كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23587359638 %62 %

پاتەر يەلەرى كووپەراتيۆتەرىنىڭ جۇمىسى وزگەرەدى


ءتۇرى: قازاقپارات جاڭالىقتارى

ۋاقىتى: 11:39 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدى قازاقپارات ءتىلشىسى.

قر يندۋستريا جانە ينفراقۇرىلىمدىق دامۋ ءمينيسترىنىڭ مىندەتىن اتقارۋشى قايىربەك وسكەنباەۆتىڭ ايتۋىنشا، زاڭ جوباسى كەلەسى نەگىزگى ماسەلەلەردى شەشۋگە باعىتتالعان، ياعني ء«بىر ءۇي - ءبىر بىرلەستىك - ءبىر شوت» قاعيداسى بويىنشا «مۇلىك يەلەرىنىڭ بىرلەستىگى» كوممەرتسيالىق ەمەس ۇيىمنىڭ جاڭا نىسانىن قۇرۋ ارقىلى باسقارۋ ورگاندارىنىڭ قىزمەتىن رەتتەۋ. ۇسىنىلعان پرينتسيپ ءار ءۇيدى باسقارۋدىڭ جەكە ءتاسىلىن قاراستىرادى. مۇلىك يەلەرىنىڭ ءاربىر بىرلەستىگى وزدەرىنىڭ اعىمداعى جانە جيناقتاۋشى شوتتارىن اشاتىن بولادى. اتالعان شارا پاتەر يەلەرى كووپەراتيۆتەرى جانە باسقارۋشى كومپانيالار تاراپىنان قىزمەتتەر مەن تاريفتەردىڭ تۇرعىندارعا جۇكتەلمەۋىن جانە قارجىلارىنىڭ اشىق جۇمسالۋىن قامتاماسىز ەتەدى.

سونداي-اق، تۇرعىندارعا باسقارۋ ءتاسىلىن، ياعني وزدەرىنىڭ باسقارۋ ورگاندارى نەمەسە باسقارۋشىلىق كومپانيالار ارقىلى تاڭداۋ قۇقىعىن جاساۋعا مۇمكىندىك بەرەدى. باسقارۋشىلىق كومپانيالار كەلىسىمشارت نەگىزدە تارتىلاتىن بولادى.

«بۇدان بولەك، كوندومينيۋم نىسانىنىڭ ورتاق مۇلكىنە كۇردەلى جوندەۋ جۇرگىزۋدىڭ جاڭا تەتىگىن ەنگىزۋ ەسكەرىلگەن. بۇل تۇرعىندارعا قاراجاتتىڭ ءتۇسۋىن جانە ماقساتتى جۇمسالۋىن باقىلاۋ ارقىلى وزدەرىنىڭ ۇيىنە عانا كۇردەلى جوندەۋگە قاراجات جيناۋعا مۇمكىندىك بەرەدى. كۇردەلى جوندەۋ جۇرگىزۋگە قاراجات جيناقتاۋ جانە جەڭىلدەتىلگەن قارىز الۋ مەحانيزمى ازىرلەندى»، - دەدى ول.

بۇل سحەماعا جەرگىلىكتى اتقارۋشى ورگاندار دا قاتىسادى، ولار باسقارۋ ورگانىنىڭ ءوتىنىشى بويىنشا كۇردەلى جوندەۋ جۇرگىزۋ قاجەتتىلىگى تۋرالى شەشىم قابىلدايدى، جوبالىق-سمەتالىق قۇجاتتامانى ازىرلەۋدى ۇيىمداستىرادى، تەحنيكالىق تەكسەرۋ جانە ەنەرگيا ءاۋديتىن جۇرگىزەدى.

سونىمەن قاتار، باسقارۋ ورگاندارى قىزمەتىنىڭ اشىقتىعىن ارتتىرۋ باعىتىندا زاڭ جوباسىندا بارلىق قاتىسۋشىلار ءۇشىن بيزنەس-پروتسەستەردىڭ اشىقتىعىن قامتاماسىز ەتەتىن تۇرعىن ۇي-كوممۋنالدىق شارۋاشىلىعىنىڭ اقپاراتتىق جۇيەسىن قۇرۋ كوزدەلگەن.


كەلۋ قاينارى: http://www.elarna.net/koru.php?tur=3&id=1058053

پىكىرلەر:

juz dep sifirmen jazingiz.