كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

قازاقستان-بەلارۋس ۇكىمەتارالىق كوميسسيانىڭ وتىرىسى ءوتتى


ءتۇرى: قازاقپارات جاڭالىقتارى

ۋاقىتى: 10:42 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستان-بەلارۋس ۇكىمەتارالىق كوميسسيانىڭ وتىرىسى ءوتتى

نۇر-سۇلتان. قازاقپارات – پرەمەر-مينيستردىڭ ورىنباسارى رومان سكليار قازاقستان-بەلارۋس ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ XV وتىرىسىنا قاتىستى. بۇل تۋرالى قازاقپارات primeminister.kz سىلتەمە جاساپ حابارلايدى.

قازاقستان رەسپۋبليكاسى پرەمەر-مينيسترىنىڭ ورىنباسارى رومان سكليار جانە بەلارۋس رەسپۋبليكاسى پرەمەر-مينيسترىنىڭ ءبىرىنشى ورىنباسارى الەكساندر تۋرچين باستاعان وتىرىستىڭ بارىسىندا قازاقستان رەسپۋبليكاسى مەن بەلارۋس رەسپۋبليكاسىنداعى ەكونوميكالىق احۋال تۋرالى اقپارات الماسۋ بولدى، سونداي-اق قازاقستان-بەلارۋس ساۋدا-ەكونوميكالىق ىنتىماقتاستىعىنىڭ اعىمداعى جاي-كۇيى مەن دامۋ پەرسپەكتيۆالارى تالقىلاندى.

اتاپ ايتقاندا، تاراپتار ۇاك XIV وتىرىسىنىڭ حاتتاماسىن ىسكە اسىرۋ، ەكى ەلدىڭ ۇكىمەتتەرى اراسىنداعى ىنتىماقتاستىقتى دامىتۋدىڭ 2019-2020 جىلدارعا ارنالعان ءىس-شارالار جوسپارىن ىسكە اسىرۋ بولىگىندەگى ۋاعدالاستىقتار مەن ۇسىنىمدار تۋرالى، قازاقسان مەن بەلارۋس اراسىنداعى ساۋدا-ەكونوميكالىق ىنتىماقتاستىق جانە ونى كەڭەيتۋ پەرسپەكتيۆالارى تۋرالى، ونەركاسىپتىك كووپەراتسيا مەن تەحنيكانى جەتكىزۋ سالاسىنداعى، اۋىل شارۋاشىلىعى مەن ازىق-تۇلىك ونەركاسىبى سالاسىنداعى، دەنساۋلىق ساقتاۋ سالاسىنداعى ىنتىماقتاستىق تۋرالى، مادەني-گۋمانيتارلىق سالاداعى، عىلىم، تەحنولوگيالار مەن ءبىلىم سالالارىنداعى، عارىش قىزمەتى سالاسىنداعى ىنتىماقتاستىق تۋرالى، سونداي-اق 2020 جىلى بەلارۋس اۋماعىندا جوسپارلانعان ۇكىمەتارالىق كوميسسيانىڭ XVI وتىرىسىن وتكىزۋ تۋرالى كەلىستى.

وتىرىستاعى سوزىندە رومان سكليار، قابىلدانعان شەشىمدەر قازاقستان ‒ بەلارۋس ىنتىماقتاستىعىنىڭ بارلىق باعىتتارى بويىنشا ەكىجاقتى قاتىناستاردىڭ دامۋىنا قوسىمشا تۇرتكى بەرەتىنىنە، سونداي-اق كەزەكتى رەت قازاقستان مەن بەلارۋس رەسپۋبليكاسى اراسىنداعى ديالوگتىڭ قارقىندىلىعىنىڭ بيىك دەڭگەيىن كورسەتەتىنىنە سەنىم ءبىلدىردى.

سونىمەن قاتار، رومان سكليار ەكى ەلدە جاڭا وندىرىستەر پايدا بولىپ، قازاقستان مەن بەلارۋس بىر-بىرىنە حالىقارالىق ستاندارتتارعا ساي جانە حالىقارالىق ساپا سەرتيفيكاتتارى بار جوعارى ساپالى وڭدەلگەن ءونىمدى باسەكەلەستىك باعا بويىنشا جەتكىزە الاتىنىن اتاپ ءوتتى. وسىمەن، بيزنەستى جۇرگىزۋ ءۇشىن جاسالىپ جاتقان جاعدايلار ءبىزدىڭ ەلدەردى كاسىپكەرلەر مەن ينۆەستورلار ءۇشىن تارتىمدى قىلۋعا مۇمكىندىك بەردى.


بۇگىنگى كۇندە قازاقستاندا بەلارۋستىڭ قاتىسۋىمەن 340-تان استام زاڭدى تۇلعالار، فيليالدار مەن وكىلدىكتەر جۇمىس جاسايدى. وسى جاعدايدا ۇاك مىندەتى – كاسىپورىندار مەن بيزنەس-سەرىكتەستەردىڭ ءوزارا ءتيىمدى جانە تابىستى ىنتىماقتاستىعى ءۇشىن قولايلى جاعدايلار جاساۋ.

ء

وز كەزەگىندە، بەلارۋس رەسپۋبليكاسى پرەمەر-مينيسترىنىڭ ءبىرىنشى ورىنباسارى الەكساندر تۋرچين ونەركاسىپ، اۋىل شارۋاشىلىعى، كولىك، فارماتسەۆتيكا، مەديتسينا جانە ات سالالارىنداعى بەلارۋستىق جانە قازاقستاندىق كاسىپورىنداردىڭ ىنتىماقتاستىعىن پەرسپەكتيۆتى دەپ ايتتى. بۇدان وزگە، ا. ءتۋرچيننىڭ ايتۋىنشا وندىرىستىك كووپەراتسيا ىنتىماقتاستىقتىڭ باسىم باعىتتارىنىڭ قاتارىندا قالا بەرەدى.

الەكساندر تۋرچين بىرلەسكەن ونەركاسىپتىك، عىلىمي، ينجەنەرلىك-تەحنيكالىق جانە كادرلىق الەۋەت كۇردەلى جوبالاردى، سونىڭ ىشىندە وندىرىستەردى وقشاۋلاۋدىڭ جوعارى دارەجەسىمەن ىسكە اسىرۋعا مۇمكىندىك بەرەتىنىنە سەنىم ءبىلدىردى.


كەلۋ قاينارى: http://www.elarna.net/koru.php?tur=3&id=1058018

پىكىرلەر:

juz dep sifirmen jazingiz.