باستىعى جانە شىمكەنت اۆياتسيالىق بازاسىنىڭ كومانديرى بولىپ قىزمەت ەتتى. اسكەري ۇشقىش رەتىندە گەنەرال-مايور قوسانوۆ ۇشاقتىڭ كوپتەگەن تۇرلەرىن مەڭگەردى. اتاپ ايتقاندا، سۋ-25 شابۋىلداۋ ۇشاعى، سۋ-27 جويعىش-بومبالاۋشى ۇشاعى، سۋ-30سم كوپفۋنكتسيانالدى جويعىشى.

2013 جىلدان باستاپ قر اسكەري اۋە كۇشتەرىن باسقاردى. 2015 جىلى قر پرەزيدەنتىنىڭ جارلىعىمەن وعان اۆياتسيا گەنەرال-مايورى اتاعى بەرىلدى.

ىى دارەجەلى «ايبىن» وردەنىنە، «جاۋىنگەرلىك ەرلىگى ءۇشىن»، 1، 2 جانە 3 دەڭگەيلى ء«مىنسىز ەڭبەگى ءۇشىن» مەدالدارىنا، سونداي-اق ءبىرقاتار مەرەيتويلىق ماراپاتتارعا يە.


كەلۋ قاينارى: http://www.elarna.net/koru.php?tur=53&id=1058120

پىكىرلەر:

juz dep sifirmen jazingiz.