كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23672385238 %62 %

ەر ەسىمى – ەل ەسىندە — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 12:14 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

جامبىل وبلىسىنا قاراستى قورداي اۋدانىنىڭ وتەگەن اۋىلىندا ايگىلى باتىر وتەگەن وتەعۇلۇلىنىڭ تۋعانىنا 320 جىل تولۋىنا وراي ءدۇبىرلى توي ءوتتى. شارا الدىمەن اۋدان ورتالىعىنداعى وتەگەن باتىر ەسكەرتكىشىنىڭ اشىلۋىمەن باستالدى. ەسكەرتكىش الدىنا گۇل شوقتارىن قويۋ راسىمىنەن كەيىن، بارشا جۇرت ىرگەدەگى «وتەگەن باتىر» اتىنداعى اۋداندىق مادەنيەت ۇيىنە بەت الدى. ونىڭ كىرە­بەرىسىندە باتىردىڭ ابىلاي حاننان اكەلگەن ايگىلى شۇبار تەگەنەسى قويىلعان. 

«وتەگەن وتەعۇلۇلى 1699 جىلى شۋ وزەنىنىڭ بويىندا، يزەندى دەگەن جەردە­ دۇنيەگە كەلگەن. جاستايىنان ىلە ماتايلىق تاۋاسار ءبيدىڭ بالاسى ­قا­زىبەكپەن بىرگە بۇحارا، سامارحان، شام، باعدات، ىستامبۇل، رومعا بارىپ توعىز جىل وقىپ ورالادى. وتەگەن تولە بيدەن باتا الىپ، ابىلاي حاننىڭ وڭ تىزەسىن باسقان باتىرلارىنىڭ ءبىرى. قازاق جەرىن جوڭعار باسقىنشى­لارىنان ازات ەتۋ جولىندا تۇركىستان، تاشكەنت ماڭىنداعى كەسكىلەسكەن ۇرىستارعا، اڭىراقاي شايقاسىنا قاتىستى. قالماقتىڭ ­بوتحيشار، سابان تايشىق سىندى بەلگىلى باتىرلارىن جەكپە-جەكتە­ جەر جاستاندىرىپ، قازاق اسكەرىنىڭ داڭقتى قولباسشىلارىنىڭ ءبىرى بولدى» دەپ جازۋشى مارال ىسقاقباي سالتاناتتى شارادا باتىردىڭ ومىرىنە توقتالدى.
قازاقستاننىڭ ەڭبەك سىڭىرگەن ­دا­رىگەرى، بەلگىل مەتسەنات ءمۇسىلىم ­دايىر­بەكوۆ،­ الماتى وبلىسىنان قوناق­تاردى باستاپ كەلگەن ىلە اۋدانى اكىمىنىڭ ورىنباسارى الماسبەك ساتىباەۆ، ىلە اۋدانى ارداگەرلەر كەڭەسىنىڭ ءتوراعاسى امزە الدىبەكۇلى، تاراز قالاسى اكى­مىنىڭ ورىنباسارى ­كەنجەبەك ولجاباي جانە باسقالارى ءسوز الىپ، باتىرلىق پەن ەلدىكتى اسپەت­تەۋدىڭ جاس ۇرپاققا پاتريوتتىق تاربيە بەرۋ­دەگى ماڭىزدىلىعىن اتاپ كورسەتتى. ء«مۇيىزدى وتەگەننىڭ ءمۇيىزدى ۇرپاقتارى» كىتا­بىنىڭ تۇساۋكەسەرى ءوتتى. ساحنا تورىندە قوردايلىق جەزتاڭداي ءانشى ­قار­لى­عاش­­ قوجاعازينا، الماتى وبلىسى ىلە اۋدانىنىڭ اجەلەر ءانسامبلى باتىر رۋحىنا ارنالعان اندەرىن تارتۋ ەتتى.
بۇدان باسقا، اۋىل مەشىتى ماڭىن­داعى الاڭقايدا ورناتىلعان اشىق ساحنا مەن كۇرەس كىلەمىندە پالۋاندارىمىز ءوزارا كۇش سىناستى. باس جۇلدەگە سۋ جاڭا اۆتوكولىك تىگىلگەن تۇيە پالۋان كۇرەسىنە ەلىمىزدىڭ ءار شالعايىنان اتان جىلىك، بۋرا ساندى 28 پالۋان باق سىنادى.
وتىز ءۇش شاقىرىمدىق الامان بايگەدە الماتى وبلىسى قاراساي اۋدانىنان ءالنۇر نازارباەۆتىڭ اتاقتى جۇيرىگى ء«ۇشقوڭىر» الدىنا ات سالماي كەلىپ، يەسىنە «تويوتا حايليۋكس» كولىگىن مىنگىزدى. ەكىنشى كەلگەن «اقمونشاق» اتتى سايگۇلىكتىڭ يەسى «نيۆا» اۆتوكو­لىگىن ولجالادى. سونداي-اق توپ بايگە مەن قۇنان جارىستا اتى وزىپ كەلگەندەر دە تەمىر تۇلپارلى بولدى.

نۇرلان قۇمار


كەلۋ قاينارى: http://www.elarna.net/koru.php?tur=9&id=1058082

پىكىرلەر:

juz dep sifirmen jazingiz.