كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-231043496239 %61 %

جاھاندىق باسەكەگە قابىلەتتى ەلدەردىڭ رەيتينگىندە قازاقستان 55-ورىنعا كوتەرىلدى - قازاقستان جانە الەمدەگى سوڭعى


ءتۇرى: 24.kz اقپاراتتارى

ۋاقىتى: 10:40 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
جاھاندىق باسەكەگە قابىلەتتى ەلدەردىڭ رەيتينگىندە قازاقستان 55-ورىنعا كوتەرىلدى


بيىلعى سەگىز ايدا مەملەكەت قازىناسىنا 8،4 تريلليون تەڭگە ءتۇستى.

بۇل وتكەن جىلدىڭ سايكەس كەزەڭىمەن سالىستىرعاندا 1،2 تريلليون تەڭگەگە كوپ. بيۋدجەت تۇسىمدەرىنىڭ ارتۋىنا نە سەبەپ بولدى.

مەملەكەت ءقازىناسىنىڭ ءوسۋى سالىق تۇسىمدەرىمەن تىكەلەي بايلانىستى. سوندىقتان ونىڭ ارتۋى سالىقتان تۇسكەن قارجىنىڭ كوبەيگەنىن كورسەتەدى.

بيىلعى سەگىز ايدا ونىڭ سوماسى 760 ميلليارد تەڭگەدەن اسىپ، 15 پروتسەنتتىك ءوسىم كورسەتتى. جالپى 2018 جىلى مەملەكەت بيۋدجەتىنىڭ تابىسى 10،8 تريلليون تەڭگەنى قۇرادى. ونىڭ 73 پروتسەنتى سالىق تولەمدەرىنە تيەسىلى. سالىق تۇسىمدەرىنىڭ ارتۋى ەلدەگى ءىرى كاسىپورنىداردىڭ كوبەيۋىمەن بايلانىستى. ماسەلەن، بىلتىر ەلىمىزدە 2 مىڭ 400 ءىرى كاسىپورىن تىركەلگەن. سونىڭ ىشىندەگى الپاۋىت ون كومپانيا مەملەكەتكە 4،9 تريلليونت ەڭگە سالىق تولەگەن. بيىل الپاۋىتتار قاتارى تاعى 4،6 پرتسەنتكە كوبەيدى.

قولما-قول ەمەس تولەمنىڭ ۇلەسى ارتتى

قازاقستاندا ەلەكتروندى ساۋدا اينالىمى ۇلكەيىپ بارادى. بيىلعى سەگىز ايدا قولما-قول ەمەس تولەمنىڭ ۇلەسى 7 تريلليون تەڭگەگە جەتتى. بۇل وتكەن جىلمەن سالىستىرعاندا ەكى ەسەگە كوپ. 2018 جىلى تۇرعىندار 5 جارىم تريلليون تەڭگەنى ەلەكتروندىق جۇيەنىڭ كومەگىمەن تولەگەن. ونىڭ 67 پروتسەنتتەيى ياعني 4،6 تريلليون تەڭگەسى ينتەرنەت نەمەسە ءموبيلدى قوسىمشالار ارقىلى جۇرگىزىلگەن. ال پوس تەرمينال ارقىلى 2،2 تريلليون تەڭگەنىڭ ترانزاكتسياسى جاسالدى. بانك اپپاراتتارى ارقىلى 122 ميلليارد تەڭگەگە ەسەپ ايىرىسقان. مالىمەتتەرگە قاراعاندا، قولما-قول ەمەس تولەمنىڭ 70 پروتسەنتى الماتىلىقتاردىڭ ۇلەسىندە. ال ەلوردالىقتار 597 ميلليارد تەڭگەنى ەلەكتروندى جۇيەدە تولەگەن. سونداي-اق قولما-قول ەمەس تولەمنىڭ كومەگىنە الماتى، قاراعاندى جانە اتىراۋ وبلىسىنىڭ تۇرعىندارى دا ءجيى جۇگىنەدى. Statista پورتالىنىڭ ەسەبىنشە، 2019 جىلى الەمدەگى بولشەك ساۋدانىڭ 14 پروتسەنتى قولما-قول ەمەس تولەم ارقىلى جاسالعان. 2023 جىلعا دەيىن بۇل كورسەتكىش 22 پروتسەنتكە جەتەدى دەگەن بولجام بار.

باسەكەگە قابىلەتتىلىك رەيتينگىندە قازاقستان 55-ورىندا

جاھاندىق باسەكەگە قابىلەتتى ەلدەردىڭ رەيتينگىندە قازاقستان 55-ورىنعا كوتەرىلدى. ال تمد ەلدەرىنىڭ ىشىندە رەسەيدەن كەيىنگى ەكىنشى ورىندا. تىزىمگە جەر بەتىندەگى 141 مەملەكەت ەنگەن. ولار الەم حالقىنىڭ 94 پروتسەنتىن جانە الەمدىك ىشكى جالپى ءونىمنىڭ 98 پروتسەنتىن قۇرايدى. رەيتىنگتى دۇنيەجۇزىلىك ەكونوميكالىق فورۋم ماماندارى 103 كورسەتكىش بويىنشا ەسەپتەگەن. بيىل قازاقستان 33 كورسەتكىش بويىنشا جاقساردى. 21-كورسەتكىش وزگەرىسسىز قالدى. وسىلايشا بىلتىرمەن سالىستىرعاندا ەلىمىز 4 ساتىعا جوعارىلادى. رەيتىنگتە قازاقستاننىڭ جوعارىلاۋىنا ەڭبەك نارىعى، ماكروەكونوميكالىق تۇراقتىلىق، ينفراقۇرىلىم سالالارىنىڭ باسەكەگە قابىلەتتىلىگىڭ ارتۋى اسەر ەتكەن. دەسە دە قارجى جۇيەسى مەن دەنساۋلىق ساقتاۋ سالاسى جانە يننوۆاتسيالىق مۇمكىندىكتەرى بويىنشا ءالى كەنجەلەپ كەلە جاتقانى بايقالادى. ايتا كەتەيىك، باسكەگە قابىلەتتى ەلدەردىڭ كوش باسىنا سينگاپۋر، اقش جانە گونگونگ ورنالاسقان.

قازاقستان مەن ومان سۇلتاندىعى اراسىندا اۋە قاتىناسى اشىلادى

كەلەر جىلدان باستاپ قازاقستان مەن ومان سۇلتاندىعى اراسىندا تىكەلەي اۋە رەيستەرى اشىلادى. ناقتىراق ايتساق، ناۋرىز ايىندا وماندىق «سالام ەير» اۋە كومپانياسى الماتى مەن ماسكات اراسىنا اپتاسىنا 7 رەيس جيىلىگىمەن قاتىناي باستايدى. ال كۇزدە باستاپ نۇر-سۇلتان - ماسكات قاتىناسى اشىلادى دەگەن جوسپار بار. كەلىسسوزدەردىڭ قورىتىندىسى بويىنشا ۇشۋ ءۇشىن قۇقىقتىق بازا قۇرىلدى. وعان سايكەس ەكى ەلدىڭ تاعايىندالعان تاسىمالداۋشىلارىنا اپتاسىنا 14 جولاۋشى جانە 14 تۇراقتى جۇك رەيستەرىن ورىنداۋ قۇقىعى بەرىلدى. سونىمەن قاتار ومان تارابى قازاقستان ازاماتتارى ءۇشىن ۆيزاسىز رەجيم ەنگىزۋ ماسەلەسىن قاراستىرماق. العاشقى قادام رەتىندە قازاقستاندىقتارعا ەلەكتروندىق ۆيزا الۋ مۇمكىندىگىن بەرۋدى جوسپارلاپ وتىر.

ەندى قازاقستان قور بيرجاسىنداعى ۆاليۋتا باعامىنا توقتالايىق. ەلىمىزدىڭ ۇلتتىق بانكى بەلگىلەگەن رەسمي باعام بويىنشا اقش-تىڭ ءبىر دوللارى 390 تەڭگە 9 تيىندى قۇرادى. ايىرباستاۋ بولىمشەلەرىندە دوللاردى 390-391 ساتىپ الۋعا بولادى.


كەلۋ قاينارى: http://www.elarna.net/koru.php?tur=38&id=1058017

پىكىرلەر:

juz dep sifirmen jazingiz.