كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221249412632 %68 %

ۇلاعاتتى عۇمىر — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 12:07 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

اكەمىز سارسەبەك تەمىرالىۇلى جامبىل اۋدانى بەرىكتاس اۋىلىنىڭ تۋماسى ەدى. ءتورت اعايىندى بولدى. شەلەك، تالعار اۋداندارىنداعى اۋداندىق سوتتا سۋديا بولىپ ىستەپ، كەيىن دەنساۋلىعىنا بايلانىستى كارل ماركس اۋىلىنا كەشىپ كەلدىك.

سول جەردە 1949 جىلى الدىنداعى ءۇش قىزدان كەيىن ومىرگە ءبىزدىڭ باۋىرىمىز قىرىقباي كەلدى. اكەمىزدىڭ قىرىقتىڭ ۇستىنە شىعىپ جاتقان كەزى ەدى. ىرىمداپ، نارەستەگە قىرىقباي دەگەن ەسىم بەردى. باۋىرىمىزدى اياعىن جەرگە تيگىزبەي كوتەرىپ، باقتىق.
قىرىقبايدىڭ ءبىلىمى جوعارى. قازاق پوليتەحنيكالىق ينستيتۋتىن تامامداعان. ەڭبەك جولى الماتى­ قالاسىنداعى اۆتوموبيل جوندەۋ ­زاۋىتىندا 1967 جىلى باستالىپ، وسى زاۋىتتىڭ قابىرعاسىندا وتكەن ون جىل كولەمىندە جۇرگىزۋشى، باس ديسپەتچەر، ينجەنەر-تەحنولوگ بولىپ ەڭبەك ەتتى. ودان كەيىنگى ەڭبەك جولى №2588 اۆتووتريادتىڭ باستىعى، «ترانسسەلحوزتەحنيكا» كاسىپورنىندا اۆتوماشينالار كولونناسىنىڭ باستىعى لاۋازىمىندا جالعاستى.
1980 جىلدارى قاپشاعاي قالاسىنا قونىس اۋدارعان سوڭ، قاپشاعاي جولاۋشىلار تاسىمالداۋ پاركىنىڭ پايدالانۋ ءبولىمى باستىعىنىڭ ورىنباسارى، اعا ينجەنەر، باس ينجەنەر، وسى پاركتىڭ باسشىسى قىزمەتتەرىندە بولدى.
شەڭگەلدى اۋىلىنىڭ اكىمدىك وكرۋگىندە ەڭبەك ەتكەن جىلدارى ءبىر توبە. كەيىنگى جىلدارى «قاپشاعاي كوركەيتۋ»، «قاپشاعاي سۋ قۇبىرى» كاسىپورىن­دا­رىندا باسشىلىق جۇمىستاردا ەڭبەك ەتتى.
قاپشاعاي قالاسىنىڭ قۇرمەتتى ازاماتى. وبلىستىق ءماسليحاتىنىڭ دەپۋتاتى بولىپ سايلانعان. جانى تازا، قاراپايىم ازاماتتىڭ ءجۇرىپ وتكەن عۇمىر جولى كەيىنگى ۇرپاققا ۇلگى بولارلىق.
اتا-تەكتىك قاسيەت دەگەن دۇنيە بار. اكەمنەن قالعان ادالدىق، ادەپتىلىك، قارا­پايىمدىلىق قاسيەتتەرى باۋىرى­مىز­دىڭ بويىنا اينىماي دارىپتى. اكە الدىنداعى پەرزەنتتىك بورىشتى جەتە سەزىندى مە، بۇكىل عۇمىرىندا اكە اتىن بيىك ۇستاۋعا، ونىڭ اتىنا كىر كەلتىرمەۋگە تىرىستى. ۇلكەن-كىشىگە قامقور، دوس-جارانعا ادال بولا ءبىلدى. ءوز باۋىرلارىنا، قارىنداستارىنا دەگەن اعالىق مەيىرىمى بەلەك ەدى. ءىنىسى باۋىرجاننىڭ وتباسىنا قاپشاعايدان ءۇي سالىپ، بالا-شاعاسىمەن كەشىرىپ اپاردى. بالالارىن جۇمىسقا ورنالاستىردى.
ءىنىم جىبەكتەي مىنەزىمەن، جايدارى كەڭىلىمەن ۇلكەنگە ءىنى، كىشىگە اعا، اعايىنعا باۋىر بولا ءبىلدى. وسى اسىل قاسيەتتەرىنىڭ ارقاسىندا ءوز ورتاسىندا ۇلكەن بەدەلگە يە بولدى. تويلاردا، تۋعان كۇندەردە، مەيرامداردا ءشامشىنىڭ اندەرىن جاقسى ورىندايتىن. ءقازىر سول كۇندەردى ساعىنىپ ءجۇرمىز.
وتباسىمىزدىڭ بايتەرەگى، سۇتتەي ۇيىپ وتىرعان بەرەكەلى شاڭىرا­عى­مىز­دىڭ وتاعاسى، ەلى قۇرمەتتەگەن ازا­ماتى، ارداقتى اكە، اياۋلى جار، قامقور ءىنىمدى سۇم اجال ورتامىزدان جۇلىپ، جەر-انا ءوز قوينىنا الدى. بالالارىنىڭ ءبارىن دە ازاماتتىق جاسقا جەتكىزىپ، ءبىر باستارىن ەكەۋ ەتىپ، ەندى سولاردىڭ قىزىعىن قىزىقتايتىن شاقتا كەتتى. اتتەڭ-اي دەيسىڭ! وكىنىشسىز ءولىمنىڭ جوقتىعى تاعى ءبىر رەت دالەلدەنگەندەي بولدى. سول وكىنىش وزەگىمىزدى ورتەيدى. ومىردەن كەتسە دە، كوڭىلدەن كەتكەن جوق. ەندى ماعان ونداي باۋىردى كىم تاۋىپ بەرەدى، قايدان تابامىن؟!
وسى جاسقا جەتكەندە باۋىرىم قىرىقبايدان ايىرىلىپ قالام دەپ ويلادىم با؟! راس، ولمەيتىن ادام بولمايدى. اجال جەتسە، ارتىمدا باۋىرىم بار، ارۋلاپ قويار دەگەن پەندەشىلىك ءۇمىتتىڭ جەتەگىندە جۇرەتىنمىن. سويتكەن باۋىرىمنان ماعان ءبىر ۋىس توپىراق بۇيىرماي، ارتىندا اڭىراپ مەن قالعاندايمىن. زيراتىنىڭ باسىنا تەلمىرتىپ قويعانىن اللا تاعالانىڭ قۇدىرەتى دەمەسكە شاراڭ جوق.
بۇگىن ويىم ون تاراۋعا، سانام سان تاراۋعا كەتىپ، قولعا العان دۇنيەم قولىمنان شىعىپ، قاناتىم قىرقىل­عانداي كۇيدە ءجۇرمىن. اربانىڭ سوڭعى دوڭگەلەگىندەي، سوڭىما ەرگەن تۇياعىم مەنى ء«الى دە بولسا ءومىر سۇرە بەرسىن» دەدى مە ەكەن، اربانىڭ الدىڭعى دوڭگەلەگىنە اينالىپ، اتا-بابالارى كەتكەن ۇلى كوشكە مەنەن بۇرىن بارىپ قوسىلدى. ونىڭ جوقتىعىن قاتتى سەزىنىپ ءجۇرمىن. اكەمىز بەن شەشەمىزدىڭ بەرگەن تاربيەسىنە بەرىكتىگى بولار، مەنىڭ بەتىمە تىكە قاراپ، قارسى ءسوز ايتپاعان كۇيىندە كەتتى، قۇلىنىم. از سويلەپ، كوپ نارسەنى ىشتەي ويلايتىن.
ءبىر ۇيدە ءبىر بالا بولسا دا، ون بالا بولسا دا، ءار بالانىڭ ورنى بولەك ەكەن. قىرىقبايدىڭ ورنى، راسىندا، ءبارىمىز ءۇشىن بولەك ەدى. وزىمىزگە ۇلكەن مەدەت بولاتىن. اكەمىزدەن قالعان ءبىر ءۇيدىڭ، ءبىر شاڭىراقتىڭ، ءبىر اۋلەتتىڭ بايتەرەگى ەدى. امال نە، اششى زاپىرانداي وزەكتى ورتەگەن اششى شىندىق جانىمىزدى جەپ بارا جاتقان سەكىلدى.
ايتىپ-ايتپاي نە كەرەك، اللانىڭ جازعانىنا كونىپ، ارتىندا باۋىرلارى، جارى، بالالارى مەن نەمەرەلەرى قالدى. كوزدەن كەتسە دە، كوڭىلدەن ەش ۋاقىتتا كەتپەيتىنى مەن ءۇشىن اقيقات بولىپ قالماق. جۇرەگىم سوعۋىن توقتاتقانشا قۇلىنىمنىڭ جارقىن بەينەسى كوز الدىمدا تۇرارى انىق. وعان دەگەن باۋىر­مالدىق ىقىلاس-نيەتىمدى، سۇيىسپەن­شى­لىگىمدى انا دۇنيەگە وزىممەن بىرگە الا كەتەرمىن.
باۋىرىم ءتىرى بولعاندا بيىل 70-كە تولار ەدى. جاتقان جەرى جايلى، توپىراعى تورقا، يمانى جولداس بولسىن! نۇرىڭ پەيىشتە شالقىسىن، جانىم!

اسىلايىم سارسەبەكقىزى،
اپكەسى

الماتى وبلىسى


كەلۋ قاينارى: http://www.elarna.net/koru.php?tur=9&id=1058078

پىكىرلەر:

juz dep sifirmen jazingiz.