كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217283923 %77 %

ەلوردادا اۆتوبۋس جولاۋشىلارى ەندى بانك كارتاسىمەن اقى تولەيدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 11:10 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.



نۇر-سۇلتاندا اۆتوبۋس جولاۋشىلارى ەندى بانك كارتاسىمەن اقى تولەيدى.

ال كولىك جۇرگىزۋشىلەرى «Smart Astana» موبيلدىك قوسىمشاسى ارقىلى ايىپپۇلدارىن وتەۋگە مۇمكىندىك تۋادى. اقىلدى قالا تۇجىرىمداماسى بويىنشا باس قالادا جاڭا قىزمەت تۇرلەرى پايدا بولدى.

ەلوردا سمارتفونداعى قالاعا اينالادى. الەمدەگى الدىڭعى قاتارلى 50 شاھاردىڭ ءبىرى اتانۋ ءۇشىن ەڭ الدىمەن وسى بەلەستى ەڭسەرۋ قاجەت. باتىل ءارى ءورشىل قادام. دۇنيەجۇزىلىك اقىلدى قالالار يندەكسىندە سينگاپۋر كوش باستاپ كەلەدى. باسقارۋدى دامىتۋ حالىقارالىق ينستيتۋتى جۇرگىزگەن زەرتتەۋ بويىنشا العاشقى وندىققا تسيۋريح، وسلو، جەنەۆا، كوپەنگاگەن سىندى قالالار دا كىرەدى. ال ەلوردا سينگاپۋر جانە ەۋروپا ەلدەرىنىڭ تاجىريبەسىن ۇشتاستىردى. حالىققا ەڭ قاجەتتى 70 قىزمەت ءتۇرىن ءموبيلدى قوسىمشاعا بىرىكتىردى.

اسەل ءالىمحانوۆا، «استانا Innovations» اق ءباسپاسوز حاتشىسى:

– ءموبيلدى قوسىمشا ارقىلى دارىگەردىڭ قابىلداۋىنا جازىلا الاسىز. سونداي-اق سالىق تولەمدەرى جونىندە بارلىق مالىمەتتەرمەن تانىساسىز. جەكە سايكەستەندىرۋ نومەرىن ەنگىزسەڭىز بولعانى. جاقىن ارادا ايىپپۇل تولەۋ جۇيەسى پايدا بولادى. ءقازىر سوڭعىسى مەملەكەتتىك ورگاندارمەن تەكسەرىلىپ جاتىر.

«Smart Astana» ارقىلى ەندى ءبىرىڭعاي جيىنتىق تولەم جاساۋعا دا بولادى. ياعني ءوزىن-وزى جۇمىسپەن قامتىعان ازاماتتار ءۇشىن ەڭ ءتيىمدى جۇيە. كەز كەلگەن بانك كارتاسى قولدانىلادى. شاھاردا بۇل موبيلدىك قوسىمشادان بولەك، زياتكەر كولىك جۇيەسى ەنگىزىلدى. بانك كارتاسىمەن دە جول اقىسىن تولەي الاسىز.

دامير بايبوسىنوۆ، قالالىق ينۆەستيتسيالار جانە كاسىپكەرلىكتى دامىتۋ باسقارماسىنىڭ باس مامانى:

– «تسيفرلىق قازاقستان» بويىنشا نەگىزگى 5 باعىت انىقتالدى. ولار قاۋىپسىزدىك، ءبىلىم، دەنساۋلىق ساقتاۋ، تۇرعىن ءۇي شارۋاشىلىق جانە كولىك سالاسى. بيىل ءبىز ۆيزا جانە ماستەر كارت كارتوچكاسى بويىنشا تولەۋدى جوسپارلاپ وتىرمىز.

قالادا «Smart city» تۇجىرىمداماسىنىڭ ەنگىزىلگەنىنە 2 جىلدان استى. وسى ۋاقىت ارالىعىندا قاۋىپسىزدىككە باسا ءمان بەرىلدى. 13 مىڭداي بەينەباقىلاۋ كامەراسى ورناتىلدى. ءبىراق سول يننوۆاتسيالىق تەحنولوگيالاردى كوپشىلىك بىلە بەرمەيدى. حالىقتىڭ نازارىن جاڭاشىلدىققا كوبىرەك اۋدارۋ ءۇشىن ىنتالاندىرۋ ءتاسىلى ەنگىزىلدى. ەگەر ءموبيلدى قوسىمشانى ءجيى قولدانساڭىز، ارنايى سىيلىق نەمەسە تەاترعا بيلەت ۇتىپ الاسىز.

اۆتورلارى: راۋان مىڭباەۆ، ەربول دايىروۆ


كەلۋ قاينارى: http://www.elarna.net/koru.php?tur=38&id=1058032

پىكىرلەر:

juz dep sifirmen jazingiz.