كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23982481239 %61 %

«استانا لرت» ءىسى تەرگەۋگە قاتىستى تىڭ دەرەكتەر جاريالاندى


ءتۇرى: قازاقپارات جاڭالىقتارى

ۋاقىتى: 12:57 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
«استانا لرت» ءىسى تەرگەۋگە قاتىستى تىڭ دەرەكتەر جاريالاندى

نۇر-سۇلتان. قازاقپارات – سىبايلاس جەمقورلىققا قارسى ءىس-قيمىل اگەنتتىگى «استانا لرت» ءىسى بويىنشا تەرگەۋدىڭ تىڭ ءمان-جايلارى انىقتالعانىن جاريا ەتتى، دەپ حابارلايدى قازاقپارات ءتىلشىسى.

ۇقساس جاڭالىقتار
LRT قۇرىلىسىنا حالىق بانك كومەكتەسەدى كولگىنوۆ LRT جوباسى تۋرالى: ورتا جولدان قالاي توقتاتامىز التاي كولگىنوۆ اstana LRT جوباسى تۋرالى ايتتى

«قۇرىلىستىڭ ءۇش كەزەڭىن دە تەرگەپ جاتقان ۆەدومستۆوارالىق جەدەل تەرگەۋ توبى قۇرىلدى. تەحنيكالىق-ەكونوميكالىق نەگىزدەمەسى مەن جوبالىق-سمەتالىق قۇجاتتامانىڭ نەگىزدىلىگى، ورىندالعان قۇرىلىس جۇمىستارىنىڭ نەگىزگى بولىگى، تەحنيكالىق باقىلاۋ ءىسىنىڭ ءبارى دە تەكسەرىلىپ جاتىر. وسىعان بايلانىستى اتالعان سالانى ارنايى زەرتتەي الاتىن ماماندار مەن ساراپشىلاردى جۇمىسقا تارتىپ جاتىرمىز»، - دەدى ەلوردادا وتكەن بۇگىنگى بريفينگتە اگەنتتىكتىڭ ەكىنشى دەپارتامەنتىنىڭ باسشىسى سەرگەي پەروۆ.

ونىڭ ايتۋىنشا، ىسكە قاتىستى بارلىق قۇجاتتار قازىرگى ۋاقىتتا تاركىلەنگەن. سول قۇجاتتارعا وراي ەكونوميكالىق جانە قۇرىلىس ساراپتامالارى تاعايىندالعان.

«قارجى ماماندارى ەكونوميكالىق ەسەپتى جۇرگىزىپ جاتىر، ال قۇرىلىس ساراپشىلارى سالىنىپ قويعان نىسانداردىڭ باقىلاۋىن اياقتادى. ۇلتتىق بانك پەن ەسەپ كوميتەتىنىڭ ارالاسۋىمەن قىتايدىڭ دامۋ بانكىنەن «استانا بانكىنە» سالىنعان قاراجاتتىڭ نەگىزدىلىگى مەن زاڭدىلىعى دا تەكسەرىلۋدە. سونىمەن بىرگە، تەرگەۋ جىمقىرۋدىڭ جاڭا سحەماسىن انىقتاپ جاتىر»، - دەدى ول.

اگەنتتىك ۇسىنعان اقپاراتقا سۇيەنسەك، 2014 جىلى «استانا لرت» جشس جوبالىق-سمەتالىق قۇجاتتامالاردى ازىرلەۋدە جوعارىلاتىلعان باعامەن كەلىسىم جاساعان.

«مەملەكەتتىك ساراپتاماعا بەلگىلەنگەن 2،6 ملرد تەڭگەنىڭ ورنىنا لرت-مەن 4،2 ملرد تەڭگەنىڭ كەلىسىمى جاسالعان. ول قاراجاتتىڭ 3 ملرد تەڭگەسى مەردىگەرلەرگە بەرىلگەن. ايىرماشىلىق 412 ملن تەڭگەنى كورسەتكەن. اتالعان سوما قولما-قول اقشاعا اۋىستىرىلىپ، جالعان كاسىپورىندار ارقىلى جىمقىرىلعان»، - دەيدى ول.

ەسكە سالساق، پرەزيدەنت LRT قۇرىلىسىن جەدەلدەتۋدى جانە وعان قاتىستى ءىستى تەرگەۋدى تاپسىردى.
بۇعان دەيىن LRT-نىڭ قۇرىلىسى ۋاقىتشا توقتاتىلعانى تۋرالى حابارلاعان بولاتىنبىز. وعان قاتىستى ۇكىمەت باسشىسى اسقار مامين پىكىر ءبىلدىردى.

كەلۋ قاينارى: http://www.elarna.net/koru.php?tur=3&id=1058116

پىكىرلەر:

juz dep sifirmen jazingiz.