كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23982481239 %61 %

كۇلدىرە وتىرىپ وي سالعان — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 12:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى­ 74-ماۋسىمىن اشتى. بۇل ماۋسىم كورەرمەنىمەن رەجيسسەر ەرجان قاۋلانوۆتىڭ قويۋىمەن، اعىلشىن دراماتۋرگى رەي كۋنيدىڭ «№13» كومەدياسىنىڭ پرەمەراسىمەن قاۋىشتى. ايگىلى شىعارمانى اۋدارعان – ەركىن جۋاسبەك.
كۇتپەگەن قىزىقتار مەن توسىن سىيلارعا تولى ماۋسىماشارعا قازاقستاننىڭ ەڭبەك سىڭىرگەن قايراتكەرلەرى، زيالى قاۋىم وكىلدەرى، پروديۋسەرلەر، ەسترادا جۇلدىزدارى مەن تەاتردىڭ ارتىستەرى جانە تەاتردىڭ ارنايى شاقىرعان قۇرمەتتى قوناقتارى مەن باق وكىلدەرى قاتىستى. الدىمەن قوناقتاردى قۇرمەتتەپ، قىزىل كىلەممەن ءجۇرىپ ءوتۋ ءراسىمىن جاسادى. ودان كەيىن كورەرمەنگە ارنالعان شاعىن مەرەكەلىك كونتسەرت ۇيىمداستىرىلىپ، ادەتتەگى ۋاقىتتا قالىڭ كوپشىلىك تەاتر ­زالىنا جايعاستى.

رەي كۋنيدىڭ «№13» كومەدياسى تەاترعا كەلگەن كوپشىلىكتىڭ ىقىلاسىنا ­بو­لەنىپ، بىردە كۇلكى، بىردە وي سالىپ وتىردى. وقيعالارىنىڭ وتى تەز تۇتانىپ، ­بى­رىنەن كەيىن ءبىرى جالعاسىپ، شيلەنىسكەن وقيعا جەلىسى كورەرمەندى سەندىرۋگە تىرىستى. قويىلىمدا ريچارت ۋيللي ءرولىن سومداعان ماقسات ءسابيتوۆتىڭ اكتەرلىك شەبەرلىگى ءساتتى شىعىپ، كوپشىلىكتىڭ ريزاشىلىعىنا بولەندى. ال دجەين ۋورزينگتون رولىندەگى ايدا جانتىلەۋوۆا كومەديا جانرىنا ءتان وبرازى مەن قىلىعىن اشا تۇسەدى. دجوردج پيگدەندى سومداعان ەربول سادىربايدىڭ ءرولى سەنىمدى ءارى جوعارى دەڭگەيدە شىققان. بۇل جولى اكتەر ەربول سادىرباي ءوزىنىڭ ناعىز ءرولىن تاپقانداي جاڭا قىرىنان اشىلا تۇسكەن.

الەمدىك تەاترلاردا كاسسالىق سپەكتاكلگە اينالعان رەي كۋنيدىڭ «№13» كومەدياسى قازاق تىلىندە سويلەگەندە دە ءتۇپنۇسقاعا ۇقساۋعا تىرىسقان. دەگەنمەن، رەجيسسەرلىك كوزقاراس پەن وزگەرىستەر قازاقتىڭ بولمىسىنا ىڭعايلانادى. ءبىر عانا بولمەدە مىڭ ءتۇرلى باعىتتا ءوربيتىن وقيعا جەلىسىن رەجيسسەر ­ەرجان قاۋلانوۆ قازاق كورەرمەنىنە ­شىنايى بەرۋگە تىرىسقان.
يرونيالىق ساتيراعا باي رەي كۋ­نيدىڭ «№13» كومەدياسى بالالار مەن جاسوس­پىرىمدەرگە ارنالعان تەاتردا قالاي ساحنالانادى ەكەن دەگەن قىزىعۋشىلىق كوپشىلىكتىڭ كوكەيىندە تۇرعانى راس. ال قويىلىم باستالعاندا شىمىلدىق اشىلىسىمەن-اق ساحنالىق دەكوراتسيانىڭ ءوزى كورەرمەندى بىردەن باۋراپ الدى. قالتالى ازاماتتار توقتايتىن قىمبات ءارى ادەمى ءقوناقۇيدىڭ №13 بولمەسى: ەسىك-تەرەزە، شكاف، ءقوناقۇي جيھازدارى ءبارى دە ءوز ورنىن تاۋىپ ورنالاستىرىلعان ەكەن. وزگەرمەيتىن وقيعا ورنىن كەسكىندەۋگە سپەكتاكلدىڭ سۋرەتشىسى ايدانا بيسەمباەۆا بار ونەرىن سالعانى كورىنىپ تۇر.
– ماۋسىمنىڭ اشىلۋىن «№13» ­كومەديا قويىلىمىنان باستاعاندى ءجون كوردىك. ويتكەنى مۇنداي مەرەكەلىك كەشتەردە كورەرمەن كوڭىل كوتەرسەم، سەرگىپ قايتسام دەپ كەلەدى. سوندىقتان ماۋسىمنىڭ اشىلۋى­نا وسى قويىلىمدى تاڭدادىق. كورەرمەن كومەديانىڭ ايتار ويىن ىزدەمەۋى كەرەك. جالپى­ كومەديا جانرى جەڭىل، كوڭىل سەرگىتەتىن بولۋى ءتيىس. ال ءبىزدىڭ «قۇپيا»، «ادام-زات» سياقتى وي سالار سپەكتاكلدەرىمىز الداعى ۋاقىتتا دا جالعاسىن تابادى. تەاترىمىزدىڭ جاڭالىقتارى وتە كوپ. كورەرمەندى ماۋ­سىم­ بويى ونەرمەن سۋسىنداتساق دەپ وتىرمىز. باسشى رەتىندە تەاتر ارتيستەرىن شىڭداعانىم بولماسا، وزگەرتۋگە قاقىم جوق. ءبىزدىڭ ارتيستەر ونەردىڭ كەز كەلگەن ايدىنىندا جۇزە الادى، – دەدى تەاتردىڭ ­ديرەكتورى ازامات ساتىبالدى.
سونداي-اق تەاتر ديرەكتورى ارتيستەردىڭ قوسىمشا تابىس تابۋىنا ەش كەدەرگى كەلتىرمەيتىنىن، ارتيستەر تەاتردا عانا ەمەس، كينو سالاسىندا دا، توي بيزنەسىندە دە باعىن سىناپ كورە الاتىنىن اتاپ ءوتتى.
رەي كۋنيدىڭ «№13» كومەدياسى قازاقشا «سويلەگەندە» قازاق كورەرمەنى قۋاندى. ەكى ساعاتقا جۋىق ۋاقىت كۇلكىگە قارىق بولىپ، ناعىز كومەديالىق ويىندى تاماشالادى. ەڭ باستىسى، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى ارتيستەرى سەندىرە الدى. انشلاگپەن وتكەن پرەمەرادا «ەندى نە بولار ەكەن» دەپ، دەمىن ىشىنە تارتىپ، وقيعانىڭ ىشىندە جۇرگەن كورەرمەندى ءبىر ساتكە بولسىن ءوز الەمىنە باۋراي الدى. ونىڭ دالەلى قويىلىمنان كەيىنگى كورەرمەننىڭ ىقىلاسى بولسا كەرەك.

اقبوتا قۋاتوۆا
«انا ءتىلى»


كەلۋ قاينارى: http://www.elarna.net/koru.php?tur=9&id=1058074

پىكىرلەر:

juz dep sifirmen jazingiz.