كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

Johnson & Johnson: كومپانيا اقش ازاماتىنا 8 ميلليارد دوللار وتەماقى تولەيدى ءبىز ءسىزدى جارقىن الەمگە جەتەلەيم


ءتۇرى: ماسساگەت ماقالالارى

ۋاقىتى: 09:55 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version. Johnson & Johnson: كومپانيا اقش ازاماتىنا 8 ميلليارد دوللار وتەماقى تولەيدى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


Johnson & Johnson: كومپانيا اقش ازاماتىنا 8 ميلليارد دوللار وتەماقى تولەيدى

فيلادەلفيا سوتى Johnson & Johnson كومپانياسى تاراپىنان شيزوفرەنيا مەن بيپوليارلىق اۋرۋلاردى ەمدەۋ ءۇشىن جاساپ شىعارىلعان دارىلەر اسەرىنەن زارداپ شەككەن مەريلەند شتاتىنىڭ تۇرعىنىنا 8 ميلليارد دوللار وتەماقى تولەۋى كەرەك دەپ شەشتى. بۇل تۋرالى Wall Street Journal حابارلادى.

باسىلىمنىڭ مالىمەتىنشە، نيكولاس ميۋررەي 2003-2008 جىلدار ارالىعىندا اۋرۋىن ەمدەۋ ءۇشىن دارىگەردىڭ ۇسىنىسىمەن Risperdal پرەپاراتىن ىشكەن. الايدا Johnson & Johnson شىعارعان بۇل نەيرولەپتيكالىق پرەپارات پايدالى ەمەس، كەرىسىنشە زيان – اتالعان ءدارى گينەكوماستيانى تۋدىرادى (ەركەكتەردە ءسۇت بەزدەرىنىڭ ۇلكەيۋى).

ميۋررەيدىڭ پىكىرىنشە، بۇل ءدارىنىڭ ناۋقاستارعا كەرىسىنشە اسەر ەتەتىنىن كومپانيا ماماندارى بىلگەن، ءبىراق دارىگەرلەرمەن ونى قولداناتىن ناۋقاستارعا ادەيى ەسكەرتپەگەن.

2015 جىلى العاشقى سوت وتىرىسىندا ميۋررەيگە كومپانيا 1،75 ميلليارد دوللار تولەۋ شەشىمى شىققان بولاتىن، كەيىننەن بۇل سوما 680 مىڭ دوللارعا دەيىن قىسقاردى. ءبىراق ميۋررەي قايتا شاعىم ءتۇسىرىپ، 8 ميلليارد دوللار وتەماقى الاتىن بولدى.

كومپانيا وكىلدەرى سوتتىڭ “بۇل نەگىزسىز ۇكىمنىڭ كۇشىن جويۋ تۋرالى” شەشىمىنە نارازىلىق بىلدىرەتىندەرىن ايتتى. كومپانيا بۇل سوما 680 مىڭ اقش دوللار كولەمىندەگى باستاپقى وتەماقىمەن “مۇلدەم سالىستىرۋعا كەلمەيدى” دەپ مالىمدەدى.

ايتا كەتەيىك، Johnson & Johnson كومپانياسى دارى-دارمەك، سانتەحنيكالىق بۇيىمدار جانە مەديتسينالىق جابدىقتار وندىرەتىن الەمدەگى 250-دەن استام ەنشىلەس كومپانيالاردىڭ توبىن باسقاراتىن امەريكالىق حولدينگتىك كومپانيا. كومپانيا 1887 جىلى قۇرىلعان. شتاب-پاتەرى نيۋ-دجەرسي قالاسىندا ورنالاسقان. كومپانيانىڭ جالپى قۇنى 317 ميلليارد دوللار. 127 100 مامان جۇمىس ىستەيدى.

ميۋررەي اتالعان كومپانياعا شاعىم تۇسىرگەن العاشقى كليەنت ەمەس. 2017-2018 جىلدار ارالىعىندا Johnson & Johnson پرەپاراتتارىنان شاعىم ءتۇسىرىپ بىرنەشە ادام ارىزدانعان. سونىڭ ىشىندە وسى كومپانيا دارىلەرىن قولدانعان 22 ايەل قاتەرلى ىسىك اۋرۋىنا شالدىعىپ، ونىڭ التاۋى ومىرىمەن قوش ايتىسقان. 22 (قايتىس بولعانداردىڭ تۋىستارى بار) ايەلدىڭ ارىزىن قاراعان جەرگىلىكتى سوت Johnson & Johnson كومپانياسىنا 4،69 ميلليارد دوللار تولەۋگە مىندەتتەگەن ەدى. ال 2018 جىلى لوس-اندجەلەس سوتى Johnson & Johnson-عا كومپانيا پرەپەراتى سالدارىنان قاتەرلى ىسىككە شالدىققان ايەلگە 417 ميلليون دوللار وتەماقى تولەۋ مىندەتتەگەن.



كەلۋ قاينارى: http://www.elarna.net/koru.php?tur=41&id=1057993

پىكىرلەر:

juz dep sifirmen jazingiz.