كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221249412632 %68 %

كولىك كەپتەلىسى، اۋانىڭ لاستانۋى... لوندوندا بۇل ماسەلەلەردى جويۋ ءۇشىن قانداي جوبالار قولعا الىنعان - قازاقست


ءتۇرى: 24.kz اقپاراتتارى

ۋاقىتى: 12:50 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.



لوندون قالاسىنىڭ كولەمى ۇلعايعان سايىن كولىك كەپتەلىسى، مەتروپوليتەننىڭ ەسكىرگەن جۇيەسى جانە اۋانىڭ لاستانۋى سياقتى ينفراقۇرىلىمدىق پروبلەمالارى دا ارتىپ كەلەدى.

ال ءتۇيىندى ماسەلەلەردى ازايتۋ ءۇشىن Smart tech جۇيەسى پايدالانىلادى.

كەيبىر بولجامدارعا سايكەس لوندون حالقىنىڭ سانى الداعى 10 جىل ىشىندە 1 ميلليونعا جەتپەك. قالا حالقىنا جانە قوناقتارىنا جايلى جاعداي جاساۋ ءۇشىن جەرگىلىكتى بيلىك ءبىرشاما باستامالاردى قولعا الدى. لوندون مەرى ساديك حاننىڭ «اقىلدى قالانى بىرگە سالايىق» جول كارتاسى كولىك تاسىمالىنان باستاپ، دەنساۋلىق ساقتاۋ قىزمەتىنە دەيىن قامتيدى.

ساديك حان، لوندون قالاسىنىڭ مەرى:

– ءبىز بۇل باعىتتا ۇلكەن قادامدار جاسادىق. ءبىراق ءبىز ودان ءارى جىلجىعىمىز كەلەدى. سمارت-تەحنولوگيالاردى حالىق يگىلىگى ءۇشىن جۇمىس ىستەتكىمىز بار. لوندون – ەڭ ۇزدىك يدەيالار جۇزەگە اساتىن «سىناق الاڭى» بولۋى كەرەك.

الەمدەگى ەڭ ءىرى جەر استى كولىك قۇرالى - لوندون مەتروسى. ونىڭ تارام-تارام جولدارىندا اداسىپ كەتپەس ءۇشىن بىرنەشە ۇيالى قوسىمشالار مەن ونلاين-قىزمەتتەر جۇمىس ىستەيدى. ۋاقىتىڭدى دۇرىس جوسپارلاپ، پويىزىڭنان قالىپ قويماۋىڭا كومەكتەسەدى. سونىمەن قاتار لوندوننىڭ ءاربىر شارشى مەترىنە 300 باقىلاۋ كامەراسى قويىلعان. جاساندى ينتەللەكت پەن ادامداردىڭ ءتۇرىن تانيتىن تەحنولوگيالار ءتۇرلى قىلمىستارعا توسقاۋىل قويادى.

ستيۆەن ديەل، ساراپشى:

– كامەرانىڭ كوپ بولۋى ورىندى. ولار جەكە ومىرگە قول سۇقپايدى. قوعامدىق ورىنداردا تەرروريستىك قاۋىپ-قاتەردىڭ الدىن الادى. سوڭعى ۋاقىتتا لوندوندا پىشاقپەن جاسالاتىن شابۋىلدار كوپ. كامەرالاردىڭ كومەگىمەن حالىق ءوزىنىڭ قورعالعاندىعىن سەزىنۋ كەرەك.

لوندون اعىمداعى جىلى Smart city تەحنولوگيالارىنا 1 ميلليارد دوللاردان استام ينۆەستيتسيا قۇيدى. ماسەلەن، قالا باسشىلىعى ۇيلەرگە كۇن پانەلدەرىن ورناتىپ، ونى «جاسىل ەنەرگيا» كوزى رەتىندە كادەگە اسىرۋدى جوسپارلاپ وتىر. ەنەرگوجۇيە تسيفرلى تۇردە باسقارىلىپ، تيىمدىلىگى كۇشەيتىلمەك.

اۆتورى: عالىمجان قارامانۇلى


كەلۋ قاينارى: http://www.elarna.net/koru.php?tur=38&id=1058112

پىكىرلەر:

juz dep sifirmen jazingiz.