كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221249412632 %68 %

كوركەمسوز وقۋ شەبەرلەرى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 12:42 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

اباي قۇنانبايۇلىنىڭ 175 جىلدىق مەرەيتويى قارساڭىندا تالدىقورعان قالاسىندا ءدۇبىرلى دودا – اباي اتىنداعى كوركەمسوز وقۋ شەبەرلەرىنىڭ رەسپۋبليكالىق بايقاۋى ءوتتى. 

بايقاۋدىڭ ۇيىمداستىرۋشىلارى قازاقستان ­رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى­ كوميتەتى مەن الماتى وبلىسىنىڭ اكىمدىگى. بايقاۋ ەكى كەزەڭ بويىنشا (پروزا،­ پوەزيا) ءوتتى. قاتىسۋشىلار بايقاۋدىڭ ءبىرىنشى كەزەڭىندە قازاق اڭگىمەسىنىڭ حاس شەبەرى، ءومىردىڭ ­شىنايى كارتيناسىن جاساۋشى بەيىمبەت ءمايليننىڭ «كۇلپاش»، «قارا شەلەك»، ­«راۋشان كوممۋنيست» سياقتى اڭگىمەلەرى مەن سۋرەتكەر ساكەن سەيفۋلليننىڭ «ايشا»، ت.ب. پروزالىق شىعارمالاردان ءۇزىندى وقىدى. ال ەكىنشى كەزەڭىندە قازاق ادەبيە­تىندەگى شوقتىعى بيىك پوەمالاردىڭ ءبىرى – ءىلياستىڭ «قۇلاگەرى» مەن فاريزانىڭ مۇڭلى، سەزىمگە تولى ولەڭدەرى، ءسابيت دونەنتاەۆتىڭ تەرەڭ مازمۇندى، ويلى تۋىندىلارى وقىلدى. بيىل بەيىمبەت مايلين، ساكەن سەيفۋللين،­ ءسابيت دونەنتاەۆ، ءىلياس جانسۇگىروۆتەردىڭ 125 جىلدىق جانە فاريزا وڭعارسىنوۆانىڭ 80 جىلدىق مەرەيتويى بولعاندىقتان، بايقاۋدىڭ شارتى وسىنداي ەدى.
بايقاۋعا ءادىل باعاسىن بەرەتىن تورەشىلەر قاتارىندا بەلگىلى اقىن، مەم­لەكەتتىك سىيلىقتىڭ يەگەرى تىنىش­تىقبەك ابدىكاكىمۇلى، ادەبيەت سىن­شى­­سى تۇرسىنجان شاپاي، ءداستۇرلى ءانشى ەرلان رىسقالي، تەاتر، كينو جانە ­دۋبلياج اكتەرى ازامات شارعىن، پروفەسسور، فيلولوگيا عىلىمىنىڭ دوكتورى­ مۇراتبەك يمانعازينوۆ سىندى­ ­زيالى قاۋىم وكىلدەرى بولدى. بۇل سايىستا نۇر-سۇلتاندىق الحابەك ايجان باس بايگەنى قانجىعاسىنا بايلادى. ءبىرىنشى ورىنعا شىمكەنتتىك ءمادي ساۋلەبەك لايىق دەپ ­تانىلدى. پاۆلودار وبلىسىنىڭ نامىسىن قورعاعان ەرباق قۇرمەتجان ەكىنشى ورىندى ەنشىلەسە، بايقاۋدىڭ ءۇشىنشى ورىنىن شىعىس قازاقستان وبلىسىنان كەلگەن ءاليا ­بولاتوۆا مەن قىزىلوردا وبلىسىنان كەلگەن ايسانا ءاشىمحان ءوزارا ءبولىستى. جەڭىمپازدار ديپلوم جانە باعالى سىيلىقتارمەن ماراپاتتالدى. بايقاۋعا ەرەكشە ىقىلاسپەن دايىندالىپ كەلگەن ءىلياس نۇرلانبەكوۆ جانە ت.ب. ىنتالاندىرۋ سىيلىعىنا يە بولدى.
شارا سوڭىندا شايسۇلتان شاياح­مەتوۆ­ اتىنداعى ء«تىل-قازىنا» ۇلتتىق ­عى­­لىمي-پراكتيكالىق ورتالى­عىنىڭ اتقا­رۋ­شى ديرەكتورى ەربول تىلەشەۆ تال­­دى­قورعان قالاسىندا وتكەن رەسپۋب­ليكا­لىق بايقاۋدىڭ باسى-قاسىندا بولىپ، اتسا­لىسقان الماتى وبلىسىنىڭ تىل­دەردى دامىتۋ جونىندەگى باسقارماسىنا ۇيىم­داستىرۋشىلار اتىنان العىسىن جەتكىزدى.

ايگەرىم يەبەكوۆا،
الماتى وبلىسىنىڭ تىلدەردى
دامىتۋ جونىندەگى باسقارماسىنىڭ ءباسپاسوز حاتشىسى


كەلۋ قاينارى: http://www.elarna.net/koru.php?tur=9&id=1058109

پىكىرلەر:

juz dep sifirmen jazingiz.