كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217284223 %77 %

ماڭعىستاۋ وبلىسىندا تسيفرلاندىرۋ سالاسىندا 30 جوبا جۇزەگە اسىرىلدى  - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 11:20 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.



ماڭعىستاۋ وڭىرىندە «تسيفرلىق قازاقستان» باعدارلاماسى بويىنشا 30-دان استام جوبا ناتيجەلى جۇزەگە اسقان.

جىل سوڭىنا دەيىن اقتاۋدا تاعى ءۇش يننوۆاتسيالىق باستاما قولدانىسقا بەرىلمەك. تسيفرلىق ۇلگىدەگى قۇرال-جابدىقتار قالا قاۋىپسىزدىگىن ارتتىرۋعا دا سەپ بولىپ وتىر. ءقازىر وبلىس ورتالىعىندا 600 بەينەباقىلاۋ كامەراسى بار. وسى تەكتەس 150 قۇرىلعىنى جاڭاوزەن كوشەلەرىنەن كورۋگە بولادى. سمارت-جوبالار مۇنىمەن شەكتەلمەيدى. بيىل قالا تۇرعىندارى «109» ءبىرىڭعاي ديسپەتچەرلىك ورتالىعىنىڭ قىزمەتىن قولدانا باستايدى.

سوڭعى جىلدارى كاسپي جاعاسىنداعى شاھارعا «Smart City» جوباسىنىڭ ەلەمەنتتەرى قارقىندى ەنگىزىلىپ كەلەدى. وتاندىق تەلەوپەراتور مەن ايماق اكىمدىگى اراسىندا ارىپتەستىك مەموراندۋم بەكىگەن. ونىڭ اياسىندا جۇزەگە اسقان يننوۆاتسيالىق باستامالاردىڭ شاراپاتىن تۇرعىندار كورىپ وتىر. ماسەلەن، ونلاين رەجيمدەگى بەينەباقىلاۋ جۇيەسى قالا اۋماعىندا كەڭ قولدانىستا. بۇل قۇرىلعىلار كىسى كوپ جۇرەتىن ورىندار مەن جاعاجايلاردا زاڭبۇزۋشىلىقتاردىڭ جولىن كەسۋگە ىقپال ەتىپ وتىر.

نۇرسۇلتان قىناتوۆ، قالالىق پوليتسيا باسقارماسى جپپ ينسپەكتورى:

– تەڭىز جاعالاۋىندا ورناتىلعان بەينەباقىلاۋ ارقىلى تاۋلىگىنە 24 ساعات جاعاجاي قاۋىپسىزدىگىن باقىلاپ وتىرامىز. وسى تسيفرلىق قۇرىلعى ارقىلى سۋعا باتىپ جاتقان ادامدارعا جەدەل كومەك جىبەرە الامىز. بۇل قۇرىلعىنىڭ ۇزاقتىعى 350 مەترگە دەيىن الادى جانە 360 گرادۋسقا اينالىپ كورسەتىپ بەرە الادى.

تۋريستىك الەۋمەتى جىل ساناپ دامىپ كەلە جاتقان قالا جاعاجايىنا جىلدىڭ باسىنان بەرى تەگىن Wi-Fi تاراتۋ قۇرىلعىلارى قويىلا باستادى. سونداي-اق التى ايالدامادا تسيفرلىق كىتاپحانالار پايدا بولدى. مۇندا قازاق جازۋشىلارىنىڭ شىعارمالارى ساندىق ۇلگىدە جازىلعان. سونداي-اق الەم ادەبيەتىنىڭ وزىق تۋىندىلارىن سمارتفون كومەگىمەن وقۋعا بولادى. اقتاۋلىقتار ەندى «109» ءبىرىڭعاي ديسپەتچەرلىك ورتالىعىنىڭ ىسكە قوسىلۋىن كۇتىپ ءجۇر.

ادىلەت قياسوۆ، وبلىس اكىمى اپپاراتى جانىنداعى تسيفرلاندىرۋدى دامىتۋ ءبولىمىنىڭ جەتەكشىسى:

– ءبىزدىڭ تۇرعىندارىمىز وزدەرىنىڭ تۇرمىستىق جاعدايلارى بويىنشا تۋىنداعان سۇراقتارىن «109» نومەرى ارقىلى شەشە الادى. مىسالى، جارىقتىڭ ءوشۋى، ءليفتىنىڭ جۇمىس جاساماي قالۋى، سۋدىڭ توقتاپ قالۋى سۇراقتارى بويىنشا ءار ءتۇرلى جەلىلەرگە قوڭىراۋ شالاتىن بولسا، كەلەر جىلدان باستاپ تەك قانا ءبىر «109» نومىرىنە سوعىپ، بارلىق سۇراقتارىن شەشە الادى.

اقتاۋدى تسيفرلاندىرۋعا باعىتتالعان تىڭ جوبا قاراشا ايىندا سىناق تۇرىندە ىسكە قوسىلۋى ءتيىس. ەلەكتروندى كورسەتىلەتىن قىزمەت ءتۇرى كەلەر جىلى وڭىرگە قاراستى ەكى قالا مەن بەس اۋدان تۇرعىندارىنا دا قولجەتىمدى بولماق.

اۆتورلارى: تالعات يسلامۇلى، سالامات بەكباەۆ


كەلۋ قاينارى: http://www.elarna.net/koru.php?tur=38&id=1058042

پىكىرلەر:

juz dep sifirmen jazingiz.