كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221249412632 %68 %

نۇر-سۇلتان قالاسىن توپ-50 تۋريستىك باعىت قاتارىنا ەنگىزگىمىز كەلەدى - مامين


ءتۇرى: قازاقپارات جاڭالىقتارى

ۋاقىتى: 11:54 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
نۇر-سۇلتان قالاسىن توپ-50 تۋريستىك باعىت قاتارىنا ەنگىزگىمىز كەلەدى - مامين

نۇر-سۇلتان. قازاقپارات – ەلوردادا بۇكىلالەمدىك تۋريستىك ۇيىمىنىڭ (UNWTO) قالا تۋريزمىنە قاتىستى VIII جاھاندىق ءسامميتى باستالدى، دەپ حابارلايدى قازاقپارات ءتىلشىسى.

جيىنعا الەمنىڭ 80 ەلىنەن 1400 قاتىسۋشى جينالدى. ولاردىڭ اراسىندا تانىمال ساۋلەتشىلەر، جۋرناليستەر جانە مەملەكەتتىك، تۋريستىك ۇيىمداردىڭ وكىلدەرى بار.

«بۇگىنگى سامميت – تۋريستىك يندۋستريانى دامىتۋداعى ماڭىزدى پلاتفورما. قازىرگى ۋاقىتتا تۋريزم جاھاندىق جالپى ىشكى ءونىمنىڭ 10%، جۇمىس ورىندارىنىڭ 10% جانە بارلىق يندۋستريانىڭ 5% قۇرايدى. جاھاندىق نارىقتا تۋريزم يندۋسترياسى قارقىندى دامىپ كەلەدى. سوڭعى 10 جىلدا تۋريستەر سانى ارتتى. بۇل، ءتۋريزمدى ناسيحاتتاپ وتىرعان مەملەكەتتەردىڭ ەكونوميكاسى ءۇشىن ماڭىزدى. سوڭعى ۋاقىتتا اتالمىش سالا قالالاردىڭ تۇراقتى دامۋىنا كومەكتەسكەنىن كورىپ وتىرمىز. ءبىزدىڭ دە الەۋەتتى ارتتىرا ءتۇسۋ تۋرالى ماقساتىمىز بار. ەلىمىزدە جانە قالالارىمىزدا ءتۋريزمدى دامىتۋ ءۇشىن حالىقارالىق ۇيىمدار مەن حالىقارالىق كومپانيالاردى تارتقىمىز كەلەدى»، - دەدى قر پرەمەر-مينيسترى اسقار مامين ءساميتتىڭ اشىلۋىندا.


قر پرەمەرى قازاقستان ۇكىمەتى 2019-2025 جىلدارعا ارنالعان ءتۋريزمدى دامىتۋ باعدارلاماسىن ازىرلەگەنىن ەسكە سالدى.

«باعدارلاماعا سايكەس، جىو-دەگى تۋريزم ۇلەسىن ارتتىرعىمىز كەلەدى. ونىڭ ەكونوميكا دامۋىنا ەلەۋلى ۇلەس قوسقانىن قالايمىز. ءتۋريزمدى دامىتۋ ءۇشىن مەملەكەتتىك سەكتوردان دا، جەكە سەكتوردان دا قارجىلاندىرۋ قاجەت. الايدا، بۇل سالادا ۇلكەن باسەكەلەستىك بار ەكەنىن دە تۇسىنەمىز. نۇر-سۇلتان قالاسىنىڭ ەڭ ۇزدىك 50 تارتىمدى تۋريستىك باعىتتىڭ قاتارىنا ەنۋىن قالايمىز. وعان ءتۇرلى كەدەرگىلەردىڭ بار ەكەنىن بىلەمىز. وسىعان بايلانىستى، نۇر-سۇلتان قالاسىن ءتۋريزمدى دامىتۋداعى نەگىزگى قالا رەتىندە بەكىتكىمىز كەلەدى»، - دەدى پرەمەر-مينيستر.


ونىڭ ايتۋىنشا، ەلوردادا قۇرىلىسقا سالىنعان ينۆەستيتسيا كولەمى ارتىپ، 3،3 ترلن تەڭگەگە نەمەسە 50 ملرد دوللارعا جەتكەن.

«سونىمەن بىرگە، ءبىز قالا دامۋى ءۇشىن زاڭنامالىق بازانى دامىتامىز. نۇر-سۇلتان «اقىلدى تەحنولوگيالاردى» دامىتۋداعى باستى كۇشكە اينالىپ كەلەدى. ەلوردا الەمنىڭ ەڭ نەگىزگى 10 قالاسى رەتىندە دامىپ كەلەدى دەپ ايتۋعا بولادى»، - دەپ اتاپ ءوتتى ا. مامين.

ايتا كەتەيىك، قالا ءتۋريزمى جونىندەگى UNWTO VIII جاھاندىق سامميتىندە «اقىلدى قالالاردى» دامىتۋ ارقىلى قالانىڭ وزەكتى ماسەلەلەرىن شەشۋ، قالانى باسقارۋ، تۇراقتى دامۋ، يننوۆاتسيالار مەن تەحنولوگيالار تاقىرىپتارى تالقىلانادى.



كەلۋ قاينارى: http://www.elarna.net/koru.php?tur=3&id=1058066

پىكىرلەر:

juz dep sifirmen jazingiz.