كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

ەلوردادا ەل نەگە ەركىن جۇرە المايدى؟!


ءتۇرى: تۇركىستان گازەتى

ۋاقىتى: 10:30 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
ەلوردادا ەل نەگە ەركىن جۇرە المايدى؟!

مەملەكەت باسشىسى ەلوردانى ودان ءارى دامىتۋ جونىندە جيىن وتكىزىپ، ءبىرقاتار ناقتى تاپسىرما بەردى. قاسىم-جومارت توقاەۆ سوڭعى 10 جىلدا ەلورداعا تارتىل­عان ينۆەستيتسيا كولەمى­نىڭ ازايىپ كەتكەنىنە نازار اۋداردى. مەم­لە­كەت باسشىسى قالا اكىم­دىگى مەن سىرتقى ىستەر  مينيسترلىگىنە وسى باعىت­تاعى جۇمىستى جانداندىرىپ، جۋىق ارادا ناقتى ناتي­جە­لەرگە قول جەتكىزۋدى تاپسىردى.

– نۇر-سۇلتان ەكونوميكا مەن بيزنەس ورتاعا قولايلى جاعداي جاسايتىن قالا بولىپ قالا بەرۋى قاجەت. باستى مىندەتتەردىڭ ءبىرى – ينۆەستيتسيا تارتۋ،– دەدى پرەزيدەنت.

قاسىم-جومارت توقاەۆ وزەكتى ما­سە­­لە­لەردىڭ ءبىرى رەتىندە باسپانا بەرۋ مەن قۇرىلىس جۇمىستارىنىڭ باسەڭ­دەۋىن اتادى.

– ۇلەسكەرلىك قۇرىلىس ماسەلەسىن تەز ارادا شەشۋ كەرەك. قالادا 49 پروب­لە­مالىق نىسان بار. ونداعى قۇ­رى­لىستىڭ اياقتالۋىن 13،5 مىڭ ۇلەسكەر تاعات­سىزدانا كۇتىپ وتىر،– دەدى مەملەكەت باسشىسى.

پرەزيدەنت ەلوردا تۇرعىندارىنىڭ ءومىر سۇرۋىنە مەيلىنشە قولايلى جاع­داي جاساۋ كەرەكتىگىنە كوڭىل ءبولدى. پرە­زي­دەنتتىڭ پايىمداۋىنشا، نۇر-سۇلتان – ء«تورت قۇبىلاسى تەڭ قالا» قاعي­دا­تىمەن دامۋى قاجەت. نەگىزگى مىندەت – جول سالۋ جانە جوندەۋ، ورتالىق كوممۋنيكاتسيالاردى تارتۋ، شەتكى كوشەلەر مەن «ميچۋرينو»، «ينتەرناتسيونالنىي»، «كۇيگەنجار» ەلدىمەكەندەرىن جا­رىقتاندىرۋ.

– قالانىڭ كوپتەگەن اۋداندارىندا جابدىقتالعان تروتۋارلار مەن جۇرگىن­شى­لەر وتپەسى جوق. سالدارىنان، جۇرگىن­شىلەردىڭ ءومىرى مەن دەنساۋلىعىنا قاتەر تونەدى. ءبىز كولىكپەن جۇرەمىز، ال ادامدار جولدان وتە المايدى. ولار كەز كەلگەن جەردەن كەسىپ ءوتىپ، جول ءجۇرىسى ەرەجەلەرىن بۇزۋعا ءماجبۇر، ءارى ءوزى مەن جۇر­گىزۋشى ءۇشىن ءقاۋىپ تۋدىرادى. ور­كە­نيەتتى قالالاردا بارلىق جەرلەردە وتپەلەر جاسالادى. جۇرگىزۋشىلەر مەن اۆتوكو­لىك­تەر ءۇشىن جاعداي جاسادىق، ايتسە دە، ازا-ماتتارىمىزدىڭ قاجەت­تى­لىك­تەرىن ۇمى­تىپ، ءتيىستى جاعدايلار تۇز­بەدىك. ءبىز ادام­داردى جولدى بەلگىلەنبەگەن جەردەن جۇگىرىپ وتۋگە ءوزىمىز يتەرمەلەيمىز. وسىعان قاجەتتى جوبالارمەن اينالى­سى­ڭ­ىزدار، كوپىرلەر، وتپەلەر تۇر­عىزىڭىزدار! – دەدى مەملەكەت باسشىسى.

قاسىم-جومارت توقاەۆ قالا تۇر­عىن­دارىنىڭ قوزعالىسىن قامتاماسىز ەتۋ ماسەلەسىن دە اينالىپ وتپەدى. بۇل تۇر­عىدا مەملەكەت باسشىسى جەڭىل رەلس­تى كولىك (LRT) قۇرىلىسىن سىنعا الدى.

– ۇكىمەت پەن اكىمدىككە LRT قۇرى­لى­سىن قايتا باستاۋ جانە ءبىرىنشى كەزەڭىنىڭ اياق­تالۋ مەرزىمىن ناقتى بەلگىلەۋدى، سونىمەن قاتار، ەكىنشى كەزەڭنىڭ كەستەسى مەن جۇزەگە اسىرۋ تەتىكتەرىن ايقىنداۋدى تاپسىرامىن،– دەدى پرەزيدەنت.

پرەزيدەنت ەنەرگەتيكا سالاسىنداعى نىساندار قۇرىلىسىنىڭ ۋاقىتىلى اياقتالماۋىن اتاپ ايتتى. قۇرىلىسى 2010 جىلى باستالىپ، بيىل اياقتالۋى ءتيىس جەو-3-تىڭ پايدالانۋعا بەرىلۋ مەرزىمى كەيىنگە شەگەرىلگەنىن مىسالعا كەلتىردى. قاسىم-جومارت توقاەۆ قالانىڭ «سارىارقا» گاز قۇبىرىنا قوسىلۋعا دايىن بولماۋىن دا سىنعا الدى.

پرەزيدەنت ازىق-تۇلىك جانە كۇن­دەلىك­تى تۇتىنۋ تاۋارلارىنىڭ قىم­بات­تىعىنا نازار اۋداردى. ونىڭ ويىنشا، باعانىڭ قىمباتتىعى – ينفراقۇرىلىم مەن ازىق-تۇلىك بەلدەۋىنىڭ ناشارلىعى، ساۋدا ورىن­دارىنىڭ جەتىسپەۋشىلىگىنىڭ ايعاعى.

قاسىم-جومارت توقاەۆ نۇر-سۇلتان قالاسى مەن اقمولا، قاراعاندى، پاۆلودار وبلىستارىنىڭ اكىمدىكتەرىنە تاۋار وندىرۋشىلەرمەن جانە ساۋدا جەلىلەرىمەن تىكەلەي بايلانىس ورناتۋدى تاپسىردى.

مەملەكەت باسشىسى ءوز ءسوزىنىڭ باسىم بولىگىن قالا تۇرعىندارىنىڭ الەۋمەتتىك تۇرمىس جاعدايىن جاقسارتۋعا ارنادى. ونىڭ ويىنشا، ىشكى ميگراتسيالىق پروتسەستەرگە باقىلاۋدىڭ بولماۋىنان جىل سايىن قالا حالقىنىڭ سانى ارتىپ، ول ءوز كەزەگىندە الەۋمەتتىك ينفرا­قۇ­رى­لىم­عا، سونىڭ ىشىندە مەديتسينا مەن ءبىلىم سا­لا­سىنا سالماق تۇسىرۋدە.

پرەزيدەنت ءبىلىم بەرۋ ۇيىمدارىندا ورىن جەتىسپەۋشىلىگىن ايتتى. ول مەكتەپتەر مەن مەكتەپكە دەيىنگى ءبىلىم بەرۋ مە­كەمەلەرىندەگى ورىن تاپشىلىعىن شەشۋ ءۇشىن جەكەمەنشىك ارىپتەستىكتى كوبىرەك تارتۋدىڭ ماڭىزدىلىعىن ايتتى.

قاسىم-جومارت توقاەۆ مەديتسينا­لىق قىزمەتتىڭ ساپاسىن ارتتىرۋدى دا اتاپ ءوتتى. بۇل تۇرعىدا 60 جىلدان بەرى كۇردەلى جوندەۋ جۇرگىزىلمەگەن ورتالىق تەمىرجول اۋرۋحاناسىنىڭ اپاتتى جاع­دايىن مىسالعا كەلتىردى.

سونىمەن قاتار مەملەكەت باسشىسى سپورت­­تىق نىسانداردىڭ قالا تۇرعىن­دا­رى ءۇشىن قولجەتىمدى بولۋى ءۇشىن قا­جەتتى شارالار ۇيىمداستىرۋدى، «قازاق­ستان» جانە «تولقىن» سپورت كەشەندەرىندە قاي­تا جون­دەۋ جۇمىستارىن جۇرگىزۋدى تاپسىردى.

پرەزيدەنت نۇر-سۇلتان اعىلشىن تىلىندە قىزمەت كورسەتەتىن حالىقارالىق ورتالىق رەتىندە دامي بەرۋى كەرەك دەدى.

– شەتەلدىك ساراپشىلار مەن ينۆەس­تور­لارعا اعىلشىن تىلىندە ء«بىر تەرەزە» قا­عيداتى بويىنشا قىزمەت كورسەتۋدى ۇيىم­داستىرۋ كەرەك. ول ءۇشىن قالا اكىم­دىگى «استانا» حالىقارالىق قارجى ورتا­لى­عى ەكسپات ورتالىعىنىڭ مۇم­كىندىگى مەن تاجىريبەسىن پايدالانۋى ءتيىس،– دەدى مەملەكەت باسشىسى.

قاسىم-جومارت توقاەۆ ەلوردانىڭ قارقىندى دامۋى ءۇشىن  تۇرعىندارىنىڭ قاۋىپسىزدىگىن قامتاماسىز ەتۋ ماسەلەسى دە وزەكتى ەكەنىن ايتتى.

– جىل باسىنان بەرى بالالاردىڭ تە­رە­زەلەردەن، بالكوننان قۇلاۋ سالدارىنان 14 توسىن جاعداي تىركەلدى. قۇرى­لىس نورمالارىندا قاۋىپسىزدىكتىڭ ناقتى پارامەترلەرىن كۇشەيتۋ قاجەت دەپ سانايمىن،– دەدى پرەزيدەنت.

سونداي-اق، مەملەكەت باسشىسى قالا­نى اباتتاندىرۋ جانە قوعامدىق ورىنداردى قايتا جاڭعىرتۋ جوسپارىمەن تانىستى. نۇر-سۇلتان قالاسىنىڭ اكىمى التاي كولگىنوۆ پرەزيدەنتكە ەلوردانىڭ الەۋمەتتىك-مادەني دامۋى، كوگالداندىرۋ مەن جۇزەگە اسىرىلىپ جاتقان نەگىزگى ينفراقۇرىلىمدىق جوبالار جايىندا باياندادى.


كەلۋ قاينارى: http://www.elarna.net/koru.php?tur=14&id=1058012

پىكىرلەر:

juz dep sifirmen jazingiz.