كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217284223 %77 %

ادامزات ومىرلىك ماڭىزى زور ەلەمەنتتەن ءبىرجولا ايىرىلعالى تۇر


ءتۇرى: Islam.kz رۋحاني اقپاراتتارى

ۋاقىتى: 11:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
ادامزات ومىرلىك ماڭىزى زور ەلەمەنتتەن ءبىرجولا ايىرىلعالى تۇر

كۇللى الەمنىڭ نازارى جاھاندىق جىلىنۋ مەن كليمات وزگەرىسى جانە وزگە دە ەكولوگيالىق پروبلەمالارعا اۋعانىمەن ادامزات تاعى ءبىر ءقاۋىپتىڭ ءتونىپ كەلە جاتقانىنان حابارسىز دەسە دە بولادى. ەگەر ادامزات بۇل قاتەردى ەلەمەيتىن بولسا، بۇل كەلەر ۇرپاق ءۇشىن عالامدىق اپاتقا ۇرىندىرۋى ىقتيمال. بۇل ارادا ءتىرى اعزا ءۇشىن، سونداي-اق، ونەركاسىپ پەن اۋىل شارۋاشىلىعىنا اسا قاجەتتى فوسفور تۋراسىندا بولىپ وتىر. بۇل جايىندا ScienceAlert اقپارات كوزى حابار تاراتتى. ماسەلەنىڭ ءمانىسى سوندا – فوسفور تابيعاتتا قايتىپ ورنىنا كەلمەيتىن، ول تاۋسىلعان جاعدايدا ونىڭ ورنىن ەشتەڭمەن الماستىرۋعا كەلمەيتىن ەلەمەنت. شيكىزاتتىڭ وسىناۋ ءتۇرىنىڭ قورى جىلدان جىلعا تاۋسىلىپ بارادى. 40 ادامنان تۇراتىن حالىقارالىق ساراپشىلار توبى ەسكەرتكەندەي، ماڭىزدى ەلەمەنتتىڭ قورى، ادامزات وسى ءوندىرۋ قارقىنىنان تايماسا، ارى اسسا 80 جىلدان كەيىن تاۋسىلادى. عالىمداردىڭ بۇل باعىتتا جۇرگىزگەن زەرتتەۋ ناتيجەسى Environmental Science & Technology مەرزىمدى باسىلىمىندا جاريالانعان. ستاتيستيكالىق مالىمەتكە جۇگىنسەك، فوسفور تىڭايتقىشىن ءوندىرۋ مولشەرى سوڭعى 50 جىلدا بەس ەسەگە ارتقان. ادامزات سانىنىڭ وسۋىنە قاراي 2050 جىلعا دەيىن فوسفورعا سۇرانىس ەكى ەسە ارتپاق. فوسفور داعدارىسىنىڭ الدىن الۋ ءۇشىن ادامزات وسى باستان قام جاساپ، اتالمىش مينەرالدى ءوندىرۋ مولشەرىن ازايتىپ، شەكتەۋ قويۋى كەرەك. عالىمداردىڭ ەسەبىنشە، فوسفور وندىرىسىنە بەلگىلى ءبىر شەكتەۋ قويىپ، ۇنەمدەپ پايدالانعان كۇننىڭ وزىندە ارى اسسا 400 جىلعا عانا جەتەدى ەكەن. بۇدان بولەك، فوسفوردى ۇنەمدەۋ ءۇشىن ونى قايتا وڭدەۋ جولدارىن ىزدەستىرۋ كەرەك. اسىرەسە، بۇل ماسەلەگە قىتاي جانە ءۇندىستان سەكىلدى ەكونوميكاسى قارقىندى دامىپ كەلە جاتقان، سوعان وراي فوسفورعا سۇرانىسى ارتىپ كەلە جاتقان ەلدەر نازا اۋدارۋى ءتيىس. ويتكەنى، قىتاي مەن ءۇندىستان الەم بويىنشا فوسفوردىڭ 45%-ىن تۇتىنىپ وتىر. فوسفورعا سۇرانىس ۇدايى ارتىپ كەلەدى، الايدا، ونى تۇتىنۋ مادەنيەتى ءالى قالىپتاسپاعان. ماسەلەن، تىڭايتقىش ەگىستىك القابىنان وزەن سۋىنا تاپ بولىپ، ول ءوز كەزەگىندە تەڭىزدەر مەن مۇحيتتاردى لاستايدى. بۇل ءوز كەزەگىندە تەڭىز سۋىنىڭ قىشقىلدانۋىنا الىپ كەلەدى دە تەڭىز جانۋارلارىنىڭ قىرىلۋىنا اپارىپ سوقتىرادى. ەگەر رەتسيركۋلياتسيا جۇيەسىنە كوشسەك، فوسفوردى ءبىر ەمەس، 46 رەت پايدالانۋعا بولادى ەكەن.


كەلۋ قاينارى: http://www.elarna.net/koru.php?tur=52&id=1058029

پىكىرلەر:

juz dep sifirmen jazingiz.