كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

داياشىلاردىڭ وڭاشا قالعاندا عانا ايتاتىن قۇپياسى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزد


ءتۇرى: ماسساگەت ماقالالارى

ۋاقىتى: 10:20 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version. داياشىلاردىڭ وڭاشا قالعاندا عانا ايتاتىن قۇپياسى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


داياشىلاردىڭ وڭاشا قالعاندا عانا ايتاتىن قۇپياسى

داياشىلار ءتۇرلى تاماقتانۋ ورىندارىنىڭ ىشكى اسحاناسىنان تولىقتاي حاباردار. ءوزى جۇمىس ىستەيتىن جەردىڭ اتىنان ءتۇرلى وتىرىكتەر ايتا سالۋعا، يميتاتسيا جاساۋعا ءماجبۇر بولادى. الايدا بۇل سىردى ىشىندە ساقتاماي، وڭاشا قالساڭىز، سىزگە دە ايتىپ بەرەدى.

ولار ۆەگەتاريانداردى الداي سالادى. «بۇل كوكونىس سورپاسىندا پىسكەن بە؟» دەپ سۇراسا، ولاي ەمەس ەكەنىن ەشقاشان ايتپايدى، سەبەبى ۆەگەتارياندار ءبارىبىر دامىنەن اجىراتا المايدى.

داياشىلار وزدەرى ەشقاشان ليمونعا تاپسىرىس بەرمەيدى. سەبەبى ولار ليموننىڭ داستارقانعا قالاي كەلەتىنىن جاقسى بىلەدى. ونى ءتىپتى جۋمايدى، قوراپتان شىعاردى، بولدى، تۋراپ ۇسىنا سالادى. ال ەگەر بىرەۋ تۋرالعان ليموندى تاۋىسپاسا، ول ءبىر ساعاتتان كەيىن قاي جەردە بولاتىنىن ءوزىڭىز ويلاي بەرىڭىز. ارينە، كەلەسى كليەنتتىڭ داستارقانىندا بولادى.

وملەت تاۋىق ۇنتاعىنان جاسالادى. كوپتەگەن وتەلدەر تاڭعى اسقا شۆەد ۇستەلىن دايىندايدى. ول جەردەن اشىق سارى ءتۇستى، اسكوكپەن ارلەنگەن تابەت اشارلىق وملەت كەزدەستىرۋگە بولادى. الايدا ول ەشقانداي دا تابيعي ەمەس، ونى ءاردايىم جۇمىرتقا ۇنتاعىنان دايىندايدى. دامىندە ايىرماشىلىق بولماعان سوڭ، جۇمىرتقاعا ارتىق شىعىندالۋدىڭ قاجەتى قانشا؟!

ەگەر تۇراقتى تۇتىنۋشىعا اينالعىڭىز كەلسە، اپتانىڭ باسىندا دۇيسەنبى، سارسەنبى كۇندەرى بارىڭىز، سوندا داياشىنىڭ ەسىندە جاقسى ساقتالاسىز. ال بەيسەنبى، دەمالىس كۇندەرى ونسىزدا ادام كوپ بولادى. داياشىلار تۇراقتى تۇتىنۋشىلاردى جاقسى كورەدى، ولاردىڭ تاعامدارىن دا كوبىرەك ۇسىنىپ، تەزىرەك قىزمەت ەتەدى.

داياشىلاردى ءبولىپ-جارۋدىڭ قاجەتى جوق. سىزگە قىزمەت كووسەتىپ باستاعان داياشى ۇزاق ۋاقىت كورىنبەي قالسا، سىزگە ورنىنا باسقا داياشى قىزمەت ەتە بەرەدى. ادەتتە، جاقسى مەكەمە قىزمەتكەرلەرى وسىلاي جۇمىس ىستەيدى. ەسەسىنە ولار جۇمىس كۇنى اياقتالعاندا بارلىعىنىڭ شايپۇلىن قوسىپ، تەڭدەي ءبولىسىپ الادى.

تاعامنىڭ دامدىلىگى تۋرالى داياشىدان سۇراماڭىز. ولار وزىنە جالاقى تولەيتىن ادامدارعا ادال بولعاندىقتان ءبارىبىر سىزگە شىنايى جاۋاپ بەرمەيدى. ەگەر تۇراقتى تۇتىنۋشى بولساڭىز، ولار وزدەرى-اق تاماقتىڭ اسا بالعىن ەمەس ەكەنىن تۇسپالداپ جەتكىزەدى. ال تىكەلەي سۇراعىڭىزعا تۋرا جاۋاپ بەرە المايدى.

تويدىڭىز با، كەتىڭىز. داياشىلار ءسىزدى كورگەنىنە ءاردايىم قۋانادى. الايدا تۇسكى اس ءىشىپ بولعاننان كەيىن كەشكە دەيىن باسقا شارۋالارىڭىزبەن اينالىسىپ وتىرىپ الۋ ىڭعايسىز. كينو بىتكەننەن كەيىن ءتيترى اياقتالعان سوڭ دا كينوتەاتردا وتىرا بەرمەيسىز عوي.

اسحانادا بارلىعىن تازا دايىندايتىنىنا كوز جەتكىزۋ ءۇشىن الدىمەن اجەتحاناسىنا باس سۇعىڭىز. ەگەر مەكەمە باسشىسى سانيتارلىق تازالىقتى ۇستاناتىن ادام بولسا، بارلىق جەردە تازالىق بولۋىن تالاپ ەتەدى.

داياشىنى اسا اسىقتىرا بەرۋدىڭ كەرەگى جوق. ءسال كۇتىپ قالساڭىز، قارنىڭىز اشىپ كەتكەننەن اشۋىڭىزدى داياشىدان الاسىز. الايدا اقىرىن قىزمەت كورسەتۋگە كوپ جاعدايدا داياشىنىڭ كىناسى جوق، بار گاپ اسحانا قىزمەتكەرلەرىنىڭ تەز ازىرلەپ بەرە الماۋىندا. ال اسىقتىرعان ۇستىنە اسىقتىرا تۇسسەڭىز، داياشىڭىز 20 مينۋتقا جوعالىپ كەتۋى مۇمكىن. ول سىزدەن وسىلاي ء«وش الادى».

1000 تەڭگەنىڭ تورتىن مىڭ تەڭگەمەن جەيسىز. تەك اسا جوعارى كلاستى مەيرامحانالار عانا تورتتى ءوز اسحاناسىندا ازىرلەيدى. ال دايىن تورت ساتۋشىلار تۇرعاندا باسقا مەكەمەلەر ونى ءپىسىرىپ الەكتەنىپ قايتەدى. ال سىزگە جارتى كۇن سول تورتتىڭ جاقسى شىعۋىنا تەر توككەندەي، 1000 تەڭگەگە ساتىپ العان تورتتىڭ ءبىر ءتىلىمىن 1000 تەڭگەدەن ساتادى.

سىزگە لاس اس بەرە سالۋى دا مۇمكىن. ەگەر ستەيك تارەلكەدەن تايىپ، ەدەنگە ءتۇسىپ قالسا، ونى دەرەۋ قايتا تارەلكەگە سالعاندا ول جەرگە تۇسكەن بولىپ ەسەپتەلمەيدى. سەبەبى جاي عانا قوقىسقا تاستاي سالاتىنداي ول ارزان اقشاعا كەلگەن جوق. سىزگە وسى ء«تۇسىپ قالعان» ستەيك الدىڭىزعا بالعىن ەتتەي بوپ كەلەدى.

كەي سالاتتار توڭازىتقىشتا ءۇش كۇن تۇرۋى مۇمكىن. مىسالى «تسەزار» سالاتىنا تاپسىرىس بەرسەڭىز، سالات جاپىراعى مەن تۇزدىعى عانا جاڭا دايىندالعان بولۋى مۇمكىن، ال تاۋىق ءتوس ەتى، سۋحاري سەكىلدى باسقا ينگرەديەنتتەرى توڭازتقىشتا ءۇش كۇن جاتىپ دەمالادى.



كەلۋ قاينارى: http://www.elarna.net/koru.php?tur=41&id=1058008

پىكىرلەر:

juz dep sifirmen jazingiz.